1 Yohana 5:20 - Mɑ‑to̱ Shir Taku̱rda-o swo̱r o-nu pu̱-o̱

²⁰ A nepse̱ u̱nze Wà-wu̱ Shir haante̱, komo wu̱ ya'ag na u̱s-nap a nept Shir-o̱ o-nip. M-mo̱ka a n-me̱ u̱n ká wa-o-nip-wu̱ remen a she'ette̱ u̱n gam-o̱ u̱r-hi u̱n Wà u̱n wu̱ ne̱, Ye̱so Kiristi. Wu̱ ro̱ Shir-o̱ ba m-ku̱ko̱p o̱ o-nip, komo wu̱ ro̱ Shir-o̱ o-nip u̱n ho̱o̱g-o̱ ba m-ta ne̱.

1 Yohana 5:20 Referans Kwoze

Yohana 17:3

Co̱w-yo hun-ne̱ hette̱ m-kum ho̱o̱g-o̱ ba m-ta à, yo ro̱, ye̱ nep u̱nze wo̱ wu̱ ro̱ Shir gaan, o-nip, komo ye̱ nep u̱nze me̱, Ye̱so, me̱ ro̱ Kiristi, wu̱ o to̱mne̱ à.

Ruka 24:45

Ka da-de wu̱ upsu̱ru̱ ye̱ u̱r-hur, ye̱ nept ka ge̱n-mo̱ Shir mo̱. Komo wu̱ ze̱e̱ru̱ ye̱,

Yohana 14:9

Ye̱so ze̱e̱ru̱ wu̱, “Pirip, ho̱nu̱ a she'ete̱ no̱ cen no̱ ne̱ à, ¿o ze̱e̱ru̱ har m-mo̱ka wo̱ nap me̱ á? Ai, kap ne̱t-wu̱ hyane̱ me̱ à, ai wu̱ hyanag o-Tato. ¿Re o̱ u̱n ya o zette̱, ‘Kute̱ te̱ o-Tato’?

1 Timoti 3:16

Nip-o̱, m-she̱r be-de Shir ro̱ m-'wo̱ns ne̱ ko̱ de nomte̱ se ken rem-se ro̱ko̱n wukusse̱ à: Ye̱so haante̱ n-me̱ o-wu̱r u̱ntu̱n o̱ ma na, Ku̱kt-o̱ Shir kutute̱ na wu̱ kashi u̱n ne̱t-wu̱. Yan-to̱m-ye̱ Shir ye̱ hyanag wu̱. Yan-dor Ye̱so ko̱'o̱te̱ ma-to̱ u̱n wu̱ be-de hun-ne̱ kap ho̱no o-dak. Hun-ne̱ go̱kste̱ kà ko̱'o̱t-o̱ be-u̱t-be ho̱no o-dak kap. Shir de̱ku̱ wu̱ ha-m o̱ n-To̱n be-de m-se̱ps.

1 Yohana 5:1

U̱rege̱ a she̱re̱g o-nip u̱nze Ye̱so wu̱ ro̱ Kiristi, na yakar-ye̱ Shir ye̱ ka. Ko̱wan wu̱ ro̱ m-was o-Tato à, wu̱ waste̱ o̱ ká u̱n yakar-ye̱ u̱n wu̱ ne̱.

Yohana 20:28

Tomas shasu̱ru̱, wu̱ ze̱e̱ru̱, “Go̱s-wu̱ re! Shir re!”

U̱t-Hyangan 3:7

“Gene̱ wan-co-wu̱ u̱n yan-dor ye̱ u̱n bo̱-o̱ o-Pirapiya u̱nze: Me̱ wu̱ ro̱ wan-gaan wu̱ ba m-ku̱ko̱p o-nip ne̱. Me̱ o-mabudi ne̱, yo ro̱ yo ma ko-Gwo̱mo Dawuda à. Da-o̱ u̱m tikshe̱ ish à, wa-m-tige̱ ro̱ ko̱n á. Da-o̱ me̱ tige̱ ish tomso ne̱ wa-m-tiks ro̱ ko̱n á.

1 Yohana 4:16

A nak, tomso ne̱ a she̱re̱g o-nip u̱n was-mo̱ Shir no̱me̱ na à. Shir was-mo̱ u̱rege̱ a se̱ngu̱te̱ m-was u̱n o̱r na ne̱, a ma'as kang-o gaan u̱n hur-u̱t na u̱n Shir ne̱, komo Shir a ma'as kang-o gaan be-u̱r na.

