Zekaraya 10:3 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³ Ophu mẹ tua kpahe isuigegede na, mi che ru isun na gangan; kidie Ọrovwohwo rẹ otuofovwi vwẹ ẹro rẹ igegede rẹ uwevwi ri Juda, re dia igodẹ rọye na, ọ cha vwẹ ayen yoma vwẹ evun rẹ ofovwi

Zekaraya 10:3 Referans Kwoze

Izikiẹl 34:2

Ọmọ rẹ ohwo, mraro kpahe isuigegede rẹ Izrẹl, mraro, rere wo ta kẹ ayen, ikpuyovwi rẹ isuigegede na, E nẹ Ọrovwohwo Ọghẹnẹ tare: E isuigegede rẹ Izrẹl re ghẹrẹ oma rayen ọvo! Ọ dianẹ isuigegede ye ghẹrẹ igegede na?

Zekaraya 11:17

Ekan kẹ osuigegede Mẹ rọ je fọ na, ọ rọ djẹ jẹ igodẹ vwo na! E jẹn ọlọkọ nyavwọ ugbobọ vẹ ẹro rẹ obọrhe rọye! E jẹn rọye sida, rẹ ubiẹro rẹ obọrhe rọye rhu.

Zẹfanaya 2:7

Obo erhuru na ko che hirhe phihọ ẹkẹn rẹ umuku rẹ ihwo ri chekọ vwẹ uwevwi ri Juda, kẹ etiyin ayen da cha ghẹrẹ ichuru, vwẹ uwevwi rẹ Ashkẹlọn kẹ etiyin ayen che shevwerhẹ vwẹ ovwọnvwọn. Kidie Ọrovwohwo Ọghẹnẹ rayen kọ davwerhọ rẹ ayen kọ vwẹ ughwẹ rayen rhivwi rhe ayen.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Isẹ 21:31

A rhuẹrẹ iyesi kpahe hẹrhẹ ẹdẹ rẹ ofovwi, ẹkẹvuọvo obọẹkparo kẹ ọ rẹ Ọrovwohwo na.

1 Pita 2:12

Ru omamọ rẹ uruemu vwẹ ohri ri Keferi na, o da dianẹ ayen mu ọfian rẹ oruchọ bara owẹ jovwo, re ayen sa mrẹ iruo esiri rẹ ovwan ra vwẹ ejiro kẹ Ọghẹnẹ vwẹ ẹdẹ rẹ okpetu na.

Iyẹnrẹ Esiri ri Luk 1:68

Ebruba kẹ Ọrovwohwo Ọghẹnẹ rẹ Izrẹl; kidie o rhi ni ihwo rọye rọ tan hirhe,

Rutu 1:6

Etiyin aye na vẹ eya rẹ emọ rọye na vrẹnri kẹ ayen rhivwi nẹ otọ ri Moab kpo, kidie o nyori vwẹ otọ ri Moab obo rẹ Ọrovwohwo ra mrẹ ihwo rọye ọ da vwẹ emuọre kẹ ayen. Etiyin o de vrẹn nẹ asan rọ hẹ epha jovwo.

Ẹyano 4:31

Ihwo na de segbuyota; ọke rẹ ayen vwo nyo nẹ Ọrovwohwo bru ihwo rẹ Izrẹl rhe ọke rha je mrẹ oma ẹlaghọ rayen, ayen de gbe uyovwi kpotọ ayen da ga.

Zẹfanaya 1:8

Vwẹ ẹdẹ rẹ izobo rẹ Ọrovwohwo na– Ki mi che hwe inotu na vẹ emọ rẹ ovie na kugbe ayen otu re vwẹ emwa erhorha vwo rhuo.

Jerimaya 50:6

Ihwo mẹ rhe dia kerẹ igegede ri ghwruru, isuigegede rayen sun ayen ghwru, ayen ku ayen rhẹriẹ vwẹ enu rẹ igbenu, nẹ ugbenu ride kpo ugbenu otete ayen yan ra, ogba rayen chọrọ ayen ero.

Jerimaya 25:12

Siẹ rẹ ikpe ujorha gbẹ ihwe na da gba nure, ki mi ru ovie ri Babilọn vẹ orere yena djadja, otọ rẹ ihwo ri Kaldia na, fiki rẹ orukuruku rayen, eriyin Ọrovwohwo tare, ki mi ru ayen ofefe bẹdẹ bẹdẹ.

Jerimaya 11:22

ọtiọye na enẹ Ọrovwohwo rẹ otuofovwi na tare, Mi che hwe ayen; imighene na che ghwu ughwu rẹ ọlọkọ; owẹvwe che hwe emeshare vẹ emete rayen ghwu;

Jerimaya 10:21

Kidie isiugegede na epha djidji, ayen nọ vwẹ obọ rẹ Ọrovwohwo na-a; vwẹ otiọye na ogbi yovwi kẹ aye-en, igegede rayen ejobi ke hrabọ.

Aizaya 24:21

Vwẹ ẹdẹ yena Ọrovwohwo ko hwe otu rẹ ofovwi rẹ odjuvwu, vwẹ obo odjuvwu, ivie rẹ akpọ na, vwẹ evun rẹ akpọ na.

Aizaya 10:12

Ọke rẹ Ọrovwohwo de ru iruo rọye ejobi vwẹ Ugbenu ri Zayọn kugbe Jerusalẹm nu, ko che hwe Asiria vẹ eyan ofefe rọye kugbe eheri ọbrabra rọye.

Solomon 1:9

Me vwẹ owẹ dje, ọnsẹ mẹ, ọmọ re iyesi rẹ akpẹrẹ ri Fero.

Izikiẹl 34:12

Kirobo rẹ osuigegede guọnọ igegede evo re hrabọ phia na, ọtiọye me cha guọnọ igegede mẹ phia, ki mi sivwi ayen nẹ asan ejobi rẹ ayen hrabọ ra rhe vwẹ ẹdẹ rẹ enu de bi hwi kugbe ẹdẹ rẹ egho de mu kpoi.

Daniẹl 11:32

Kọ cha vwẹ unuerarọ vẹ ọphiẹnvwe phiẹn ihwo ri gbe ọphọ na ku; ẹkẹvuọvo ihwo re riẹn Ọghẹnẹ rayen che mudia gan ke ayen họnre.

ỌBE RẸ JOB 39:25

Ọke rẹ owanre de hworo, o mi ku ẹnwẹ hi! O nyo ọnrhe rẹ ofovwi vwẹ ogboko, ẹvan rẹ oletu na, kugbe ekuvwie.

Izikiẹl 34:11

Kidie e nẹ Ọrovwohwo Ọghẹnẹ tare: Nighe, Mẹvwẹ, ekpuyovwi mẹ ọvo kọye re guọnọ ayen phia.