1 Bitrus 1:7 - Mɑ‑to̱ Shir Taku̱rda-o swo̱r o-nu pu̱-o̱

⁷ Da-o̱ no̱ se̱nge̱ m-do̱re̱ Ye̱so n-me̱ u̱r-ko̱o̱b à, yo kute̱ hun-ne̱ u̱nze no̱ she̱re̱g Ye̱so gu̱n gu̱n. Hun-ne̱ m-zwo̱ u̱n zinariya n-me̱ o-ra remen ye̱ rwu̱u̱nté̱ kar kar. Kang-o gaan, ko̱o̱b-u̱r no̱ ro̱ u̱ntu̱n ka ra-o̱, amba no̱a rwu̱u̱n kar kar, komo she̱r-m no̱ aragte̱ zinariya. Da-o̱ Ye̱so Kiristi mu̱u̱ne̱ à, Shir a m-se̱ps no̱ wu̱ 'ye no̱ m-se̱k de̱e̱n remen no̱ she̱re̱g be-de u̱n wu̱.

1 Bitrus 1:7 Referans Kwoze

Yakubu 1:12

Shir a hu̱u̱ nu-o̱ u̱r-bon be-de u̱n ne̱t-wu̱ jo̱o̱se̱ n-me̱ u̱n re̱ u̱r-ko̱o̱b de u̱n wu̱ à, wu̱a go̱ks 'yons-de u̱n ho̱o̱g-o̱ u̱n ba m-ta o̱ Shir swo̱re̱ o-nu wu̱a 'ye ye̱ wasse̱ u̱n wu̱ ne̱ à.

1 Bitrus 4:12

No̱ nay-ne̱ re, taase no̱ hyen u̱t-hyat u̱n ko̱o̱b-de no̱ m-swo̱ à sa o zee rii pu̱-yo ko̱ru̱ no̱.

Roma-ne̱ 2:7

Shir a 'ye hun-ne̱ ho̱o̱g-o̱ u̱n ba m-ta ye̱ mo̱'e̱ u̱r-hur u̱n se̱nge̱-mo̱ u̱n no̱m u̱n rii-yo u̱r-bon à, ye̱ ro̱ u̱n sakto̱-o̱ u̱n kum m-se̱ps, m-se̱k ne̱, u̱n ho̱o̱g-o̱ ba m-ta ne̱.

1 Korinti-ne̱ 3:13

De ken ho̱-de a hyen se̱nge̱-mo̱ u̱n ko̱ wu̱ ke ko-ya-u̱t-mà wu̱. Remen da-o̱ Ye̱so he m-mu̱u̱n à, wu̱a rwu̱nte̱ ko yo ke rii-yo cas. Remen o-ra o-ra a he rwu̱nte̱ u̱n se̱nge̱-mo̱ u̱n ko̱wan, komo ra-o̱ he meger u̱n go̱ u̱n ko̱ mo̱ ke se̱nge̱-mo̱ ko̱wan nome̱ à.

Yahudas 1:24

U̱r-bo̱ngo̱n be-de wu̱ ro̱ u̱r-be̱e̱b ne̱ wu̱ wenet no̱ m-he̱ à. Wu̱ komo he no̱ m-heet be-de u̱n wu̱ de jiishe̱ u̱r-bon à ba u̱r-ba'as, se̱ o-zak.

2 Bitrus 1:4

Remen kaane̱, wu̱ e̱ssu̱te̱ na kashi u̱n caari-to̱ u̱n ma-to̱ u̱n wu̱, remen no̱ waragté̱ kashi, bo̱ Shir ro̱ kashi à. Komo wu̱ e̱ssu̱te̱ na, no̱ possu̱té̱ sabre̱-o̱ ro̱ n-me̱ u̱n ho̱no o-dak o̱ dish-o yo̱-o̱ hante̱ à.

1 Bitrus 2:4

Haan no̱ be-u̱r Ye̱so Kiristi. Wu̱ ro̱ ta'ar-de u̱n ho̱o̱g de hun-ne̱ ginme̱ à, amba Shir dak wu̱ komo wu̱ 'ye wu̱ u̱t-go̱s de̱e̱n.

