Nosp̃en nga M̃irres se Iesu Kristo nga Jon Muli 2:12 - Uripiv

¹² Vitunen renge ngel, ko ni evan ngatan e renge Kapaneam, eptevi tasu sen ko tasin nir ko jinibb sen nir, ko arlik nabong evis ie.

Nosp̃en nga M̃irres se Iesu Kristo nga Jon Muli 2:12 Referans Kwoze

Matiu 12:46

Daron nga m̃irij malum mirpok tevi delung nir, ko tasu sen ko tasin nir arini. Ko artur vare ko arngoni tevi jinibb sen nir nga parij tevi Iesu.

Galesia 1:19

Sete nulesi aposol m̃inij san, Jemes kobbong, tasi Numal.

Korin 1 9:5

Ko kamrrorrmi inu nusan sete erres nga b̃elesi nesen suk san nga mivi kalesia ko piptevik re nivelen suk nir, pirpe Pita, ko aposol nga ngok nir, ko tasi Numal Iesu nir marloli?

Nosp̃en nga M̃irres se Iesu Kristo nga Mak Muli 6:3

Kerr rramrongwose kobbong, evi metusu, Merri natun, ko tasin Jemes ko Joses, ko Juta, ko Saemon. Ko sete jojin le nir ngel marpitevi kerr?” Ko arong karkare.

Matiu 4:13

Mivini Galili, ko setemun evan Nasret, elinglingi Nasret ojpon ko etajer van Kapaneam e, ko elik ie. Kapaneam evi ngaim san nga muto devje nuwito nga milep nga mubbun rrerrale nisen Galili, renge vanu ne metka se Sepulon ko Naptali.

Nosp̃en nga M̃irres se Iesu Kristo nga Jon Muli 6:17

Ko aran arsa renge drrav, ko arwolu otvi nuwito, arluwi kele van Kapaneam e. Ko natopong pa vini, ko Iesu setewor evini jir.

Matiu 11:23

Ko kami, m̃eri Kapaneam, kamok-rrorrmi nga kapa-van mare re melrin, a? Ejki, ko kapa-van ngatan jer re lat ne mijen. Poro nga san puloli majingen nga marlelep ngel nir nga mololi ji kami renge Sotom tuwi, ko nolor pulululwi, ko Atua sete pusli ngaim ser, puto p̃irres pijpari lelingenok.

Nosp̃en nga M̃irres se Iesu Kristo nga Jon Muli 2:2

Arla nale kele van ji Iesu ko jinibb sen nir parini kele renge totkoien nen.

Nosp̃en nga M̃irres se Iesu Kristo nga Jon Muli 4:46

Mian ko Iesu olwi kele vini Kena e, nga mivi ngaim nga welili ne Galili san, lat nga bonevis m̃irieni nuwi rres mivi norro e. Ko jinibb nga milep san elik iok. M̃ernen natun emsi, ko ematur jer wor Kapaneam.