Nosp̃en nga M̃irres se Iesu Kristo nga Luk Muli 22:51 - Uripiv

⁵¹ Ko Iesu owra “E, pijki, evter ko pa!” Ko ela nevren ko eptongi renge m̃er nga boron ko ololi emaw erres luwi.

Nosp̃en nga M̃irres se Iesu Kristo nga Luk Muli 22:51 Referans Kwoze

Korin 2 10:1

Kami sopor kamwera nga inu nomok-manun re no kami, ko nga nomok-rij eterter sopon re bbong daron nga m̃elik ngasu vajin. Ko numrreni kapmurrong nale suk ngel, suri Kristo kele nolon ean ngatan ko nolon emaot.

Naul nga Pol Muli tevi Kalesia Nir renge Rom 12:21

Sete kaplinglingi nanu nga marsij parevei tweni kami, ko kaploli ma nanu nga m̃irres p̃ila tweni nanu nga m̃isij.

Nosp̃en nga M̃irres se Iesu Kristo nga Jon Muli 17:12

Daron nga m̃elik tevi nir nga kumlair tevik, numetmet nir renge derteren ne nik nisem. Numetmet lilane nir erres, sete nir san ejijki te; sansan kobbong, nga ni pirpok ko wor, ni kobbong ejijki, nga puloli nale nga muto renge Naul On piplari.

Nosp̃en nga M̃irres se Iesu Kristo nga Luk Muli 22:50

Ko nir san ela nesip nuval sen, ko eta jinibb ne majingen se batu jinibb ne sulsulen, ko esipri otvi boron rres.

Nosp̃en nga M̃irres se Iesu Kristo nga Luk Muli 22:52

Ko Iesu owrai tevi batun ne jinibb ne sulsulen nir, ko batun ne jinibb nuval nga marmetmete Naim On nir ko b̃irterawarreng nga marini ie jin nga parevei ni, owra “Kami kamini tevi nesip nuval ko b̃etiluk. Kami kamrrorrmi inu nurpe jinibb venao rreknga jinibb nga mok-revrevji pinpini jinibb?

Majingen se Aposol Nir 16:28

Mian ko Pol ekail owra “E, sete kupsari lwenim! Sete san owlu ivare, ejki.”