Nosp̃en nga M̃irres se Iesu Kristo nga Jon Muli 4:26 - Uripiv

²⁶ Iesu owra lweni tevi vinnen, “Inu nen le pa ngel nga m̃erij tevim ngel, inu nuvi m̃ernen.”

Nosp̃en nga M̃irres se Iesu Kristo nga Jon Muli 4:26 Referans Kwoze

Nosp̃en nga M̃irres se Iesu Kristo nga Jon Muli 8:24

Nuwrai tevi kami, kami kapmij renge nololien se kami nir, poro nga kami sete kaposuri nga inu nuvi m̃ernen.”

Nosp̃en nga M̃irres se Iesu Kristo nga Luk Muli 13:30

Ko kaplesi renge ie nir nga marivi jinibb nga marwelili, mian ko para-ivi jinibb nga marlelep; ko nir nga marivi jinibb nga marlelep, mian ko para-ivi jinibb nga marwelili.”

Matiu 20:15

Rrek kulesi nga sete evi nanu nga m̃irres nga inu bololi sev nga memrreni re jorok? Ejki ma, erres ko wor. Rreknga nolom eleplep kobbong suri inu nolok erres.’ ”

Matiu 16:20

M̃irij jile mirpok, ko ewer ore jinibb sen nir nga sete parwerwerai tweni tevi jinibb san nga ni evi Mesaea.

Nosp̃en nga M̃irres se Iesu Kristo nga Jon Muli 8:28

Mian ko Iesu owrai tevir, “Daron nga kami kapa-susi Jinibb Mawos pia-an mare, ko ngok kaprongwose nga inu nuvi m̃ernen. Ko niko inu sete nusan nomok-loli nanu san, ejki. Inu nomok-sup̃e bbong nanu nga Tata suk ko mivisvisenie inu.

Nosp̃en nga M̃irres se Iesu Kristo nga Jon Muli 13:19

Nuwra wowomue le ngel tevi kami, vitunen ko pia-pelari; ko poro pia-pelari, ko kami kapa-osuri vajin nga inu nuvi m̃ernen.