Nosp̃en nga M̃irres se Iesu Kristo nga Luk Muli 21:3 - Uripiv

³ Ko Iesu owra “Nuwrai tevi kami, vin nga diwen sen mimij lingi ngel, ni otuw nevöt asi wore nir jijle nga martuw nevöt ser ngok e.

Nosp̃en nga M̃irres se Iesu Kristo nga Luk Muli 21:3 Referans Kwoze

Korin 2 8:12

Poro kammarong erres, ko Atua p̃ir re sev nga kamlai. Sete orongwos kaplai p̃iasie sev nga kamlingi nika, ko poro bbong pusorsan tevi, ko erres.

Majingen se Aposol Nir 10:34

Ko Pita esa jingon owra “Lelingenok inu nua-lesi wose vajin nga weretunen Atua ololi osorsan kobbong tevi jinibb jijle.

Majingen se Aposol Nir 4:27

Ewretun, eplari pa erpok bonevis renge ngaim ngel mawos, nga Erot nuru Ponjes Paelat nuru tevi jinibb ne vare nir ko m̃eri Isrel nir kele arini lat sansan, arkorti artere Iesu nga mivi Mesaea som, nga kumtobbtobbue.

Nosp̃en nga M̃irres se Iesu Kristo nga Luk Muli 12:44

Nuwretun nuwrai tevi kami, m̃ernen ko numal sen p̃ilngi ni pivi batu jinibb nga pimetmete joron nir.

Nosp̃en nga M̃irres se Iesu Kristo nga Luk Muli 9:27

Nuwretun nuwrai tevi kami, sopor renge kami nga kamtur ngel setewor kaplesi mijen ko kaplesi batun vanu se Atua pivini.”

Nosp̃en nga M̃irres se Iesu Kristo nga Luk Muli 4:25

Ko renge weretunen nuwrai tevi kami, nesevin elep renge Isrel nga diwen ser marmij lingir renge daron se Elaeja, renge daron nga naus sete mus renge sia itul totoklai ko renge devje sia kele san, ko numer nga milep renge vanu ngel p̃etp̃eti.

Nosp̃en nga M̃irres se Iesu Kristo nga Luk Muli 21:2

Ko ni elesi nesevin san nga diwen sen mimij lingi, ko evi b̃eres. Vinnen evini ko otuw nevöt nga wowarreng eru.

Nosp̃en nga M̃irres se Iesu Kristo nga Luk Muli 21:4

Suri lartul nga ngok nir joror elep temijpal ko arlai bbong beblen ko artuwe, ko artori jere wor eleplep. Ko vinel ma emarong putuw p̃etp̃eti sev nga ni m̃ilngi nga mivi liken sen p̃etp̃eti.”