Nosp̃en nga M̃irres se Iesu Kristo nga Luk Muli 19:20 - Uripiv

²⁰ Ko nir itolin kele evini, ko owra ‘Numal, kuplesi nevöt som le ngel. Inu nulai ko nunbunb̃e ore e kalek e, ko nulngi oto.

Nosp̃en nga M̃irres se Iesu Kristo nga Luk Muli 19:20 Referans Kwoze

Matiu 25:24

Ko ni nga m̃ila nuvasngavöl vesan evini, ko owrai tevi: ‘Numal, nurongwose, nik kuvi jinibb nga m̃iterter. Komok-tawe wenen nga nik sete kumruwi, ko komok-ser kortoni wenen nga nik sete komok-juljule tweni dokolvin ren, arivi som.

Jemes 4:17

Ko si nga murongwose pa murrun nga musorsan ko sete muloli, erpe ololi pa nololien ko.

Nosp̃en nga M̃irres se Iesu Kristo nga Luk Muli 19:13

Ko ni everuse jinibb ne majingen sen esngavöl arini ji ni, ko ela nevöt san nga marwera mina esngavöl tevi nir sisamis. Ko owrai tevir, owra ‘Kapla nevöt ngel nir ko kapmajing rer, ko kaprevei kele nevöt sopor parto tevir, pian pijpari renge daron nga inu bolwi vini e.’

Nosp̃en nga M̃irres se Iesu Kristo nga Luk Muli 6:46

“Erpese kami kamveruse inu m̃irres, ‘Numal, Numal,’ ko setete kamok-loli suri nanu nga mowrai tevi kami?

Nosp̃en nga M̃irres se Iesu Kristo nga Luk Muli 3:9

Lelingen ngel artori batu deli oto metmet nga parta ototvi lap̃e nai nir; ko nai jile nga marsij, sete wener marres mun, parta twenir parwirr nir van renge nabb nga m̃in.”

Nosp̃en nga M̃irres se Iesu Kristo nga Luk Muli 19:19

Ko ni owrai kele tevi m̃ernen, owra ‘Nik kele kupivi numal renge ngaim nga marlelep pielim.’

Nosp̃en nga M̃irres se Iesu Kristo nga Luk Muli 19:21

Suri numtutue nik; kuvi m̃er nga murrum m̃iterter. Komok-la kele nanu nga nik sete kumlingi, ko komok-la kele nanu nga sete kumruwir.’

Nosp̃en nga M̃irres se Iesu Kristo nga Jon Muli 11:44

Ko m̃ernen nga mimij pa eivare vini. Ko nevren nuru ko b̃elan nuru, kalek ne mijen nga marnub̃e e arto malum rer; ko sunsun nga markai renge non arto malum rengen. Ko Iesu owra “Kaptelasi twenir ren.”

Nosp̃en nga M̃irres se Iesu Kristo nga Jon Muli 20:7

Ko elesi kalek nga marm̃elji batun e m̃isan muto, sete oto tevi sunsun nga marmalum marres te, ejki. Arlulngi esan oto.