Nosp̃en nga M̃irres se Iesu Kristo nga Luk Muli 6:25 - Uripiv

²⁵ Ko esij wor elep niko renge kami nga kamup m̃irres lelingen ngel; suri mian ko numer p̃iaji kami. Esij wor elep niko renge kami nga kammen lelingen ngel; suri mian ko kapting ko kaptaur.

Nosp̃en nga M̃irres se Iesu Kristo nga Luk Muli 6:25 Referans Kwoze

Jemes 4:9

Lelingenok erres re kaprunge p̃isij ko wor, ko kapting. Erres re kapting wor suri nololien se kami ko. Rrek erres setemun kapmen ko kaprunge p̃irres, ko kaprunge p̃isij ko kapting.

Bori se Jon 3:17

Ko kami kamwera “Kem ma joro kem elep temijpal, sete nevre kem armurrol re nanu san.” Ko sete kamlesi wose nga joro kami mijkie, kamlik esij, kammalmal, ko kamivi metrrorr.

1 Tesalonaeka 5:3

Jinibb nir para-wera, ‘O erres kobbong, nanu jijle erres bbong’, ko nanu nga m̃ikarkar pivini pijpari nir pivesane ko pulokloksir, ko sete parongwos parasi. Pirpe kele nesevin san nga m̃ilelea mian ko murnge depain nga pivasus.

Epesas 5:4

Ko sete omomsawos nga kaprij nale nga marsij nir, nale ne lenglengen nir, ko nale sopsop̃en nga marsij nir. Omomsawos ma nga kapok-wera “erres” tevi Atua.

Nosp̃en nga M̃irres se Iesu Kristo nga Luk Muli 13:28

Ko kami kapting ko kaporrliw daron nga kaplesi Epram ko Aesak ko Jekop ko propet nir renge batun vanu se Atua, ko kami lweni parwirr tweni kami kapjikie.

Nosp̃en nga M̃irres se Iesu Kristo nga Luk Muli 12:20

Ko Atua owrai tevi m̃ernen owra ‘O, nik nga kumlengleng temijpal! Suri nata mupong nga lelingen b̃elai tweni nem̃im. Ko nanu nga kumajing nir ngok, ko nanu nga kumlingir ngok nir parivi se si ko vajin?’ ”

Nosp̃en nga M̃irres se Iesu Kristo nga Luk Muli 8:53

Ko lartul nen nir armen keraji e, suri arongwose nga nesenwarreng wel nen emij pa osuw.

Nosp̃en nga M̃irres se Iesu Kristo nga Luk Muli 6:24

“Ko esij wor elep niko renge kami nga joro kami milep lelingen ngel, suri kamlik pa renge mauren nga mimalum, ko sete kamrongwos kaplik kele mun pirpok re melrin.

Nosp̃en nga M̃irres se Iesu Kristo nga Luk Muli 6:26

Esij wor elep niko renge kami nga jinibb nir marsupsup̃e kami kamrres lelingen ngel, suri apu ser kele tuwi arok-loli sel mawos ngok ko pa tevi propet ne gerisen nir, arsup̃er arwera nawon arres.