Nosp̃en nga M̃irres se Iesu Kristo nga Jon Muli 6:9 - Uripiv

⁹ “Nanwarreng san ni le ielan otori niv wowarreng nga marloli bale e elim, ko nai wowarreng eru. Ko erpese, jinibb ngok nir elep ko wor.”

Nosp̃en nga M̃irres se Iesu Kristo nga Jon Muli 6:9 Referans Kwoze

Nosp̃en nga M̃irres se Iesu Kristo nga Luk Muli 9:13

Ko ni owrai tevir, “Kami ko kapla nanen tevir parurroi.” Ko nir arwerai tevi, “Kem namtori bbong niv elim ko nai eru. Ko poro pirpok ko kem naban nabwuli nanen ser kele wor, suri delung.”

Nosp̃en nga M̃irres se Iesu Kristo nga Mak Muli 6:38

Ko ni owrai tevir, owra “Ko kami kamtori niv evis? Kapan ta kaplesi.” Ko nir aran arlesi, ko arluwi ko arwera “Namtori elim, ko nai eru.”

Matiu 14:17

Ko nir arwera lweni tevi “Ai, kem namtori bbong niv elim le ko nai eru.”

Matiu 16:9

Setewor kamrongwose? Rreknga setemun kamrrorrmi suri niv nga elim, nga nir evi nuvasngavöl valim (5000) marurroir ko marup e, ko narr evis kele nga kamsere marwun?

Nosp̃en nga M̃irres se Iesu Kristo nga Mak Muli 8:19

Renge wosenen nga inu motpoi otvi niv elim tevi nir nuvasngavöl nuvalim, ko kami kamsersere lululweni bebjen nga marjijpon van renge narr evis nga marwun saute?” Ko nir arwera “Esngavöl drromon eru.”

Korin 2 8:9

Kamrongwose nalol nga m̃irres p̃elak se Numal se kerr Iesu Kristo. Ni joron elep nga elep, ko evel lingir nga pivini iel ngatan, nga puloli kami vajin joro kami pilep.

Bori se Jon 6:6

Ko nurnge drrelan san eplari re liven ne netun vanu nir, ko owra “Nowli nanu nir paran mare. Niv ne nabong san, nowlin pusorsan tevi nowli majingen ne nabong san totoklai. Ko nowli raes ne nabong itul, nowlin pivi nowli majingen ne nabong san totoklai. Ko nowli oel nga marok-tabbu e, ko nowli norro, pusorsan malum tevi nga womu ko pa.”

Nosp̃en nga M̃irres se Iesu Kristo nga Jon Muli 11:32

Merri evini renge lat nen nga Iesu m̃ilik e. Ko elesi ko ejipa van ngatan osusweni non renge b̃ela Iesu, ko owrai tevi, “Wurru, Numal, poro kuplik iel, ko tuwak sete mia-mij ko te ejki.”

Nosp̃en nga M̃irres se Iesu Kristo nga Jon Muli 11:21

Marta owrai tevi Iesu, “Numal, poro ma kuplik bbong iel, ko tuwa komru sete mia-mij welili, pijki ko.

Nosp̃en nga M̃irres se Iesu Kristo nga Jon Muli 6:7

Pilip owrai lweni tevi, “Nevöt pivi pungut pivaru (200) kis ngok puwelili kele kobbong, sete pivter malum pivi nowli niv nga parurroi e; nir sisamis parurrurro bbong beblen ko.”

Nosp̃en nga M̃irres se Iesu Kristo nga Jon Muli 6:11

Iesu ela niv nen nir, ko owra erres tevi Atua surir. Ko owjuwje tevi jinibb nir nga marlik iok; ko ololi erpok kele renge nai nga wowarreng nga nuru. Ko nir jijle arla nanen evter nir erpe marmerreni.

Nosp̃en nga M̃irres se Iesu Kristo nga Jon Muli 21:9

Daron nga maran ngaut e, ko arlesi nabb m̃in; ko nai marmasos renge bevla nen, ko niv sopor arto.

Nosp̃en nga M̃irres se Iesu Kristo nga Jon Muli 21:10

Ko Iesu owrai tevir, “Kapla nai ngok nga kama-lai ngok bbong sopor vini.”

Nosp̃en nga M̃irres se Iesu Kristo nga Jon Muli 21:13

Ko Iesu evini ela niv ko obbur ototvir, elai tevir, ko ololi erpok kele renge nai.