Nosp̃en nga M̃irres se Iesu Kristo nga Jon Muli 5:16 - Uripiv

¹⁶ Ngel ko ololi nga m̃eri Isrel nen nir marmerreni para-rrurr otot tevi Iesu, suri ololi nanu ngok re nabong on.

Nosp̃en nga M̃irres se Iesu Kristo nga Jon Muli 5:16 Referans Kwoze

Nosp̃en nga M̃irres se Iesu Kristo nga Jon Muli 15:20

Kaprrorrmi nale nga inu mowrai pa tevi kami: Sete jinibb ne majingen elep asie numal sen. Poro parloli p̃isij tevi inu, ko parloli p̃isij kele kobbong tevi kami; ko poro partori nale suk nga mowrair, ko partori kele bbong nale se kami ko nir.

Nosp̃en nga M̃irres se Iesu Kristo nga Jon Muli 10:39

Vesan kele arloli lesi kele nga parrul totoni; ko evel easi renge nevrer, evel lingir.

Nosp̃en nga M̃irres se Iesu Kristo nga Jon Muli 7:25

Nir sopon renge delung ne m̃eri Jerusalem nir arwera “Kules, m̃er nga, nga marwera parevji pini nga le ngel!

Nosp̃en nga M̃irres se Iesu Kristo nga Jon Muli 5:13

Ko m̃er nga m̃irres luwi sete orongwose isi ko m̃ernen, suri delung elep p̃elak ie. Ko Iesu kele evel tilper ko evel pa van lat m̃inij e.

Nosp̃en nga M̃irres se Iesu Kristo nga Luk Muli 6:11

Ko nir arlolar lengleng ko arsupsup̃e lululweni tevi nir nga parloli sev tevi Iesu.

Nosp̃en nga M̃irres se Iesu Kristo nga Mak Muli 3:6

Ko Parasi nen nir arivare vini vare e, ko arsaro ngavilvilsen aran arkorti tevi jinibb se Erot nir. Ewretun Parasi nir ko jinibb se Erot nir tetajer orok-lololarsi lweni nuru, ko arlik lat sansan vajin, ko arsupsup̃e suri parevji pini Iesu pirpese.

Matiu 12:13

Vitunen, ko ni owrai tevi jinibb nga nevren mimij, “Kup̃ete nevrem.” Ko ni ete nevren emetet, ko nevren erres luwi erpe nevren devjen.

Nosp̃en nga M̃irres se Iesu Kristo nga Jon Muli 1:19

Nir nga marwowomue m̃eri Isrel nir nga marlik Jerusalem arkoni jinibb ne sulsulen sopor ko Livaet sopor vini ji Jon nga parsusi tevi, “Nik kuvi isi le?”

Nosp̃en nga M̃irres se Iesu Kristo nga Jon Muli 5:10

M̃eri Isrel nga marlelep nir arwerai tevi m̃er nga m̃irres luwi nga, “E, lelingen evi nabong on, sete omomsawos renge devjen ne nale nesesreien nga nik kupuni milngom ko kupiel!”

Nosp̃en nga M̃irres se Iesu Kristo nga Jon Muli 5:15

Ko m̃er nga eivare ko evan ji m̃eri Isrel nen nir, ko owrai tevir, “Iesu le nga muloli inu m̃erres luwi nga.”

Nosp̃en nga M̃irres se Iesu Kristo nga Jon Muli 5:17

Ko Iesu owra lweni tevir, “Tata suk emajing tetajer erpok sete omosi, ko niko inu m̃emajing, sete bomosi.”

Nosp̃en nga M̃irres se Iesu Kristo nga Jon Muli 5:18

Renge muwrai mirpok ngok ko, ololi m̃eri Isrel nen nir arpej kele wor renge ni sel nga parevji pini ni rengen, sete suri kis nga mutor oti nabong on, ko suri kele nga muwra Atua evi ni Tata sen mawos, erpe ololi ni osorsan tevi Atua.

Nosp̃en nga M̃irres se Iesu Kristo nga Jon Muli 7:21

Ko Iesu owrai tevir “Nuloli majingen nga milep san, ko kami kamtaole.