Nosp̃en nga M̃irres se Iesu Kristo nga Mak Muli 9:5 - Uripiv

⁵ Ko Pita owrai tevi Iesu owra “Numal, erres kem namlik pa iel! Kem nabloli gorkoraim p̃itul, san pivi se nik, ko san pivi se Moses, ko san pivi se Elaeja.”

Nosp̃en nga M̃irres se Iesu Kristo nga Mak Muli 9:5 Referans Kwoze

Matiu 23:7

Ko armerreni jinibb partorir re maket, ko jinibb nir parveruse nir, ‘Jinibb nevisvisenien.’

1 Jon 3:2

Selek welili nir, rramivi natu Atua pa osuw. Ko sete eplari wor erres nga rrapa-irpese. Ko kerr rramrongwose nga daron nga Kristo piplari e, kerr rrapa-irpe ni, suri renge daron ngok rrapa-lesi momsawose ni renge mete kerr.

Matiu 17:4

Ko Pita erij van ji Iesu, “O, numal, erres kem namlik pa iel. Poro kumarong, inu b̃eli gorkoraim p̃itul iel, san pivi se nik, san pivi se Moses, ko san pivi se Elaeja.”

Matiu 23:8

Ko kami, sete kaplolir parveruse kami san ‘Jinibb nevisvisenien,’ suri jinibb sansan bbong evi jinibb nevisvisenien se kami, ko kami jijle kamivi niaken.

Nosp̃en nga M̃irres se Iesu Kristo nga Mak Muli 9:4

Ko renge ie Elaeja ko Moses orpelari limjer jir ko orjiljilwer tevi ni.

Nosp̃en nga M̃irres se Iesu Kristo nga Mak Muli 9:6

Ni errerrlenge nanu nga puwrai, suri metutuen nga milep elair, armetutu elep.

Nosp̃en nga M̃irres se Iesu Kristo nga Luk Muli 9:33

Mian ko laru nga ortipatun porivel lingi Iesu, ko Pita owrai tevi Iesu, “O, Numal, erres ma kem namlik pa iel; kem nabloli gorkoraim p̃itul, san pivi se nik, ko san pivi se Moses, ko san pivi se Elaeja.” Ni owrai ma, ko errerrlenge nale nga muwrai.

Nosp̃en nga M̃irres se Iesu Kristo nga Jon Muli 4:31

Renge daron nen jinibb sen nir arveruse ni, arwera “Numal, kupini mun kup̃aan sopon.”