Matiyos 25:21

“Ko-yan-o-hur ho̱gu̱ru̱ o-zak, wu̱ ze̱e̱ru̱, ‘No̱mo̱g u̱r-bon, ko-yan-kashi m-gu̱w o̱, ne̱t so̱-wu̱! O no̱mo̱g o-shir u̱n rii re̱k-yo. Man ya'as wo̱ gwo̱mo-to̱ arge̱ to̱ ká à. Haan, o nom o-zak be-u̱r gaan u̱n me̱ ne̱.’

U̱t-Hyangan 3:10

N-me̱ u̱n 'mo̱ u̱r-hur, no̱ no̱mo̱g o-do̱ro̱tte̱ u̱n ma-u̱t re. Remen kááne̱, man 'er no̱ u̱n ká da-o̱ o̱ u̱m he m-rwo̱ meger-to̱ he̱be̱ hun-ne̱ ya o-zang u̱n ho̱no o-dak a su̱ u̱r-ko̱o̱b. Me̱ u̱n nom kaane̱, remen u̱m nept ko̱ ye̱a waktu̱ne̱ e̱s-mo̱ u̱n ba'as-to̱ u̱n ye̱ ko̱ ye̱a waktu̱ne̱ á.

U̱t-Hyangan 2:10

No̱ ho̱ge̱ gye̱r-o̱ u̱n ko̱o̱b-de no̱ u̱n ma-to̱ m-swo̱ m-mo̱ka á. U̱m ru̱ru̱tu̱ no̱, ko-Gwo̱mo-wu̱ u̱n ya-u̱t-ko̱t wu̱a ru̱ a jorbe̱ ye̱ ken ye̱ be u̱n no̱ n-me̱ u̱n kuke̱-o̱ m-ke'et remen a megerté̱ no̱. No̱a su̱ o-jaas yo har ho̱-u̱t o̱p. Amba she̱r no̱, ko̱ u̱n ma-to̱ m-mar, man 'ye no̱ go̱nd-o̱ u̱n ho̱o̱g.

U̱t-Hyangan 1:7

Gwo̱t! Wu̱ ro̱o̱n u̱t-ke'ente̱ to̱ n-To̱n shir. Ko̱ wu̱ ke ne̱t-wu̱ a hyen wu̱, myet u̱n ka ye̱ ho̱ wu̱ ne̱ à. Komo myet-mo̱ u̱n baag-to̱ u̱n ho̱no o-dak a nom tu̱k-mo̱ u̱t-me̱n remen wu̱. E̱e̱ kaane̱ to̱ ro̱, amin.

1 Korinti-ne̱ 4:5

Remen kaane̱, taase no̱ kupse̱ wu̱ ken wu̱ u̱t-ma ba da-o̱ u̱n wo̱o̱. Ka da-o̱ ro̱o̱n, da-o̱ Wan-Ko̱yan he mu̱u̱n à. Wu̱ he rwu̱u̱nte̱ u̱n rem-se ro̱ wukusse̱ o-comb à, komo wu̱ rwu̱nte̱ sakto̱-o̱ ro̱ u̱n hur-de u̱n ne̱t à. Ka da-o̱ o̱ ka ko̱wan he go̱ks u̱r-bo̱ngo̱n be-de Shir hond hond Shir nepste̱ ka rii-yo ro̱ n-me̱ hur-de u̱n ne̱t à.

Se̱nge̱-mo̱ 8:20

Amba Bitrus ze̱e̱ru̱ wu̱, “Wo̱ u̱n hwo̱r ru ne̱ no̱a sabre̱! ¿Wo̱ m-hyan o̱ o zee u̱n hwo̱r-o̱ o he kum u̱n yar-mo̱ Shir?

