Nosp̃en nga M̃irres se Iesu Kristo nga Mak Muli 9:7 - Uripiv

⁷ Ko mian ko nabor san esal vini ko esalsal ore iok; ko renge nabor nen drrelan san eplari rengen, owra “Ngel evi natuk nga memrreni, ko ngok kami kaprunge ni.”

Nosp̃en nga M̃irres se Iesu Kristo nga Mak Muli 9:7 Referans Kwoze

2 Pita 1:17

Daron nga Atua Tata mususi nisen van mare ko muloli moron mumor vaseni, kem namlik ko, ko namrunge drrelan san nga miplari renge moron ngok mare vini nga muwra “Ngel evi natuk le nga memrreni lenglengen e, nuir temijpal wor suri.”

Matiu 3:17

Ko drrelan san eplari re melrin, owra “Morok evi natuk nga memrreni, nurnge erres elep suri ni.”

Nosp̃en nga M̃irres se Iesu Kristo nga Mak Muli 1:11

Ko drrela Atua evel renge melrin vini owra “Nik kuvi natuk nga numrrenim elep, nurnge erres surim.”

Bori se Jon 1:7

Ko ngok kaplesi sete mia-periv nga p̃irrmali renge nabor nir vini, ko namet jijle puklu pimteni. Ko renge daron ngok, nir nga maruni sir rengen ko jinibb jijle ne iel ngatan parunge p̃isij ko parting daron nga parlesi e. Pirpok ko.

Ibrus 2:1

Renge iok ko, kerr rrapterter ko wor nga rraprrul totkoni nale weretunen nga rramrunge pa musuw, puloli sete rraptor jabble sel se kerr.

Nosp̃en nga M̃irres se Iesu Kristo nga Jon Muli 20:31

Ko ngel le ma nir nga molir, nulir nga kami kaposuri nga Iesu evi Mesaea, Atua natun mawos; ko renge nosurien ngok renge nisen, kami kapla mauren rengen.

Nosp̃en nga M̃irres se Iesu Kristo nga Jon Muli 6:69

Kem namosuri ko namrongwose nga nik kuvi Jinibb On se Atua.”

Nosp̃en nga M̃irres se Iesu Kristo nga Jon Muli 1:34

Ngok niko inu m̃elesi ko nurij sen nga ni ngel ko evi Atua natun mawos.”

1 Jon 5:20

Ko rramrongwose nga Natu Atua evini pa iel ngatan, ko elai pa derteren tevi kerr nga rraprongwose Atua weretunen. Ko mauren se kerr okorti tevi Atua nga mivi weretunen, suri mauren se kerr okorti pa tevi Natun Iesu Kristo. Ngok ko Atua nga mivi weretunen, ko ngok ko mauren nga sete murongwose pusuw nabong sopon.

Naul nga Pol Muli tevi Kalesia Nir renge Rom 1:4

Ko re devjen se Atua, Atua eviseni renge derteren nga milep sen nga Iesu evi ni Natun, suri nga muloloi ni mimaur luwi kele re mijen.

Majingen se Aposol Nir 8:36

Orjilwer ortajer orini, ko orremali renge nuwi seser nga welili san. Ko m̃er nga osusi tevi Pilip owra “E, kulesi, rromor-pelari renge nuwi le ngel. Ko nik kurrorrmi erpese? Sev ejki nga poro parpaptaese inu?”

Majingen se Aposol Nir 7:37

Ko Moses ngok kobbong nga muwrai tevi m̃eri Isrel nir nga muwra ‘Atua pususture propet san re kami pirpe nga mususture inu. Ko ni pivi kele san re kami san.’

Majingen se Aposol Nir 1:9

Daron nga m̃irij jile mirpok, ko nir arlesi meter e nga Atua ela lweni van re melrin e. Ko nabor san etevni ore, ko setemun arlesi kele.

Nosp̃en nga M̃irres se Iesu Kristo nga Jon Muli 19:7

M̃eri Isrel nir arwera lweni tevi Paelet, arwera “Kem nesesreien se kem otoe, ko nesesreien nen owrai ni orongwos pimij ko wor! Suri ni lweni elngi ni evi Atua natun.”

Nosp̃en nga M̃irres se Iesu Kristo nga Jon Muli 9:35

Iesu ornge nga marwirr tweni m̃ernen renge naim gortien ser pa. Mian ko eskai ko owrai tevi, “Nik kuosuri Jinibb Mawos?”

Nosp̃en nga M̃irres se Iesu Kristo nga Jon Muli 5:37

Ko Tata suk nga mukoni inu, ni kele erij se inu. Ko sete kami kamrunge drrelan renge nabong san, rreknga kamlesi niben renge nabong san.

Nosp̃en nga M̃irres se Iesu Kristo nga Jon Muli 5:18

Renge muwrai mirpok ngok ko, ololi m̃eri Isrel nen nir arpej kele wor renge ni sel nga parevji pini ni rengen, sete suri kis nga mutor oti nabong on, ko suri kele nga muwra Atua evi ni Tata sen mawos, erpe ololi ni osorsan tevi Atua.

Nosp̃en nga M̃irres se Iesu Kristo nga Jon Muli 1:49

Ngok Nataniel owrai lweni tevi, “O, jinibb nevisvisenien, nik kuvi Atua natun mawos, kuvi Numal se m̃eri Isrel nir!”

Matiu 27:54

Ko daron nga numal se jinibb nuval nen nir ko jinibb nga marpitevi ni marmetmet suri Iesu marunge nam̃i m̃im̃i ko nanu jijle nga marpelari ngok, ko armetutu temijpal, arwera “Ewretun, m̃erel evi Atua Natun!”

Matiu 27:43

Ni ebibto Atua, Atua p̃itka tweni vajin lelingenok poro pimrreni ni. Suri owrai pa, ‘Inu nuvi Atua Natun.’ ”

Nosp̃en nga M̃irres se Iesu Kristo nga Mak Muli 9:6

Ni errerrlenge nanu nga puwrai, suri metutuen nga milep elair, armetutu elep.

Nosp̃en nga M̃irres se Iesu Kristo nga Mak Muli 9:8

Ngavilvilsen arienir arkulkulu pej; ko setemun arlesi san, ejki mun, Iesu kis vajin esan eptevi nir.

Nosp̃en nga M̃irres se Iesu Kristo nga Luk Muli 3:22

Ko Nem̃in On ojubbul vini; ko ololi niben otoe erpe wum̃er, ko orow vini esakel renge Iesu. Ko Atua drrelan evel renge melrin vini erij tevi, owra “Nik kuvi Natuk nga numrrenim elep. Nurnge erres elep surim.”

Nosp̃en nga M̃irres se Iesu Kristo nga Jon Muli 12:28

Ko bowra ma ‘Tata, kuploli isev tama san nga pususi nik nisem van mare.’ ” Ko drrelan san evel renge melrin vini owra “Nususi pa evan mare osuw, ko bosusi kele wor pian mare pivesan.”