Nosp̃en nga M̃irres se Iesu Kristo nga Luk Muli 12:50 - Uripiv

⁵⁰ Ko nanu erwen le ngel, baptaesen san nga muto malum, nga inu bepaptaes rengen; ko inu nomok-runge esij e, pian pian pijpari nanu ngel pivini p̃iasi; ko osuw vajin.

Nosp̃en nga M̃irres se Iesu Kristo nga Luk Muli 12:50 Referans Kwoze

Nosp̃en nga M̃irres se Iesu Kristo nga Jon Muli 19:30

Ko Iesu orromji lesi norro nen beblen, ko owra “Osuw jerjer vajin.” Ko etmarru vitan ko emij.

Nosp̃en nga M̃irres se Iesu Kristo nga Jon Muli 4:34

Ko Iesu owra lweni tevir, “Kami sete kamrongwose nanen suk. Nanen suk evi nga b̃emajing jile marongen se Atua nga mukoni inu vini, bololi jijler.

Nosp̃en nga M̃irres se Iesu Kristo nga Jon Muli 7:10

Tasin nir aran renge nanen ne devji. Vitunen vajin ko Iesu evivitu surir. Sete evel limjer te, ko evel silsilveni.

Majingen se Aposol Nir 20:22

“Ko sete nurongwose sev pia-rremali jik re Jerusalem, ko bosuri ta Nem̃in se Atua ko bean ie.

Nosp̃en nga M̃irres se Iesu Kristo nga Jon Muli 18:11

Ko Iesu owrai tevi Pita, owra “Pijki! Kuplingi lweni nesip nuval som renge milngen. Tata suk ko owra p̃ila norongen nga m̃isij ngel tevik. Kurrorrmi sete erres nga botor totoni nolok p̃iterter ren nga ban ren?”

Matiu 3:6

Arini jin, ko daron nga marwera tweni nololien ser, ko Jon epaptaes nir renge nuwi seser ne Jortan.

Nosp̃en nga M̃irres se Iesu Kristo nga Luk Muli 12:49

“Inu nuvini nga bosor tweni nabb renge iel ngatan. Ko nabb nen ein pa, ko poro puror ko inu bololi sev? Inu b̃eir lengleng.