Nosp̃en nga M̃irres se Iesu Kristo nga Mak Muli 7:34 - Uripiv

³⁴ Musuw, ko eleng raji meten oklu emteni melrin, ko engavsi ko owra “Epata”, nga muwra mirpel, “Borom p̃iap, ko nemem pimtarup!”

Nosp̃en nga M̃irres se Iesu Kristo nga Mak Muli 7:34 Referans Kwoze

Nosp̃en nga M̃irres se Iesu Kristo nga Jon Muli 11:41

Ko nir aritini tweni nevöt nen. Ko Iesu eleng raji meten oklu imare, ko owra “Tata, nuwra erres tevi nik nga komok-runge inu.

Nosp̃en nga M̃irres se Iesu Kristo nga Mak Muli 6:41

Ko ni ela niv nga elim nga ko ela nai nga eru nga ko esarrerr imare emteni melrin, ko olot erij erres surir. Ko obbri otvi niv nir, ko elai tevi jinibb sen nir, ko nir arlai tevi jinibb nir. Ko ololi kele erpok renge nai.

Nosp̃en nga M̃irres se Iesu Kristo nga Mak Muli 5:41

Ko orrul totkoni nevre nesenwarreng ko owrai tevi owra “Talita kum,” nga muwra mirpel: “Nesenwarreng, nuwrai tevi nik kupmera.”

Majingen se Aposol Nir 9:34

Mian ko Pita owrai tevi owra “Aeneas, lelingen wolok ko pa Iesu Kristo puloli kuprres luwi. Kuptur mera kuplulngi maling som!” Ko vesan rres Aeneas otur imare.

Nosp̃en nga M̃irres se Iesu Kristo nga Jon Muli 11:33

Daron nga Iesu m̃ilesi nesevin m̃iting, ko m̃eri Isrel nir nga marpitevi nesevin marting, ko engavsi, ornge lenglenge esij renge nolon, erpe p̃iap nawone.

Nosp̃en nga M̃irres se Iesu Kristo nga Mak Muli 15:34

Ko renge mete nial itolin nat mirivriv vajin ko Iesu ekail drrelan elep van mare owra “Eloi! Eloi! Lama sapaktani?” nga muwra puwra mirpel “Atua suk Atua suk, erpese kumiel lingik?”

Nosp̃en nga M̃irres se Iesu Kristo nga Mak Muli 8:12

Ko Iesu engavsi lenglengen e ko owra “Erpese dul ngel nir arpej nelesien? Nuwretun nga nuwretun lengleng nuwrai tevi kami, sete mara-lai nelesien san tevi dul ngel nir.”

Majingen se Aposol Nir 9:40

Mian ko Pita okoni twenir, ko ejiol vitan ko olot. Olot jile ko erieni non mawos vin nga mimij nga ko everuse, owra “Tapita, kupmera!” Tapita eleng raji meten, ko daron nga m̃ilesi Pita, ko emra elik.

Nosp̃en nga M̃irres se Iesu Kristo nga Jon Muli 11:43

Muwrai jile mirpel, ko everus temijpal van mare, owra “Lasros, kupivare!”

Ibrus 4:15

Jinibb sulsulen ngok sete erpe jinibb sulsulen m̃inij nir, nga daron nga derteren se kerr mijkie ko sete marong pote kerr. Ko nanu jijle nga marok-rrowrrowe jinibb arrowrrowe ni kele. Ni orongwos rrerrarre pa osuw. Ko nanu sansan kobbong, ni nololien sen ejkie.

Nosp̃en nga M̃irres se Iesu Kristo nga Jon Muli 17:1

Daron nga Iesu muwra jile nale ngel e nir, ko oklu imare emteni melrin, ko olot owra “Tata, mete nial nen evini. Kupsurövi natum, ko inu bosrövi nik.

Nosp̃en nga M̃irres se Iesu Kristo nga Jon Muli 11:38

Vesan kele Iesu engavsi, ornge lengleng esij. Ko evan renge dubb. Evi b̃ereng, ko aritini nevöt nga milep oto ore metali nen.

Nosp̃en nga M̃irres se Iesu Kristo nga Jon Muli 11:35

Iesu eting.

Nosp̃en nga M̃irres se Iesu Kristo nga Luk Muli 19:41

Ko daron nga Iesu mivini morie Jerusalem ko emteni, ko etengsi,

Nosp̃en nga M̃irres se Iesu Kristo nga Luk Muli 18:42

Ko Iesu owra lweni tevi owra “Kupkulu! Nosurien som ololi nik kumrres.”

Nosp̃en nga M̃irres se Iesu Kristo nga Luk Muli 7:14

Ko oruj van mori ko ejpari drrav nga mimatur rengen, ko jinibb nga marwosi artur murrong tevi. Ko owra “Nanwarreng, nuwrai tevim, kupmera!”

Nosp̃en nga M̃irres se Iesu Kristo nga Mak Muli 1:41

Ko Iesu orrorrmi lenglenge ni, ko sete ering e mesien sen, ko esaro elngi nevren rengen; ko owrai tevi owra “Inu numarong. Kupwokwok ko.”

Nosp̃en nga M̃irres se Iesu Kristo nga Mak Muli 7:35

Ko m̃ernen boron eap ko orngurnge nanu vajin, ko nanu nga m̃isre totoni nemen emtarup lingi; ko ni erij vajin erres.