Roma-ne̱ 9:5

Ibrahi, Ishaku, u̱n Yakubu ne̱ ro̱ mo̱ng-ne̱ u̱n ye̱ ne̱ ya-n-ga-ye̱, Kiristi u̱n ce u̱n wu̱ ko-Isra-wu̱ u̱n mat-de u̱n ko-hun. Komo, wu̱ Shir wu̱. Wu̱ ro̱ gwo̱mo-to̱ u̱n ko̱yan à, komo wu̱ wooste̱ a 'ye wu̱ u̱r-bo̱ngo̱n har da-o̱ ba m-ta, amin!

Yohana 10:30

U̱n me̱ u̱n Tato re, gaan te̱ ro̱.”

1 Yohana 4:2

Co̱w-yo no̱ hette̱ nap u̱n u̱n Ku̱kt-o̱ Shir à, yo ka. Kap ne̱t-wu̱ de̱ke̱ Ye̱so Kiristi, wu̱ heesu̱nte̱ u̱n wu̱r-o̱ u̱n ne̱t à, ka ne̱t-wu̱ ro̱ u̱n Ku̱kt-o Shir ne̱.

1 Yohana 2:6

Kap bo̱n wu̱ ze̱e̱ wu̱ ro̱ kang-o gaan u̱n Shir ne̱ à, se̱ wu̱ no̱mo̱g bo̱ Ye̱so no̱me̱ à.

Yahuda-ne̱ 1:8

Amba u̱n ma-u̱t Wà u̱n wu̱, wu̱ zee, “Wo̱ Shir, gwo̱mo-u̱t ru to̱ m-ta to̱ á. Piish u̱n ma-to̱ o-nip, to̱ ro̱ gwo̱o̱b-yo u̱n gwo̱mo-u̱t ru.

Titus 2:13

A nom kaane̱, ko̱ de a ro̱ u̱n 'er-de u̱n sakto̱, o̱ he na m-rwo̱ o-zak à. U̱n ka ho̱-de Ye̱so Kiristi, wu̱ ro̱ na caari-wu̱ Shir, Wan-Gwu̱ na, wu̱ he m-mu̱u̱n u̱n ka dak-o̱ u̱n se̱ps-mo̱ u̱n wu̱ ne̱.

Se̱nge̱-mo̱ 20:28

Gwo̱t no̱ hi u̱n no̱, komo kap o̱ u̱n hun-ne̱ ye̱ Ku̱kt-o̱ Shir rwo̱'u̱ no̱ m-gwo̱t à. Ye̱ ro̱ u̱ntu̱n kur-o̱ u̱n ca. Komo no̱ he yan-gu̱t-de u̱n hun-ne̱ yan-dor ye̱ Shir kumne̱ hi u̱n de u̱n wu̱ u̱n hyó-m Wà u̱n wu̱ à.

Yohana 17:14

U̱m ru̱ru̱te̱ ye̱ ma-u̱t ru. Hun-ne̱ ye̱ u̱n ho̱no o-dak yagu̱ru̱ ye̱, remen ye̱ ba ye̱ ma ho̱no o-dak ye̱ á, u̱ntu̱n bo̱ u̱m ro̱ wu̱ ma ho̱no o-dak á.

U̱t-Hyangan 19:11

Ka da-de u̱m hyanu̱ru̱ To̱n-o shir tikshite̱, komo jo̱k-o pus-yo ro̱ eso kaane̱. Ka wu̱ daa ká jo̱k-yo à, jin-de u̱n wu̱ Ko-yan-E̱ss u̱t-Ma komo Wa-o-Nip. U̱n me̱n-u̱t pus-to̱ wu̱ ro̱ u̱n piish u̱t-ma komo u̱r-gu̱n ne̱.

U̱t-Hyangan 15:3

Ye̱ ro̱ u̱n hu u̱n se̱p-o Mosa, ko-gu̱w-wu̱ Shir, komo u̱n se̱p-o̱ u̱n ká Ya Rwu̱u̱g-o Ca-yo ne̱, ye̱ ro̱ m-ze̱e̱, “Se̱nge̱-m ru kutute̱ hun-ne̱ u̱nze wo̱ ro̱ go̱s-wu̱ komo Wa-u̱t-Hyat, Wan-Ko̱yan Shir Wa-u̱t-Gwo̱mo kap! Co̱w-u̱s ru se u̱n me̱n-u̱t pus-to̱ se, se o-nip komo, wo̱ ko-Gwo̱mo-wu̱ u̱t-dak!

