1 Yohana 4:6 - Mɑ‑to̱ Shir Taku̱rda-o swo̱r o-nu pu̱-o̱

⁶ Na ne̱, hun-ne̱ ye̱ Shir-ye̱. Wu̱ nape̱ Shir à, wu̱ ro̱ u̱n raks u̱t-to̱ be u̱n na. Amba wu̱ nape̱ Shir á, ne̱t-wu̱ Shir wu̱ á, har wu̱ rakste̱ u̱t-to̱ be u̱n na á. Co̱w-yo a nepte̱ ma-to̱ o-nip to̱ rwu̱u̱ne̱ be-de Shir à, u̱n to̱ u̱t-bo̱ ne̱ à, yo ka.

1 Yohana 4:6 Referans Kwoze

Yohana 14:17

Wu̱ wu̱ ro̱ Ku̱kt-o̱ Shir wu̱ he no̱ m-kute̱ nip-o̱ Shir. Hun-ne̱ ye̱ u̱n ho̱no o-dak, ye̱ hoks wu̱ m-go̱ks á, remen ye̱ hoks wu̱ m-hyan, har ye̱ nept wu̱ á. No̱ ne̱, no̱ nepste̱ wu̱ remen no̱ be-u̱r gaan u̱n wu̱ ne̱. Wu̱a she'et tomso ne̱ n-me̱ u̱n no̱.

Yohana 10:27

Ca re ye̱ ro̱ u̱n raks u̱n co̱r re. U̱m nepste̱ ye̱. Ye̱ ro̱ me̱ tomso ne̱ m-do̱re̱.

Yohana 15:26

“Baks no̱ u̱nze Wa-u̱t-Orom a haan, wu̱ u̱m he no̱ m-to̱mne̱, rwu̱u̱n-mo̱ u̱n be-de o-Tato à. Ku̱kt-o̱ Shir wu̱ he m-rwu̱u̱n be-de o-Tato à, wu̱ he no̱ m-kute̱ o-nip à, wu̱ he no̱ wan-swo̱-u̱s.

1 Yohana 4:1

O̱r re ne̱, ye̱ me̱ m-was à, yan-ko̱'o̱t u̱n ma-to̱ u̱t-bo̱ rusunte̱ ho̱no o-dak ko̱ kene̱ u̱nze yan-rwo̱r u̱n Ma-to̱ Shir ye̱ ka. Remen kaane̱, no̱ go̱ks ko̱wan wu̱ zee wu̱ ro̱ u̱n Ku̱kt-o̱ Shir ne̱ á. Se̱ no̱ me'este̱, no̱ gu̱t, ko̱ Ku̱kt-o̱ Shir o̱ nip o̱.

1 Yohana 4:4

Yakar re, yakar-ye̱ Shir ye̱ no̱ ro̱. Tomso ne̱ no̱ kapste̱ ka ya-u̱t-bo̱-ye̱ remen Ku̱kt-o̱ Shir o̱ ro̱ be-u̱r no̱ à, o̱ jiishte̱ o̱ u̱n ho̱no o-dak m-'wo̱ns.

Yohana 18:37

Biratus ze̱e̱ru̱ wu̱, “¿Ko-Gwo̱mo-wu̱ o ro̱?” Ye̱so ze̱e̱ru̱ wu̱, “Bo̱ o ze̱e̱ à, me̱ ko-Gwo̱mo-wu̱. Remen kááne̱ o̱ a mette̱ me̱. Remen kááne̱ o̱ komo ne̱, u̱m co̱wo̱nte̱ ho̱no o-dak remen u̱m ru̱ru̱t o-nip. Ko̱yan co̱n-to̱ o-nip ne̱, wu̱ ro̱ u̱n raag u̱n co̱r re.”

1 Korinti-ne̱ 14:37

U̱rege̱ wu̱ ken wu̱ muute̱ hi u̱n de u̱n wu̱ ko-yan-rwo̱r u̱n Ma-to̱ Shir, ko̱ komo wu̱ muut hi u̱n de u̱n wu̱ ko̱wan Ku̱kt-o̱ Shir, wu̱ nep u̱nze, kà yo me̱ no̱ m-gene̱ à ma-u̱t Wan-Ko̱yan to̱ u̱n hi u̱n de u̱n wu̱.

2 Tasaronika-ne̱ 1:8

Wu̱a rangse̱ ka ye̱ nape̱ Shir á u̱n ka ye̱ yage̱ nome̱ u̱n Ma-to̱ m-Re̱re̱m o-do̱ro̱tte̱ à to̱ ma Wan-Ko̱yan na Ye̱so.

Yohana 16:13

Da-de Ku̱kt-o̱ Shir haane̱, Wa-u̱r-Yoos de o-nip, wu̱a do̱ru̱ttu̱ no̱ be-de o-nip. Wu̱ ro̱ u̱n he de no̱ ru̱re̱ u̱t-ma be-de u̱t-gwo̱mo á. Wu̱ ro̱ u̱n he-de m-ze̱e̱ ko̱ rii, se̱ de̱ kap to̱ wu̱ ho̱ge̱ be-de Shir à, to̱ to̱ wu̱ he m-rwo̱r. Wu̱a ru̱ru̱ no̱ rem-se he m-takan à.

1 Yohana 4:8

Shir was-mo̱, komo ko̱wan wu̱ yage̱ was u̱n o̱r u̱n wu̱ à, wu̱ nap Shir á.

