Nosp̃en nga M̃irres se Iesu Kristo nga Luk Muli 6:35 - Uripiv

³⁵ Ko kami ma kapmerreni ko wor devje nuval se kami ko kaploli p̃irres tevir, ko kaplai tevi nir nga sete kaprrorrmi parlai lweni kele. Ko niko kami nowli kami pilep, ko kami kapivi Atua ne Drromsen Mare natun; suri ni erres tevi nir nga sete marok-wera erres tevi, ko nir nga marsij.

Nosp̃en nga M̃irres se Iesu Kristo nga Luk Muli 6:35 Referans Kwoze

Nosp̃en nga M̃irres se Iesu Kristo nga Jon Muli 13:35

Poro kami kapmerrmerreni kami, ko ngok jinibb jijle parongwose ko nga kami kamivi jinibb suk nir.”

Korin 2 8:9

Kamrongwose nalol nga m̃irres p̃elak se Numal se kerr Iesu Kristo. Ni joron elep nga elep, ko evel lingir nga pivini iel ngatan, nga puloli kami vajin joro kami pilep.

Nosp̃en nga M̃irres se Iesu Kristo nga Jon Muli 15:8

Ko jinibb pilep parsurövi Atua Tata suk, suri kapla temijpale wenen. Ko renge sel ngel ko, kami kapivi jinibb suk nir.

Majingen se Aposol Nir 14:17

ko eviseni ma nga okpitevi kami re nanu jijle nga marres nga muloli. Atua elai naus renge melrin vini nga muloli wini marres. Elai nanen tevi kami ko ololi nolo kami eir.”

Nosp̃en nga M̃irres se Iesu Kristo nga Luk Muli 1:32

Ni pivi Jinibb nga milep ko parveruse Atua ne Drromsen Mare Natun. Ko Iova Atua puloli ni pivi Numal pirpe apu sen Devet tuwi.

Nosp̃en nga M̃irres se Iesu Kristo nga Mak Muli 5:7

Ko ekail van mare temijpal owra “Sev som oto ni le iel, Iesu Atua ne Drromsen Mare Natun? Inu nungonie nik eterter renge Atua, warru sete kuplokloksik!”

Matiu 5:9

Neiren renge nir nga marok-loli demat, suri mian ko jinibb nir para-veruse nir Atua natun ko.

Nosp̃en nga M̃irres se Iesu Kristo nga Luk Muli 6:36

Kaprrorrmi jinibb nir, pirpe Tata se kami orrorrmir.

2 Timoti 3:2

Jinibb parrorrmi lweni nir kobbong, ko parmerreni nevöt pilep. Nir parij melmelas, ko norrorrmien ser pian mare p̃elak, ko parij p̃isij tevi jinibb nir, ko sete mara-osuri tata ser ko tasu ser. Ko sete mara-wera “erres” tevi seler renge nanu san, ko sete mara-rongwos parrorrmi Atua.