Nosp̃en nga M̃irres se Iesu Kristo nga Jon Muli 2:13 - Uripiv

¹³ Nanen ne asien, daron nga m̃eri Isrel nir marok-rrorrmi lweni daron nga marivel lingi norongen nga m̃isij nga marok-runge Ijip, oruj mori. Ko Iesu otongsa luwi van mare e Jerusalem.

Nosp̃en nga M̃irres se Iesu Kristo nga Jon Muli 2:13 Referans Kwoze

Nosp̃en nga M̃irres se Iesu Kristo nga Luk Muli 2:41

Renge sia jijle tata se Iesu ko tasu sen orok-pitevi nir nga marok-an renge Jerusalem nga marok-tori nanen ne asien.

Nosp̃en nga M̃irres se Iesu Kristo nga Jon Muli 11:55

Nanen ne asien se m̃eri Isrel nir oto mori. Ko jinibb elep arivel aran renge Jerusalem, arwera partaur parwokwok jile tera daron ne nanen ne asien.

Nosp̃en nga M̃irres se Iesu Kristo nga Jon Muli 2:23

Daron nga Iesu m̃ilik renge Jerusalem renge daron ne nanen ne asien, jinibb elep arosuri ni, suri marlesi nelesien nir nga ni mulolir.

Nosp̃en nga M̃irres se Iesu Kristo nga Jon Muli 6:4

Renge daron nen, nanen ne asien se m̃eri Isrel nir dabbuen nen oruj mori.

Nosp̃en nga M̃irres se Iesu Kristo nga Jon Muli 5:1

Vitunen renge nabong ngel, ko nanen san se m̃eri Isrel nir vajin, ko Iesu otongsa evan Jerusalem e.

Matiu 21:12

Mian ko vitunen vajin ko Iesu evan re loloim ne Naim On. Ko oji tweni nir nga marok-wulwule nanu nir iok tetajer, ko nir nga marok-wulwuli nanu nen nir, ko evatpuse tep se nir nga marok-kelkele nevöt nir, ko evatpuse kele nai seksakel se nir nga marok-wulwule wum̃er nir.

Nosp̃en nga M̃irres se Iesu Kristo nga Mak Muli 11:15

Nir arini renge Jerusalem. Ko Iesu evan loloim renge Naim On se Atua ko oji tweni lartul nga marwulwule nijor renge Naim On ko lartul nga marwulwulir, ko evatpuse tep se nir nga markelkele nevöt ko nai seksakel se nir nga marwulwule wum̃er nir.

Nosp̃en nga M̃irres se Iesu Kristo nga Luk Muli 19:45

Ko Iesu evan renge loloim ne Naim On. Ko ejeli tweni nir nga marwulwul, paran vare e.

Nosp̃en nga M̃irres se Iesu Kristo nga Jon Muli 13:1

Evi nabong nga muwomu nen, mian ko mevinen vajin pivi nabong ne nanen ne asien. Ko Iesu orongwose nga mete nial sen evini nga pivel lingi iel ngatan, pulwi van ji Tata sen e. Ni tetajer emrreni jinibb nga marivi sen renge iel ngatan, ko emrrenir ejpari bongsin jer.