1 Timoti 4:1

Ku̱kt-o̱ Shir ru̱ru̱tu̱ na cas u̱nze u̱n kà ho̱-to̱ u̱r-ko̱m to̱, ye̱ ken ye̱ a yage̱ m-she̱r be-de u̱n yoos-de o-nip de u̱n Ma-to̱ Shir. Ye̱a she̱r be-de u̱n yoos-de u̱n ya-u̱t-bo̱, to̱ rwu̱u̱ne̱ be-de u̱n ya-u̱t-ko̱t à.

Yohana 13:20

Me̱ no̱ m-ru̱re̱ o-nip, bo̱ u̱n ne̱t-wu̱ go̱kse̱ wu̱ u̱m to̱mbe̱ à, wu̱ go̱kste̱ me̱ o̱ ka. Wu̱ go̱kse̱ me̱ ne̱ à, wu̱ go̱kste̱ Shir o̱ ka wu̱ to̱mne̱ me̱ à.”

Yohana 8:19

Ye̱ ze̱e̱ru̱, “¿Ke ne̱ o̱ tato ru ro̱?” Ye̱so shasu̱ru̱, “Ko̱ me̱ ko̱ Tato re, yatt-wu̱ no̱ nape̱ á. No̱ ro nepse̱ me̱, no̱ roa nep Tato re komo.”

Ruka 10:22

“Tato re, ya'ag me̱ rii kap. Yatt-wu̱ nape̱ yo ka wà-wu̱ ro̱ á, se̱ tato u̱n wu̱, komo yatt-wu̱ nape̱ yo ka tato-o̱ ro̱ á, se̱ ka wà-wu̱, se̱ komo ye̱ ka wà-wu̱ daage̱ wu̱ ru̱ru̱te̱ ye̱ à.”

Yahudas 1:17

Amba no̱ ye̱ me̱ m-was u̱n no̱ ne̱ à, baks no̱ rii-yo yan-To̱m Ye̱so ye̱ u̱n Wan-Ko̱yan na Ye̱so Kiristi ru̱ru̱ no̱ à.

2 Bitrus 3:2

U̱m co̱no̱g no̱ baks Ma-to̱ Shir to̱ yan-Rwo̱r u̱n Ma-to̱ Shir ye̱ u̱n ba m-ku̱ko̱p rwo̱re̱ n-ga n-ga à, komo u̱n karamsa-o Kiristi ne̱ Wan-Ko̱yan na, Wan-Gwu̱, ká yo yan-To̱m Ye̱so ru̱ru̱ no̱ à.

2 Korinti-ne̱ 10:7

Gwo̱t no̱ rii-yo ro̱ cas à! U̱rege̱ wu̱ ken ze̱e̱g wu̱, wu̱ ma Kiristi wu̱, yage̱ ka ne̱t-wu̱ ja'aste̱ no̱m u̱s-barag, wu̱a nep u̱nze te̱ ma ye̱ ma Kiristi ye̱.

Roma-ne̱ 11:8

Bo̱ to̱ ro̱ gense̱ u̱n Ma-to̱ Shir à: U̱nze “Shir muute̱ ye̱ raag-ne̱ u̱n ko̱o̱b-de m-nap ne̱. Wu̱ ya'ag ye̱ yish amba ye̱ m-hyan á, u̱t-to̱ ne̱ to̱ m-ho̱ge̱, ye̱ m-ho̱ge̱ á, kaane̱ ha co har ca.”

Roma-ne̱ 1:1

Me̱, Burus, wan-gu̱w-m Kiristi Ye̱so, ge̱nbe̱ ka taku̱rda-o̱. Shir ak me̱ ko-yan-To̱m Ye̱so remen u̱m ko̱'o̱tté̱ Ma-to̱ m-Re̱re̱m to̱ u̱n wu̱.

Yohana 20:21

Ye̱so dooru̱ m-ze̱e̱, “M-gwu̱gwu̱ be u̱n no̱! Bo̱ Tato re to̱mne̱ me̱ à, ka bo̱-se ne̱, o̱ u̱m to̱me̱ no̱.”

Yohana 10:16

Me̱ u̱n ye̱ ken ca-ye̱ ne̱ ye̱ ro̱ u̱n o̱ ka kur-o̱ á. Se̱ u̱m hantu̱te̱ ye̱. Ye̱a ho̱ge̱ co̱r re. Ka da-de, ye̱a she'et kur-o gaan, wa-u̱r-gu̱t wan-gaan.

Yohana 8:23

Wu̱ ze̱e̱ru̱ ye̱, “No̱, u̱n dak-o̱ no̱ ro̱'e̱. Me̱ ne̱, n-To̱n o̱ u̱m rwu̱u̱ne̱. No̱ yan-ho̱no-o-dak ye̱, me̱ ne̱ wan-ho̱no-o-dak wu̱ á.

Yohana 10:3

Wan-'er-de u̱n ish wu̱ ro̱ wu̱ m-tikse̱. Ye̱ge̱-ca komo ne̱ ye̱ ro̱ u̱n raag u̱t-to̱ u̱n co̱r-o̱ u̱n wu̱. Wu̱ ro̱ u̱n aag u̱n jin-to̱ u̱n ca-ye̱ u̱n wu̱, wu̱ ruut ye̱ n-do̱.

1 Yohana 5:19

A nepse̱ u̱nze na yakar-ye̱ Shir ye̱, komo myet-mo̱ u̱n ho̱no o-dak, ko-Gwo̱mo-wu̱ u̱n ya-u̱t-ko̱t ro̱ o̱ u̱t-gwo̱mo.