Nosp̃en nga M̃irres se Iesu Kristo nga Jon Muli 17:10 - Uripiv

¹⁰ Nir jile nga marivi suk arivi som kele, ko nir nga marivi som arivi suk. Nosrövien suk nir ko arviseni eplari.

Nosp̃en nga M̃irres se Iesu Kristo nga Jon Muli 17:10 Referans Kwoze

Nosp̃en nga M̃irres se Iesu Kristo nga Jon Muli 10:30

Ko Tata suk ko inu nomorivi sansan kobbong.”

1 Pita 2:9

Ko kami ma Atua otobbtobbu kami pa nga kapivi metka sen. Kamirpe jinibb sulsulen se Numal, kamivi jinibb on se Atua. Atua ololi erpok nga puloli kapwerai tweni majingen nga m̃irres sen. Everus tweni pa kami renge nemalik nga kapini renge moron nga m̃irres sen.

2 Tesalonaeka 1:10

Renge nabong ngok, kami kapa-pitevi nir nga marres, suri kami kamosuri pa nale nga namwerai tevi kami. Ko Iesu pia-luwi vini, ko jinibb sen nir nga marosuri ni partaole ko parsurövi ni.

Kolosi 2:9

Kristo niben otoe erpe jinibb, ko mauren totoklai se Atua elik ren.

2 Tesalonaeka 1:12

Murrun ngok puloli jinibb parsurövi nise Iesu Numal se kerr suri kami, ko parsurövi kami kele suri ni, suri merrenien se Atua se kerr ko se Numal Iesu Kristo.

Pilipae 1:20

Nanu sansan kobbong nga nurongwose pia-pelari, nga m̃elngi norrorrmien suk rengen, ngel: nga sete inu mea-vitan nabong san renge majingen suk, ko nga b̃elngi nok van ren. Ko erpok, jinibb jijle nir parsurövi Kristo suri nanu nir nga marpelari ji inu lelingenok pirpe nabong jijle, poro nga bemaur rreknga poro nga parevji pinik iel re naim ne nekaien.

Majingen se Aposol Nir 19:17

Daron nga m̃eri Isrel ko m̃eri Gris nga marlik Epesas marunge sev nga miplari ngok, ko armetutu ko aririr temijpal. Mian ko jinibb nir arok-susi nise Iesu Numal se kerr van mare kele wor.

Nosp̃en nga M̃irres se Iesu Kristo nga Jon Muli 11:4

Daron nga Iesu murnge e ko owra “Mesien se Lasros ngok sete evi ne mijen, ko evi ma nosrövien se Atua, nga puloli parsurövi inu Atua natun mawos rengen.”

Nosp̃en nga M̃irres se Iesu Kristo nga Jon Muli 5:23

Niko puloli jinibb nir parosuri inu, nga mevi ni natun mawos, pirpe nga nir marosuri inu Tata suk. M̃er nga sete muosuri inu te mijki, ni sete osuri Tata suk nga mukoni inu, ejki.

Galesia 1:24

Ko arsurövi Atua suri inu.

Nosp̃en nga M̃irres se Iesu Kristo nga Jon Muli 12:23

Ko Iesu owra lweni tevir, “Lelingen ngel mete nial nen mawos evini nga parsurövi inu Jinibb Mawos.