Nosp̃en nga M̃irres se Iesu Kristo nga Luk Muli 8:39 - Uripiv

³⁹ “Kupluwi van renge ngaim som e, ko kupwera sev nga Atua muloli pa tevim.” Ko m̃ernen evan renge ngaim jile nir ko osp̃e suri sev nga Iesu muloli tevi ni.

Nosp̃en nga M̃irres se Iesu Kristo nga Luk Muli 8:39 Referans Kwoze

1 Timoti 5:8

Ko jinibb nga mumusus pimetmete metka sen mirpe tasu sen san nga diwen sen mimij lingi, eviseni nga ni setemun orrul totkoni murrun ne nosurien, ko evan ngasu malum wore Atua easi jinibb san nga nosurien sen mijkie.

Nosp̃en nga M̃irres se Iesu Kristo nga Jon Muli 4:29

“Lartul, kapini kaplesi ta jinibb san ni le, m̃ernen owra jijle nanu nga nomok-lolir nir. Rreknga m̃ernen evi Kristo le?”

Nosp̃en nga M̃irres se Iesu Kristo nga Mak Muli 1:45

Evel van ko etipatun osupsup̃e limjer, etewijreni nanu nga elep. Ko ololi Iesu setemun orongwos pivel limjer renge ngaim mun nir, ni elik jer ko pa renge lolo merwer. Ko ngok ololi bbong jinibb ne lat p̃etp̃eti arivivel tweni malume.

Nosp̃en nga M̃irres se Iesu Kristo nga Mak Muli 5:18

Ko daron nga ni m̃isa luwi renge drrav, ko m̃er nga nem̃in nga marsij marsisilvi bonevis nga ongoni tevi Iesu nga ni piptevi ni.

Nosp̃en nga M̃irres se Iesu Kristo nga Mak Muli 5:19

Ko Iesu ewer ore owra pijki, ko owrai tevi ni, “Kupluwi van renge naim som e ji metka som nir, ko kupsup̃e tevir erpese nga Numal mimrreni nik, ko nanu nga milep nga muloli tevim.”

Nosp̃en nga M̃irres se Iesu Kristo nga Luk Muli 8:38

Ko m̃er nga nem̃in nga marsij marivare lingi ongoni tevi Iesu nga poro nga ni piptevi ni. Ko Iesu okoni lweni owra

Nosp̃en nga M̃irres se Iesu Kristo nga Luk Muli 8:40

Daron nga Iesu mian mijpari renge devje nuwi e, ko delung nir artur terai ko pa parwera erres tevi ni renge nga mivini, suri nir artiriv ko pa terai.