Nosp̃en nga M̃irres se Iesu Kristo nga Luk Muli 23:46 - Uripiv

⁴⁶ Ko Iesu everus temijpal van mare owra “Tata, nulngi nem̃ik renge nevrem!” Daron nga muwrai jile nale ngel e ko osrow pini.

Nosp̃en nga M̃irres se Iesu Kristo nga Luk Muli 23:46 Referans Kwoze

Majingen se Aposol Nir 7:59

Ko daron nga jinibb nir marok-tuwtuwe suri kele, ko Steven everus owra “Wurru Numal Iesu, kuprunge drrelak ko kuplai inu nem̃ik pivinuk piptevim.”

Nosp̃en nga M̃irres se Iesu Kristo nga Jon Muli 19:30

Ko Iesu orromji lesi norro nen beblen, ko owra “Osuw jerjer vajin.” Ko etmarru vitan ko emij.

1 Pita 2:23

Sete erij weli nale nga m̃isij san tevi jinibb san. Daron nga marloli murnge m̃isij renge niben, ko sete orrorrmi nga p̃ikle lweni tevi nir. Ni elngi norrorrmien sen oto eterter renge Atua nga mok-wer sesesre lat nga puto suri tevi jinibb nir renge murrun nga musorsan.

Ibrus 5:7

Renge mauren sen iel ngatan, Iesu ongoni eterter tevi dingen sen nga suwen meten mujumjum tevi Atua, nga Atua piwilwil sen, sete mia-mij. Ko suri norrorrmien sen ean ngatan, ololi Atua ornge drrelan.