Yohana 12:26

Kap wu̱ he me̱ nome̱ m-gu̱w à, wu̱ do̱ru̱ me̱ be-de u̱m ro̱ à, káne̱ o̱ wu̱ he m-she'et u̱n cen wu̱. Ko̱wan wu̱ nomo me̱ m-gu̱w, Tato re a se̱ps wu̱.”

Yohana 5:44

¿No̱a she̱r hur-u̱t no̱ u̱n me̱ ne̱? No̱ m-ho̱ge̱ zak-o̱ u̱n bo̱ngo̱n-de o̱r no̱ ne̱ ro̱ no̱ m-nome̱ à. Amba no̱ was u̱n bo̱ngo̱n-de rwu̱u̱ne̱ be-de Shir ne̱ u̱n ho̱n-de u̱n wu̱ á.

Ruka 12:33

Baab no̱ kap yo no̱ ro̱tte̱ à, no̱ ya'as ko̱o̱b-ne̱ hwo̱r u̱n ka co̱w-yo no̱a kum o-kwu̱m n-To̱n be-de Shir. Nomo no̱ hi u̱n no̱ be-de u̱r-e̱ss de ba m-ta, komo no̱ e̱s kwu̱m-o̱ no̱ n-to̱n, be-de o̱a heeb á, remen yatt ko-hyow-wu̱ he m-ci á, komo re̱n a hoks o̱ m-naas á.

Matiyos 25:23

“Ko-yan-hur-o̱ u̱n wu̱ ze̱e̱ru̱ wu̱, ‘No̱mo̱g u̱r-bon, inin ko-gu̱w, kashi u̱n ne̱t! O no̱mo̱g o-shir u̱n rii re̱k-yo, man ya'as wo̱ gwo̱mo-to̱ arge̱ to̱ ká à. Haan, o nom o-zak be-u̱r gaan u̱n me̱ ne̱.’

Matiyos 19:28

Ye̱so shasu̱ru̱, “Nip-o̱ me̱ no̱ m-ru̱re̱, u̱n ka da-o ro̱o̱ne̱ à, da-o̱ Wà-wu̱ u̱n ne̱t he m-she'et u̱n gwo̱mo-to̱ u̱n wu̱ to̱ u̱t-go̱s à, no̱ ye̱ do̱ru̱ me̱ à, no̱ ye̱ komo he m-she'et u̱n de̱e̱g-to̱ u̱n gwo̱mo-u̱t o̱p u̱t-yoor [12]. No̱ ye̱ he piishe̱ u̱n baag-u̱t o̱p u̱t-yoor [12] to̱ u̱n Isra-ne̱ u̱t-ma.

U̱t-Hyangan 3:18

Remen kaane̱ me̱ no̱ u̱n ya-u̱t-ma no̱ o o-zinariya be u̱n de, yo a zwo̱'e̱ o-ra à. Ka da-de no̱a warag ya-o-kwu̱m n-me̱ u̱n rem-se o-Ku̱kt. Komo no̱ o matuku-u̱t pus-to̱ be u̱n de, no̱ cu̱pu̱te̱ hi u̱n no̱ remen no̱ bitité̱ 'e̱-mo̱ u̱n she'et-de u̱n kor u̱n no̱. Komo no̱ o baat-se u̱n yish no̱ be u̱n de remen no̱ hyenet m-so̱k ne̱.

2 Bitrus 1:1

Me̱, Simo̱n Bitrus, ko-gu̱w komo u̱n wan-To̱m Ye̱so Kiristi ne̱. Me̱ ge̱nbe̱ ka taku̱rda-o̱ ha-mo̱ u̱n be-de u̱n ye̱ go̱kse̱ m-she̱r o-nip ne̱ u̱ntu̱n mo̱ ma na. No̱ u̱n nom kaane̱ u̱n bu̱-yo kashi-o̱ Shir na u̱n Ye̱so Kiristi ne̱ Wan-Gwu̱.

