Nosp̃en nga M̃irres se Iesu Kristo nga Luk Muli 4:22 - Uripiv

²² Jinibb jile arunge nale sen nir arres p̃elak, ko bbösa elair e. Ko arwera “Ni evi natu Josep, rreknga?”

Nosp̃en nga M̃irres se Iesu Kristo nga Luk Muli 4:22 Referans Kwoze

Nosp̃en nga M̃irres se Iesu Kristo nga Jon Muli 6:42

Ko arwera “Po, m̃erel evi bbong Iesu le ngel, nga tata sen ko tasu sen rramrongwose nuru. Ni mivi bbong natu Josep! Ko erpese le ni muwra mivel renge melrin vini?”

Taetas 2:8

Ko kupvisviseni nale nga musorsan kobbong, nga jinibb sete parongwos parij p̃isij suri. Ko kuprongwos kuploli vajin jinibb san nga mutur tere kerr non p̃isij, suri ni nanu nga puwrai tere kerr pijkie, suri murrun ne kalesia nir osorsan erres.

Majingen se Aposol Nir 6:10

Ko Nem̃in On ololi Steven norongwosien sen elep, ko daron nga m̃irij e, nir sete arongwos parasi ni re rijen sen.

Nosp̃en nga M̃irres se Iesu Kristo nga Jon Muli 7:46

Jinibb ne no nuval nen nir arwera lweni tevir, “Sete nabong san jinibb san erij erpe m̃erel m̃irij.”

Nosp̃en nga M̃irres se Iesu Kristo nga Luk Muli 21:15

Suri inu ko bea-la nale ko norongwosien nen tevi kami nga kapwerai. Ngok puloli sete nir san renge devje nuval se kami purongwos p̃irij tere nale se kami rreknga puwra kamkerkeris.

Nosp̃en nga M̃irres se Iesu Kristo nga Luk Muli 2:47

Ko nir jile nga marunge nale sen bbösa elair e, suri marunge renge rijen sen nga mok-rij weli lweni nale se jinibb nevisvisenien se m̃eri Isrel nir, nga norongwosien sen elep.

Nosp̃en nga M̃irres se Iesu Kristo nga Luk Muli 2:48

Daron nga tata sen nuru tasu sen morsekai ni e ko ormabbös bbösa elai nuru e, ko tasu sen owrai tevi, “Wurru natuk erpese kumloli mirpok tevi komru? Kuplesi tata som ko inu nomor-runge esij, nolo komru opotpot elep nga nomor-pej nik.”

Nosp̃en nga M̃irres se Iesu Kristo nga Luk Muli 4:21

Ko ni etipatun owra suri tevir, “Nale nga naul ngel musp̃e surir ngel nir nga kammurrarrong nir ngel, lelingen ngel Atua ololir arpelari.”

Nosp̃en nga M̃irres se Iesu Kristo nga Jon Muli 1:45

Pilip evel ko elesi Nataniel, ko owrai tevi, “Kem ma namlesi m̃er nga Moses muli suri renge Naul ne nale nesesreien tuwi, ko propet nir kele maruli suri. Nisen ko Iesu ne donasret, Josep natun.”