Nosp̃en nga M̃irres se Iesu Kristo nga Jon Muli 1:4 - Uripiv

⁴ Mauren oto renge ni, ko mauren ngok elai moron tevi jinibb nir.

Nosp̃en nga M̃irres se Iesu Kristo nga Jon Muli 1:4 Referans Kwoze

Nosp̃en nga M̃irres se Iesu Kristo nga Jon Muli 8:12

Iesu owrai kele tevir, “Inu nuvi moron ne iel ngatan. M̃er nga pivijuri inu, ni p̃ila moron ne mauren. Sete orongwos pivel renge nemalik.”

Nosp̃en nga M̃irres se Iesu Kristo nga Jon Muli 12:46

Inu nuvi moron ne iel ngatan. M̃er nga muosuri inu sete orongwos p̃ilik renge nemalik.

Nosp̃en nga M̃irres se Iesu Kristo nga Jon Muli 5:26

Erpe Tata suk esansan bbölbböl kobbong evi batu mauren, ko erpok elai tevi inu nga inu kele b̃esansan bbölbböl bevi batu mauren.

Nosp̃en nga M̃irres se Iesu Kristo nga Jon Muli 9:5

Erpe lelingen ngel, inu nulik iel ngatan, ko nuvi moron ne iel ngatan.”

Nosp̃en nga M̃irres se Iesu Kristo nga Jon Muli 11:25

Ko Iesu owrai tevi nesevin, “Inu nuvi batun ne mauren. M̃er nga muosuri inu, poro pimij, ko pia-maur luwi kele ko wor.

1 Jon 5:11

Ko ngel evi nanu nga Atua muwrai, nga ni elai mauren nga muto tuwi ngok vini tevi kerr, ko mauren nen oto ji Natun.

Nosp̃en nga M̃irres se Iesu Kristo nga Jon Muli 14:6

Ko Iesu owrai lweni tevi, “Inu nuvi batu sel, ko nuvi batu weretunen, ko nuvi batu mauren. Sete san orongwos p̃iasi nawon van ji Tata ejki, p̃ikali wor ji inu e ko.

Nosp̃en nga M̃irres se Iesu Kristo nga Jon Muli 12:35

Ko Iesu owrai tevir, “Moron ngel piptevi kami beblen kele ma, ko sete mia-periv te. Daron nga moron ngel mimor e, ko kapiel ko wor rengen, nemalik tia-malik tevtevni kami. Suri ni nga mivel renge nemalik errleng lat nga pian e.

Epesas 5:14

Suri nanu jijle nga moron mimor vaseni arirpe vajin moron. Niko nubo san muwra ‘Kupmera, nik nga kummatur Kuptur imare re mijen Ko Kristo pia-mor vasenim.’

Matiu 4:16

Arivi jinibb nga marlik renge nemalik, mian ko arlesi vajin moron nga milep. Ko jinibb nir nga marlik renge vanu ne namol ne mijen, moron ngok eplari jir.”

Kolosi 3:4

Ko ngok, batu mauren weretunen se kami evi Kristo kobbong. Ko daron nga Kristo pia-rremali, ko kami kele kapa-rremali tevi ni vajin renge nosrövien.

Majingen se Aposol Nir 26:23

Mesaea purnge p̃isij ko wor renge niben, ko pivi m̃erwomu jer kele nga pimaur luwi renge mijen. Ko pusp̃e suri moron tevi m̃eri Isrel nir ko tevi kele jinibb ne vare nir.”

Nosp̃en nga M̃irres se Iesu Kristo nga Luk Muli 2:32

Moron nga pimor vaseni jinibb jijle ne vare nir, ko pivi nosrövien se kem m̃eri Isrel nir nga namivi jinibb som.”

1 Jon 1:2

Daron nga Atua miviseni mauren nen, kem namlesi ko pa, ko namwerai tevi kami suri mauren nga muto tuwi ngok vini tevi Atua Tata, nga muloli kerr rramrongwose vajin.

Nosp̃en nga M̃irres se Iesu Kristo nga Jon Muli 5:21

Erpe Tata suk muloli jinibb nga marmij nir armaur luwi kele renge mijen, inu kele berpok, ko b̃ela lweni mauren tevi si nga memrreni.

Bori se Jon 22:16

“Inu le, Iesu, nukoni anglo suk nga puwrowrai nanu ngel nir tevi kami kalesia nir. Inu nuvi metka se Devet. Inu nuvi moju nutrin nga mimor m̃irres.”

Korin 1 15:45

Ko Naul On owra ‘M̃erwomu ngok Atam, Atua ololi evi jinibb nga m̃ilai mauren ne iel ngatan’; ko ni nga mivi Atam nga vitu jer nen, Atua ololi evi nem̃in, nga orongwose p̃ilai mauren tevi kerr.

Bori se Jon 22:1

Ko anglo nen eviseni kele nuwi seser ne mauren tevik. Evilvil peleplari renge nai seksakel se Atua ko se Natu Sipsip.

Nosp̃en nga M̃irres se Iesu Kristo nga Jon Muli 3:19

Atua ololi erpok suri nanu ngel le: moron evini pa iel ngatan osuw, ko jinibb sete armerreni te. Armerreni wor nemalik asie moron, suri nanu nga marok-lolir arsij.

1 Jon 1:1

Namulul tevi kami suri Nale ne mauren nga muto pa tuwi musuw, ko Atua mia-loli nanu jijle vajin. Namrunge mauren nen ko pa ko namlesi ko pa tevi mete kem mawos. Nammeteni ko namjipari nevre kem e.