Matiu 21:37 - Uripiv

³⁷ “Mian ko vitunen jer vajin, okoni natun norman; orrorrmi nga nir parloli p̃irres le tevi ni natun.

Matiu 21:37 Referans Kwoze

Nosp̃en nga M̃irres se Iesu Kristo nga Jon Muli 3:16

Atua emrreni temijpale jinibb ne iel ngatan nir. Ko niko muloli ni mukoni inu, nga m̃esansan mevi ni natun mawos, vini iel ngatan. Ngok poro isi san pia-osuri inu, m̃ernen sete mia-mij, ko pia-la mauren nga muto tuwi ngok vini.

Nosp̃en nga M̃irres se Iesu Kristo nga Jon Muli 1:34

Ngok niko inu m̃elesi ko nurij sen nga ni ngel ko evi Atua natun mawos.”

Nosp̃en nga M̃irres se Iesu Kristo nga Luk Muli 20:13

Ko numal ne naut ne grep nga owra ‘Aro! Bololi pirpese? Inu bokoni vajin natuk nga memrreni, ko ni ko ma nir partori p̃irres ko.’

Nosp̃en nga M̃irres se Iesu Kristo nga Mak Muli 12:6

Ko sansan bbölbböl vajin ojpon jer, natun nga mimrreni temijpal nen e. Ni okoni vivitu jere evan jir, owra ‘Nir rreknga parosuri natuk le.’

Matiu 3:17

Ko drrelan san eplari re melrin, owra “Morok evi natuk nga memrreni, nurnge erres elep suri ni.”

Nosp̃en nga M̃irres se Iesu Kristo nga Jon Muli 1:18

Sete jinibb san elesi Atua renge daron san, ejki. Natun mawos kobbong, nga nuru Atua morsorsan mawos, nga morkorti m̃irres morirpe m̃elew, ni kobbong evel renge melrin vini, ko owra visviseni Tata sen tevi kerr.

Matiu 21:36

Mian ko ni okoni kele jinibb sen sopor nir elep asi vajin nga womu, ko lartul nga arloli kele tevir osorsan tevi nga marloli tevi nir nga womu.

Matiu 21:38

Ko jinibb nen nir, daron nga marlesi ni natun, arwerwerai tevir, ‘O, ngel evi natun nga pia-la joro tata sen. Rraprevji pini, ko puloli orsel pia-ivi vajin se kerr!’