Nosp̃en nga M̃irres se Iesu Kristo nga Mak Muli 10:11 - Uripiv

¹¹ Ko ni owrai tevir, “Poro isi san p̃ilngi kurtweni nesen sen ko p̃ilesi kele nesevin m̃inij kele san, ngok olokloksi lenglengen e nesevin sen nga womu, ololi butterter sen tevi.

Nosp̃en nga M̃irres se Iesu Kristo nga Mak Muli 10:11 Referans Kwoze

Matiu 19:9

Ko nuwrai tevi kami, Poro nga jinibb san nesevin sen sete puloli womue batun, ko m̃ernen bbong p̃ilngi kurtweni nawone, ko p̃itka kele nesevin p̃isan kele, ni evitan re nesevin ngok ko vajin.”

Naul nga Pol Muli tevi Kalesia Nir renge Rom 7:3

Ko poro nga diwen sen mimaur malum ko vinnen pukorti tevi norman m̃inij, ko ngok otor otvi pa nale nesesreien nen vajin, ololi pa esij. Ko poro nga diwen sen emij, ko nale nesesreien nen setemun orrul totkoni vajin, ko ni sete ololi esij poro pukorti tevi norman m̃inij.

Nosp̃en nga M̃irres se Iesu Kristo nga Luk Muli 16:18

“Erpok ko, jinibb si nga p̃ilngi kurtweni nesen sen ko p̃itkai kele nesevin m̃inij san, erpe evitan re nesevin ngok ko vajin. Ko m̃er nga m̃itkai kele nesevin nga diwen sen m̃ilngi kurtweni, ni kele evitan re nesevin ngok.”

Korin 1 7:4

Ko sete nesevin kis emetmete niben, ko diwen sen kele. Ko renge murrun ngok kele, sete diwen sen emetmet kis ni niben, ko nesen sen kele.

Ibrus 13:4

Totkoien evi nanu san nga kaprrorrmi pilep suri. Norman p̃ilik tevi ko wor nesen sen mawos, ko nesevin p̃ilik tevi ko wor diwen sen mawos. Atua pivrrali norman m̃elakel nga mututur nawon malum, ko nesen m̃elakel nga mututur nawon malum, poro pormatur kokorti. Ko pivrrali kele norman nga mimatur tevi nesevin nga sete mivi nesen sen, ko pivrrali kele nesevin nga mimatur tevi norman nga sete mivi diwen sen.

Nosp̃en nga M̃irres se Iesu Kristo nga Mak Muli 10:10

Daron nga marlik vajin loloim ko jinibb sen nir arsusi lweni kele nanu nga tevi ni.