U̱t-Hyangan 6:10

Ye̱ 'yonsu̱ u̱s-co̱r de̱e̱n ye̱ ze̱e̱ru̱, “Wan-Ko̱yan, Wa-u̱r-Be̱e̱b kap, Wa-o-nip komo So̱-wu̱, ¿se̱ de ke ho̱-de o he piishe̱ u̱n hun-ne̱ ye̱ u̱n kà ho̱no o-dak o̱ u̱t-ma? ¿Komo yan da-o̱ o he ye̱ m-rangse̱ remen ye̱ ho̱o̱g te̱? ¿De ke ho̱-de o he te̱ m-mu̱se̱?”

U̱t-Hyangan 3:14

“Gene̱ wan-co-wu̱ u̱n yan-dor ye̱ u̱n bo̱-o̱ o-Rawudikiya u̱nze: To̱m-o̱ ka o̱ rwu̱u̱ne̱ be u̱n de, wu̱ a m-ze̱e̱ ‘Amin’ à. Me̱ ko-yan-e̱ss u̱t-ma wu̱, o-nip ne̱, ko-Gwo̱mo-wu̱ u̱n rii-yo Shir hwo̱o̱ne̱ kap à.

1 Yohana 4:14

Shir to̱mo̱nte̱ Wà u̱n wu̱, Wan-Gwu̱ be-de u̱n hun-ne̱ u̱n ho̱no o-dak. Te̱ hyanag Wà u̱n wu̱ m-mo̱ka komo te̱ u̱n ko̱'o̱te̱ u̱n ye̱ ken ma-to̱ u̱n wu̱.

Piripi-ne̱ 3:9

Komo u̱m nept me̱ kang-o gaan u̱n wu̱ ne̱, me̱ m-o̱o̱g u̱n rii-yo u̱r-bon yo u̱m no̱me̱ á ko̱ do̱ro̱tte̱-o̱ u̱n karamsa-o̱ Shir. Amba u̱m she̱re̱g be-u̱r Kiristi wu̱ guut me̱, remen co̱w-yo Shir hette̱ na muut te̱te̱ u̱n wu̱ ne̱ à, se̱ a she̱re̱g u̱n wu̱.

2 Korinti-ne̱ 4:6

Remen Shir, o̱ rwo̱re̱, “Yage̱ m-cu̱cas mo̱ dakante̱ n-te̱ o-comb,” Wu̱ rwo̱'o̱g cu̱cas-mo̱ u̱n wu̱ mo̱ ma'as m-dakan n-te̱ u̱n hur u̱n te̱, mo̱ ye'et hun-ne̱ m-cecas ye̱ nept se̱ps-mo̱ Shir be-u̱r Ye̱so Kiristi.

Yohana 15:4

She'et no̱ kang-o gaan u̱n me̱ ne̱, me̱ ne̱ man she'et be u̱n no̱. Bo̱ o-jet ro̱ m-mat u̱n yakar u̱n ho̱n-de u̱n yo á, se̱ de̱ yo ro mo̱sse̱ o-'yo ne̱. Kááne̱ o̱ u̱n cen no̱, no̱a hoks no̱m u̱n rii á, se̱ no̱ she'ette̱ mo̱sse̱ u̱n me̱ ne̱.

Yohana 14:23

Ye̱so ze̱e̱ru̱ wu̱, “Bo̱n wu̱ wasse̱ u̱n me̱ ne̱ à, wu̱a do̱re̱ ma-u̱t re. Tato re a was u̱n wu̱ ne̱. Te̱a haan, te̱ Tato re be-de u̱n wu̱ te̱ she'et mo̱sse̱ u̱n wu̱ ne̱.

Yohana 14:20

Ho̱-de, no̱ he kum u̱n Ku̱kt-o̱ Shir à, ka ho̱-de o̱ no̱ he m-nap u̱nze me̱ u̱n Tato re ne̱ gaan-to̱ te̱ ro̱. Ka ho̱-de a warag no̱ gaan.

Yohana 14:6

Ye̱so ze̱e̱ru̱ wu̱, “Me̱ wu̱ ro̱ o-co̱w, me̱ wu̱ ro̱ o-nip, me̱ wu̱ ro̱ ho̱o̱g. Wa m-ha be-u̱r Tato re ro̱ ko̱n á, se̱ wu̱ do̱nte̱ be u̱n de remen me̱ wu̱ ro̱ o-co̱w yo m-ha be-u̱r Tato re.

Yohana 1:18

Yatt ne̱t-wu̱ take̱ hyan u̱n Shir cas á, se̱ Wà u̱n wu̱ u̱r-mat u̱n ho̱n-de u̱n wu̱. Wu̱ ro̱ ragaan u̱n Shir ne̱. Wu̱ ro̱ tara u̱n kom-o̱ u̱r-re̱ de Shir à, wu̱ ru̱ru̱ na bo̱ Shir ro̱ à.