1 Bitrus 2:7

Be-u̱r no̱, no̱ ye̱ she̱re̱ u̱n wu̱ à no̱ nape̱ go̱ u̱n se̱ps-mo̱ Shir ya'u̱ wu̱ à. Amba ka ye̱ gini wu̱ à. Ma-to̱ Shir ze̱e̱g, “Ka ta'ar-de ya-u̱t-ma jore̱ à, de waragte̱ de jiish ko̱ de ke ta'ar-de u̱n be-de u̱t-ma.”

1 Bitrus 1:5

Remen she̱r-m no̱, Shir a 'er no̱ u̱n be̱e̱b-de u̱n wu̱ har no̱ go̱kste̱ ká gwu̱-o̱ ro̱ zo̱ngse̱ o̱ rwu̱u̱nte̱ ho̱-de u̱r-ko̱m à.

Roma-ne̱ 2:29

Ko-Yahuda-wu̱ o-nip hur-de u̱n wu̱ ro̱ te̱te̱ u̱n Shir ne̱. Ku̱kt-o̱ Shir o̱ ro̱ u̱n m-ja'as u̱n hur-de u̱n ne̱t. Shir-ye̱ ro̱ wu̱ m-bo̱m, yanze ne̱t á. Karamsa-o ro̱ m-ja'as u̱n hur-de u̱n ne̱t á.

Ruka 17:30

Kaane̱ he m-no̱m ho̱-de u̱n mu̱u̱n-mo̱ u̱n Wà-wu̱ u̱n ne̱t wu̱a 'wo̱s hun-ne̱ ba m-zo̱nge̱.

Roma-ne̱ 2:10

Amba Shir a 'ye ko̱ wu̱ ke wu̱ ro̱ m-no̱m u̱n se̱nge̱-mo̱ u̱r-bon à, m-se̱ps, m-se̱k ne̱, u̱n gwu̱gwu̱-mo̱ u̱r-hur ne̱. Wu̱a no̱m yo ka, u̱r-takan Yahuda-ne̱, ka da-de, ye̱ ro̱ Yahuda-ne̱ á.

Roma-ne̱ 8:19

Myet yo Shir no̱me̱ à, ro̱ u̱n o-dish ne̱ o̱ m-hyan u̱n da-o̱ Shir he m-rwu̱nte̱ u̱n ye̱ ro̱ yakar-ye̱ u̱n wu̱ à.

1 Bitrus 1:13

Remen kaane̱, she'et no̱ zo̱ngse̱ no̱ nomot rii-yo u̱r-bon, no̱ garamse̱ hi u̱n no̱. Rwo̱ no̱ sakto̱-o no̱ kap be-de u̱n yar-mo̱ a he no̱ m-'ya da-o̱ Ye̱so Kiristi he m-rwu̱u̱n à.

1 Bitrus 4:13

Amba no̱m no̱ o-zak, remen no̱ m-swo̱ u̱r-ko̱o̱b bo̱ Kiristi swo̱ de à. Remen no̱a nom o-zak de̱e̱n da-o̱ wu̱ he m-mu̱u̱n u̱n se̱ps-mo̱ u̱n wu̱ ne̱ à.

1 Bitrus 5:1

U̱m co̱no̱g m-do se̱k-ye̱ no̱ jaab-o̱ u̱t-me̱n. Me̱ abre ko-se̱k, me̱ wu̱ hyane̱ bo̱ Kiristi swo̱ u̱r-ko̱o̱b à. Komo kane̱ co a wong se̱ps-mo̱ u̱n wu̱ u̱n me̱ ne̱ da-o̱ a he na mo̱ m-kute̱ à.

2 Bitrus 3:14

Remen kaane̱ nay-ne̱ re, bo̱ no̱ u̱n waase̱-de u̱n ka rem-se korot kap à, se̱ngu̱ no̱. No̱ nom rii-yo u̱r-bon remen Shir hyenet no̱ ba m-ku̱ko̱p. Bo̱ wu̱a zee no̱ no̱mo̱g rii yo̱-yo á. No̱ nom rii-yo u̱r-bon komo remen Shir hyenet no̱ u̱r-she'et n-me̱ m-gwu̱gwu̱ mo̱ u̱r-hur u̱n wu̱ ne̱.