Matiu 14:2 - Uripiv

² Ko owrai tevi jinibb sen nir, “M̃erel evi Jon Baptaes le. Ni emra renge mijen, niko derteren sen mutoe nga muloli majingen nga marinijnij nawone nir.”

Matiu 14:2 Referans Kwoze

Matiu 16:14

Ko nir arwera “Sopor arwera nik kuvi Jon Baptaes, sopor arwera nik kuvi Elaeja, ko nir sopon kele arwera Jeremaea, rreknga propet san ne tuwi.”

Nosp̃en nga M̃irres se Iesu Kristo nga Jon Muli 10:41

Jinibb elep arini jin, ko arwera “Ewretun, Jon Baptaes sete ololi nelesien te ejki, ko nanu jile nga ma Jon Baptaes musp̃e surir renge m̃erel arweretun.”

Nosp̃en nga M̃irres se Iesu Kristo nga Mak Muli 8:28

Ko nir arwerai tevi ni, “Sopor arwera Jon Baptaes, ko sopor arwera Elaeja, ko sopor arwera propet san.”

Matiu 11:11

Nuwretun nuwrai tevi kami, renge nir p̃etp̃eti nga mariak iel ngatan, sete san erpe Jon Baptaes. Ni elep wor asi nir. Ko renge nir nga paran re batun vanu ne melrin, nir p̃etp̃eti arlelep asi wor Jon.

Matiu 3:1

Mian mian ko vitunen Jon Baptaes evini ewerwer re lolo merwer ne Jutia, owra

Nosp̃en nga M̃irres se Iesu Kristo nga Mak Muli 6:14

Ko Numal Erot Antipas ornge marsup̃e Iesu, suri nisen jinibb jile arunge. Ko nir sopor arwera “Jon Baptaes ko otur imare luwi renge mijen, ko ngok niko majingen nga marlelep ngok arimare renge ni, ko ololi nanu nga marinijnij nawon ngok e nir.”

Nosp̃en nga M̃irres se Iesu Kristo nga Luk Muli 9:7

Ko Erot Antipas evi numal ne Galili, ko ornge nanu nga marpelari ngok nir nga Iesu mulolir. Ko nolon ekarkare elep, suri ornge jinibb sopor arwera “Ngok Jon Baptaes ko otur imare luwi renge mijen.”