Matiu 26:21 - Uripiv

²¹ Ko daron nga maraan e, ko owrai tevi nir: “Nuwretun nuwrai tevi kami nga san re kami pia-tekai kerasi inu.”

Matiu 26:21 Referans Kwoze

Nosp̃en nga M̃irres se Iesu Kristo nga Jon Muli 13:21

Daron nga Iesu muwra nanu ngel e ko ornge lenglenge esij ko owrai tevir, “Nuwretun nga nuwretun nuwrai tevi kami, san renge kami pia-tekai kerasi inu.”

Ibrus 4:13

Sete nanu san iel ngatan orongwose piteptepi renge no Atua. Nanu jijle arto limjer rres renge non. Ko renge no Atua kobbong kerr jijle rrapa-werai tweni murrun ne mauren se kerr.

Bori se Jon 2:23

Ko berevji pini kele natun nir, puloli kalesia nir parongwose, inu nurongwose nanu jijle nga muto re nolo jinibb ko norrorrmien se jinibb, ko bea-lai nowlin mawos tevi nir sisamis re murrun nga marloli.

Matiu 26:2

“Kamrongwose, teru le pa evi nabong ne nanen ne Asien se m̃eri Isrel nir, daron nga marrorrmi lweni nga marivel lingi Ijip tuwi. Ko inu Jinibb Mawos para-tekai kerasik nga para-rruloni inu para-wuse maure inu re nai pelaot, pijpari nga bemij pin.”

Matiu 26:22

Ko nolor arrum elep, ko artipatun arwerwerai tevi ni, “Numal, evi inu?”

Nosp̃en nga M̃irres se Iesu Kristo nga Jon Muli 13:18

“Sete nuwra kami jijle ngok ko. Nurongwose nir nga motobbtobbuer. Ko Naul On pivini piplari weretunen ko wor, nga muwra ‘M̃er nga murro nanen nurruk p̃irieni ko p̃itre kele inu.’

Nosp̃en nga M̃irres se Iesu Kristo nga Jon Muli 13:22

Jinibb sen nir armetmetenir e, arrelenge owra nir si nen ko.