Nosp̃en nga M̃irres se Iesu Kristo nga Mak Muli 2:27 - Uripiv

²⁷ Ko Iesu ewer oti nale sen vajin tevir, owra “Atua elngi Sapat nga p̃ila se jinibb, sete elngi jinibb nga p̃ila se Sapat, ejki!

Nosp̃en nga M̃irres se Iesu Kristo nga Mak Muli 2:27 Referans Kwoze

Kolosi 2:16

Ko lartul ngok arwera parwer lokloksi kami suri nanen lele nga kamrroi, ko nanu lele nga kammini. Ko arwera kele kamloli esij nga sete kamtori nabong sopor, ko sete kamtori nanen ne navöl muwut rrongvi, ko sete kamtori murrun ne nabong ebutun, nga marmosi ren. Ko sete kapmarong parij pirpok, pijki.

Nosp̃en nga M̃irres se Iesu Kristo nga Luk Muli 6:9

Ko Iesu owrai tevi nir, “Inu numrreni bosusi tevi kami: Renge devjen ne nale nesesreien, erres nga parloli nanu nga m̃irres re nabong ne Sapat? Poro pijki rreknga parloli p̃isij? Erres nga parloli jinibb san p̃irres luwi renge nabong ne Sapat? Poro pijki ko parlokloksi jinibb rrek!”

Nosp̃en nga M̃irres se Iesu Kristo nga Jon Muli 7:23

Kamok-loli arok-an renge bae renge nabong on erpok, nga nale nesesreien se Moses sete pimaot otvi. Ko erpese kami kamlolarsi inu nga mololi jinibb niben totoklai m̃irres renge nabong on?

Korin 2 4:15

Nanu jijle oto nga piwilwil se kami, ko niko merrenien se Atua daron nga mijpari jinibb elep vajin, ko puloli jinibb pilep parwera erres wor tevi Atua ko parsurövi.

Nosp̃en nga M̃irres se Iesu Kristo nga Mak Muli 2:28

Ko niko erpok ko inu Jinibb Mawos nuvi Numal ne Sapat.”