Nosp̃en nga M̃irres se Iesu Kristo nga Mak Muli 1:11 - Uripiv

¹¹ Ko drrela Atua evel renge melrin vini owra “Nik kuvi natuk nga numrrenim elep, nurnge erres surim.”

Nosp̃en nga M̃irres se Iesu Kristo nga Mak Muli 1:11 Referans Kwoze

Nosp̃en nga M̃irres se Iesu Kristo nga Mak Muli 9:7

Ko mian ko nabor san esal vini ko esalsal ore iok; ko renge nabor nen drrelan san eplari rengen, owra “Ngel evi natuk nga memrreni, ko ngok kami kaprunge ni.”

Matiu 3:17

Ko drrelan san eplari re melrin, owra “Morok evi natuk nga memrreni, nurnge erres elep suri ni.”

Kolosi 1:13

Ko Atua etka tweni kerr pa renge derteren ne nemalik, elngi kerr renge batun vanu se Natun nga mimrreni.

Naul nga Pol Muli tevi Kalesia Nir renge Rom 1:4

Ko re devjen se Atua, Atua eviseni renge derteren nga milep sen nga Iesu evi ni Natun, suri nga muloloi ni mimaur luwi kele re mijen.

Nosp̃en nga M̃irres se Iesu Kristo nga Jon Muli 3:16

Atua emrreni temijpale jinibb ne iel ngatan nir. Ko niko muloli ni mukoni inu, nga m̃esansan mevi ni natun mawos, vini iel ngatan. Ngok poro isi san pia-osuri inu, m̃ernen sete mia-mij, ko pia-la mauren nga muto tuwi ngok vini.

Nosp̃en nga M̃irres se Iesu Kristo nga Jon Muli 5:37

Ko Tata suk nga mukoni inu, ni kele erij se inu. Ko sete kami kamrunge drrelan renge nabong san, rreknga kamlesi niben renge nabong san.

Nosp̃en nga M̃irres se Iesu Kristo nga Jon Muli 1:34

Ngok niko inu m̃elesi ko nurij sen nga ni ngel ko evi Atua natun mawos.”

Nosp̃en nga M̃irres se Iesu Kristo nga Luk Muli 9:35

Ko renge nabor nen drrelan san eplari rengen owra “Ni evi natuk nga memrreni, ko ni ko motobbtobbue. Kami kaprunge ni.”

Matiu 17:5

Daron nga mok-rij malum mirpok, ko nabor nga m̃irinrin san esalsal orer, ko arunge drrelan san eplari re nabor, owra “Morok evi natuk nga memrreni, ko nurnge erres elep suri ni. Kaprunge ni p̃irres.”

Nosp̃en nga M̃irres se Iesu Kristo nga Jon Muli 6:69

Kem namosuri ko namrongwose nga nik kuvi Jinibb On se Atua.”

Matiu 12:18

“M̃erel evi jinibb ne majingen suk nga motobbtobbue ko nga memrreni, ko nurnge erres elep suri ni. Bea-loli Nem̃ik pia-silvi ni, ko ni pia-van pia-wer tweni nesesreien suk nga mimawos tevi m̃eri vare nir.

Nosp̃en nga M̃irres se Iesu Kristo nga Mak Muli 1:10

Ko daron nga mitawij renge nuwi imare, ko elesi evesane melrin eteri wukari eru e etp̃ir; ko elesi Nem̃in On erpe wum̃er orow jubbul rengen vini ko esakel renge ni.

Nosp̃en nga M̃irres se Iesu Kristo nga Luk Muli 3:22

Ko Nem̃in On ojubbul vini; ko ololi niben otoe erpe wum̃er, ko orow vini esakel renge Iesu. Ko Atua drrelan evel renge melrin vini erij tevi, owra “Nik kuvi Natuk nga numrrenim elep. Nurnge erres elep surim.”