Nosp̃en nga M̃irres se Iesu Kristo nga Jon Muli 16:3 - Uripiv

³ Parloli nanu ngel nir tevi kami suri nga sete arongwose komru korti, Tata ko inu.

Nosp̃en nga M̃irres se Iesu Kristo nga Jon Muli 16:3 Referans Kwoze

Nosp̃en nga M̃irres se Iesu Kristo nga Jon Muli 15:21

Ko parloli nanu ngel ko nir tevi kami suri kami kamivi jinibb suk nir, suri nir sete arongwose m̃er nga mukoni inu vini.

Nosp̃en nga M̃irres se Iesu Kristo nga Jon Muli 17:25

O, Tata nga mumomsawos, jinibb ne iel ngatan nir sete arongwose nik, ko inu ma nurongwose nik; ko nir ngel kele arongwose nga nik kumkoni inu.

2 Tesalonaeka 1:8

ko tevi nabb nga muror milep. Ko ni pia-tor vitrangi nir nga marivi devje nuval se Atua, ko nir nga sete marosuri nosp̃en nga m̃irres suri Iesu Numal se kerr.

Nosp̃en nga M̃irres se Iesu Kristo nga Jon Muli 8:55

Ko kami sete kamrongwose ni, inu ma nurongwose. Poro nga bowra sete nurongwose ni, ko bevi jinibb ne gerisen pirpe kami. Ko ejki, nurongwose ni, ko nutori totoni nale sen.

Nosp̃en nga M̃irres se Iesu Kristo nga Jon Muli 8:19

Ko nir arsusi lweni tevi ni, “Nibeni Tata som?” Ko ni owra lweni tevir, “Kami sete kamrongwose komru korti te; sete kamrongwose inu, ko sete kamrongwose Tata suk.”

1 Jon 4:8

Ko si nga merrenien mijki jin sete orongwose Atua, suri batu merrenien oto ji Atua.

1 Jon 3:1

Kaplesi merrenien nga milep nga Atua Tata m̃ilai tevi kerr! Merrenien sen elep p̃elak nga miveruse kerr Atua natun. Ko weretunen rramivi pa natu Atua. Erpok ko, suri jinibb ne iel ngatan nir sete arongwose Atua, ko niko nir sete marongwose kerr.

Nosp̃en nga M̃irres se Iesu Kristo nga Jon Muli 17:3

Nanu ngel le evi mauren nga muto tuwi ngok vini, nga jinibb parongwose nik kumsansan kumivi Atua weretunen, ko parongwose Iesu Kristo nga nik kumkoni vini iel ngatan.

1 Jon 5:20

Ko rramrongwose nga Natu Atua evini pa iel ngatan, ko elai pa derteren tevi kerr nga rraprongwose Atua weretunen. Ko mauren se kerr okorti tevi Atua nga mivi weretunen, suri mauren se kerr okorti pa tevi Natun Iesu Kristo. Ngok ko Atua nga mivi weretunen, ko ngok ko mauren nga sete murongwose pusuw nabong sopon.

Korin 1 2:8

Jinibb nga marlelep ne iel ngatan san sete orongwose norongwosien ngok. Ko poro parongwose, setemun mara-revji Numal ne melrin renge nai pelaot. Ko sete artor sweri norongwosien ngok.

Nosp̃en nga M̃irres se Iesu Kristo nga Jon Muli 15:23

M̃er nga mungasi inu, ngok ongasi Tata suk kele ko.

Nosp̃en nga M̃irres se Iesu Kristo nga Luk Muli 10:22

Ko owra “Tata suk ela nanu p̃etp̃eti nir tevik, ko sete san orongwose rragrrage norrorrmien se inu, natun mawos. Tata suk kobbong esan bbölbböl orongwose. Ko sete san orongwose Tata suk, inu kobbong nga mevi natun mawos, ko nir nga inu motobbtobbue nir, nir kele arongwose.”

1 Timoti 1:13

Tuwi, nomok-rij esij tere ni, nomok-oji jinibb sen nir, ko nomok-loli esij tevir. Ko iok erpe nuloli esij tevi ni mawos. Ko erres kobbong, ni ornge esij suri inu, suri inu sete nurongwose nanu nga nomok-loli nir, ko sete nuosuri re wosenen.

Majingen se Aposol Nir 3:17

“Ko selek nir, nurongwose nga sev nga kami tevi m̃erwomu se kami nir marloli tevi Iesu, kamloli suri sete kamrongwose sev nga kamloli.

1 Jon 2:23

Nale ngok evi weretunen, suri daron nga jinibb mutur telure Natu Atua, ko otur telure Atua Tata kele ko pa, ko Atua Tata sete eptevi ni. Ko jinibb nga muwrai tweni nga muosuri Natu Atua, Atua Tata kele eptevi ni.