Nosp̃en nga M̃irres se Iesu Kristo nga Luk Muli 1:41 - Uripiv

⁴¹ Ko daron nga Elisapet moka-runge nale se Merri, ko bipi nga mimatur renge depain eir ko ewrrir renge depain, ko Elisapet owun saute Nem̃in On.

Nosp̃en nga M̃irres se Iesu Kristo nga Luk Muli 1:41 Referans Kwoze

Nosp̃en nga M̃irres se Iesu Kristo nga Luk Muli 1:67

Ko tata sen Sekaraea Nem̃in On evini esilvi, ko owun saute. Ko erij erpe propet owra

Nosp̃en nga M̃irres se Iesu Kristo nga Luk Muli 1:44

Ko kuplesi, daron nga inu mornge nale som, ko bipi nga mosloi renge depaik eir e ko ewrrir e.

Nosp̃en nga M̃irres se Iesu Kristo nga Luk Muli 1:15

Ko ni poro pilep vajin ko pivi jinibb nga milep renge no Numal. Ko sete pimni norro rreknga nuwi nga m̃iterter, pijki. Ni puwun saute Nem̃in On tetajer, p̃itipatun renge daron nga tasu sen pivesi e.

Majingen se Aposol Nir 4:8

Ko Pita owun saut e Nem̃in On, ko owrai tevir owra “Kami jinibb nga marlelep nir se kerr m̃eri Isrel nir ko b̃irterwarreng nir,

Majingen se Aposol Nir 2:4

Ko Nem̃in On owun saute nir jijle, ko artipatun vajin nga marij renge nale lele nga Nem̃in mimarong nga parij ren.

Majingen se Aposol Nir 7:55

Ko Steven owun saut e Nem̃in On, ko oklu van mare renge melrin; ko elesi nosrövien se Atua, ko Iesu kele nga mutur renge devjen rres ji Atua.

Bori se Jon 1:10

Ko renge nabong on se Numal, Nem̃in sen orrul totoni inu. Ko sete epriv nurnge drrelan san renge durek nga mian mare temijpal, mirpe davö san.

Epesas 5:18

Ko sete kapmini p̃elak norro. Ngok puloli murrun karkar parpelari ko. Ko kapwun saute Nem̃in kobbong.

Majingen se Aposol Nir 6:3

Ko niko, niaken se kem nir, kaplingi jinibb piebut re kami nga jinibb nir martorir, ko nga marwun saute Nem̃in On ko norongwosien, ko kem nablingi nir parla majingen ngel.

Nosp̃en nga M̃irres se Iesu Kristo nga Luk Muli 4:1

Ko Iesu owun saute Nem̃in On, ko evel lingi Jortan, olwi. Ko Nem̃in On owomue ni evan renge lolo merwer e.

Nosp̃en nga M̃irres se Iesu Kristo nga Luk Muli 1:40

Ko esil van renge loloim se Sekaraea e, ko owra “Erres” tevi Elisapet.

Nosp̃en nga M̃irres se Iesu Kristo nga Luk Muli 1:42

Ko ekail drrelan elep van mare, ko owra “Atua erij erres surim renge nesevin m̃inij nen jile nir, ko erij erres suri bipi nga kumsoloi renge depaim!

Majingen se Aposol Nir 9:17

Ko Ananaeas ornge nale ngok nir, ko otur imare ko ean ji Sol renge naim se Jutas. Ean loloim ko elngi nevren re batu Sol, ko owrai tevi, “Niaken Sol, Numal nga mivi Iesu, nga miplari jim renge sel le, okoni inu nga bevini bololi kupkulu luwi kele, ko nga Nem̃in On kele puwun saut renge nolom.”