Ruka 21:15

Remen man 'ye no̱ u̱t-gom, u̱s-we̱e̱r ne̱, bo̱ yan-yage̱-u̱t no̱ a hoks no̱ u̱n wakse̱ u̱n yo no̱ zee á.

Matiyos 13:11

Ye̱so shasu̱ru̱ ye̱, “Shir dak no̱, no̱ ye̱ she̱re̱ be-de u̱n wu̱ à, remen no̱ hoksté̱ m-nap u̱n yo ka. Ye̱ she̱re̱ be-de u̱n wu̱ á, ye̱a hoks m-nap mo̱sse̱ u̱n gwo̱mo-to̱ Shir ne̱ á.

1 Yohana 2:24

No̱ ne̱, rii-yo no̱ ho̱ge̱ cin n-ga ne̱ à, se̱ no̱ e̱ss yo u̱n hur-u̱t no̱. U̱rege̱ ne̱ rii-yo no̱ ho̱ge̱ à, no̱ e̱sste̱ yo u̱n hur-u̱t no̱, no̱a ma'as kang-o gaan o-Tato ne̱ u̱n Wà u̱n wu̱ ne̱, Ye̱so.

Apisu-ne̱ 3:18

Remen kaane̱, me̱ u̱s-ko̱n myet hun-ne̱ ye̱ Shir a hoks m-nap bo̱ wu̱ wasse̱ u̱n na ne̱ à. Wu̱ co̱no̱g na ba u̱r-ma. Komo yatt-wu̱ he to̱ hoks m-me'es á remen mo̱ ro̱ de̱e̱n.

2 Korinti-ne̱ 5:17

Remen kaane̱, u̱rege̱ ne̱t ro̱ n-me̱ u̱n Kiristi, wu̱ waragte̱ mat-o pu̱-o̱ o̱ ka, ka ut-o̱ taag, m-mo̱ka ko̱ yo ke rii-yo waragte̱ o-pu̱ yo.

1 Korinti-ne̱ 1:30

Ba rii-yo u̱s-se̱s yo á, Shir o̱ gu no̱ bo̱ wu̱ mo̱ssu̱ no̱ u̱n Ye̱so Kiristi ne̱ à. Be-u̱r Ye̱so o̱, u̱n yo wu̱ nome̱ ne̱ à o̱ rwo̱'e̱ Shir guut na. U̱n bu̱-o Ye̱so Shir muute̱ na kashi, yan-ba-m-ku̱ko̱p, u̱n hun-ne̱ ye̱ wu̱ ruute̱ be-de u̱n ba'as-to̱ u̱n ye̱ à.

Yohana 17:25

“Kashi o-Tato, hun-ne̱ ye̱ u̱n ho̱no o-dak, ye̱ nap wo̱ á, amba u̱m nepste̱ wo̱. Yan-dor re komo, ye̱ nepste̱ u̱nze wo̱ to̱mnu̱ me̱.

Yohana 8:42

Ye̱so ze̱e̱ru̱ ye̱, “U̱ rotte̱ Shir tato no̱ wu̱, no̱ roa was u̱n me̱ ne̱ remen be-de o-Tato o̱ u̱m rwu̱u̱ne̱. Me̱ ka ne̱, me̱n haan remen hi u̱n de á. Wu̱ wu̱ to̱mne̱ me̱.

1 Yohana 2:23

Yatt-wu̱ he no̱m u̱n she-mo̱ u̱n Wà, wu̱ kumut o-Tato á, amba wu̱ go̱kse̱ Wà à, wu̱ ro̱ ká o-Tato ne̱.

1 Yohana 5:5

¿Wan wu̱ he re̱ u̱r-ho̱ u̱n ho̱no o-dak á? Se̱ wu̱ she̱re̱ u̱nze Ye̱so wu̱ ro̱ Wà-wu̱ Shir à.

1 Yohana 5:15

U̱rege̱ a nepse̱ u̱nze Shir ro̱ na m-ke'e̱ u̱t-to̱ da-o̱ a ko̱nu̱ wu̱, a nepste̱ o̱ ka o-nip wu̱ ya'ag na yo a ko̱ne̱ à.

1 Yohana 5:18

A nepste̱ yakar-ye̱ Shir ro̱ m-se̱nge̱ m-no̱m u̱r-ba'as á, remen Ye̱so Kiristi, Wà-wu̱ Shir, ro̱ u̱n 'er-de u̱n ye̱, ko-Gwo̱mo-wu̱ u̱n ya-u̱t-ko̱t a hoks ye̱ m-ci á.