Nosp̃en nga M̃irres se Iesu Kristo nga Jon Muli 5:41 - Uripiv

⁴¹ “Sete numrreni jinibb nir parsurövi inu, ejki.

Nosp̃en nga M̃irres se Iesu Kristo nga Jon Muli 5:41 Referans Kwoze

Nosp̃en nga M̃irres se Iesu Kristo nga Jon Muli 7:18

M̃er nga musp̃e suri lweni bbong ni lweni, epej sel nga bbong pusrusrövi lweni bbong ni ko ren. Ko ni nga ma muwra pusrövi kis ni nga mukoni, m̃ernen ko ewretun, ko sete nanu nga m̃isij san oto ren.

1 Tesalonaeka 2:6

Ko kem sete namloli murrun ngok nga nabloli jinibb parsurövi kem, poro pivi kami, rreknga jinibb m̃inij kele.

Nosp̃en nga M̃irres se Iesu Kristo nga Jon Muli 8:50

Inu sete nupej nosrövien se inu lweni, ejki. Ko San ko ma niko ni ko p̃ia-lai nosrövien tevi inu, ko pia-wer suri lat nga puto suri renge kami.

Nosp̃en nga M̃irres se Iesu Kristo nga Jon Muli 5:34

Inu nomok-rij erpok ngok, sete suri nubibto re nale se jinibb san, ejki. Inu nomok-wera nanu ngel nir arirpel nga puloli kami kapasi van re mauren.

Nosp̃en nga M̃irres se Iesu Kristo nga Jon Muli 8:54

Ko Iesu owra lweni tevir, “Poro inu bosrosrövi lweni inu, ko evi nanu nawon. Ko ejki, Tata suk ko osrosrövi inu. Ni ko kamok-wera evi Atua se kami.

Nosp̃en nga M̃irres se Iesu Kristo nga Jon Muli 6:15

Iesu ornge renge niben nen, orongwose nga parini paron tertere ni nga pivi numal ser. Ko ni evel esan evan renge botwen e.

Nosp̃en nga M̃irres se Iesu Kristo nga Jon Muli 5:44

Ngok kami kaposuri pirpese, suri kami kamok-lila lululweni nosrosrövien renge kami kobbong, ko sete kamok-pej nosrövien nga mivel ji Atua nga m̃isan kis mivini.

2 Pita 1:17

Daron nga Atua Tata mususi nisen van mare ko muloli moron mumor vaseni, kem namlik ko, ko namrunge drrelan san nga miplari renge moron ngok mare vini nga muwra “Ngel evi natuk le nga memrreni lenglengen e, nuir temijpal wor suri.”

1 Pita 2:21

Ngok evi murrun san nga Atua miveruse kami nga kaplai, suri Kristo ornge esij renge niben nga piwilwil se kami, ko eviseni murrun ngok tevi kami nga kami kapvivitu kele suri renge bbötun ngok.

Nosp̃en nga M̃irres se Iesu Kristo nga Jon Muli 5:40

ko kammusus kapini jik ko puloli kapla mauren.

Nosp̃en nga M̃irres se Iesu Kristo nga Jon Muli 5:42

Ko inu nurongwose renge kami ngok, sete kamok-la merrenien se Atua kamok-tori renge nolo kami nir.

Nosp̃en nga M̃irres se Iesu Kristo nga Jon Muli 12:43

Suri armerreni nga jinibb parsurövir easi renge nga Atua pusrövir.