Zekaraya 1:19 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁹ Me da ta ke amakashe ro nene uvwe ta ota na, Enana kidie vwo? Ọ da kpahe kẹ vwẹ, Enana ighoro re hra Juda, Izrẹl, kugbe Jerusalẹm na.

Zekaraya 1:19 Referans Kwoze

Zekaraya 8:14

Kidie e nẹ Ọrovwohwo rẹ otuofovwi tare: Ọtiobo Me je iroro umwemwu kpahe owẹ, rẹ esẹ re ovwan vwo kpare ovwẹ ophu, mi ku iroro rhẹriẹ-ẹ. Ọrovwohwo re otuofovwi tare,

Zekaraya 2:2

Ọye Me da ta, Bovọ wọ ra vwo? Ọ da ta kẹ vwẹ, Me ra vwanvwe Jerusalẹm, ra vwo mrẹ ohẹhẹre rọye vẹ ugrogro rọye.

Zekaraya 1:21

Me da ta, Die enana yan cha che ru? Ọ da kpahe, Enana ighoro re hra Juda na, rẹ ohwo jẹ uyovwi rọye ẹsa-kparọ, enana rhere rhe vwẹ oshọ mu ayen, rhi vwo mu ighoro rẹ ẹgborho na tehe otọ e re kpare ighoro rayen kpenu kpahe otọ ri Juda re hra na.

Zekaraya 1:9

Ọye Me da ta, Enana kidie vwo, Ọrovwohwo? Amakashe ro nene uwe ta ota na da ta kẹ vwẹ, mi che dje obo rẹ ayen epha kẹ wẹ.

Ezra 4:4

Etiyin na ihwo rẹ otọ na de mu idido phihọ ihwo ri Juda, oshọ rẹ ayen vwọ bọn uwevwi de mu ayen.

Ezra 4:1

Asakiephana ivwighrẹ ri Juda vi Bẹnjamin vwo nyo nẹ ihwo re muru na rhivwi rhe nẹ ayen bọn uwevwi kẹ Ọrovwohwo, Ọghẹnẹ rẹ Izrẹl na,

Ezra 4:7

Vwẹ evun re ọke rẹ Artaxserxes, Bishlam kugbe Mitredat kugbe Tabeel kugbe irivẹ rọye ri chekọ de si ọbe rhe Artaxserxes ovie ri Pẹsha, e de si ọbe na vwẹ ephẹrẹ ri Aramia ayen da fotọ rọye.

Habakọk 3:14

Wọ da vwẹ ugbẹn rẹ ọgba vwo duvwu uyovwi rẹ ọgba ofovwi na fi, re rhere kere ogiribo rhe hra vwẹ, rọ ghọghọ kerẹsiẹ ra da bẹbẹ mu ovwiọgbere rọ.

Emọs 6:13

Ovwan re ghọghọ vwi Lodeba, re tanẹ, Ọ dia ogangan rẹ avwanre ma vwọ reyọ Karnaim ke oma re avwanre?

Daniẹl 12:7

Ohwo na rọ vwẹ esada rhuo na rọ hẹ obenu rẹ ame rẹ urhie na, da kpare obọrhe rọye vẹ obọhwẹre rọye kpenu; Mi de nyo obo rọ vwẹ ọ rọ herọ bẹdẹ na vwo duvwu iyori, tanẹ ọ dia ọke ọvo, ọke ivẹ kugbe ubrọ rẹ ọke, vẹ ọke rẹ ẹguọghọ rẹ ogangan rẹ ihwo efuanfon na vwo te oba, eravwọ nana ejobi che ru gba.

Ezra 5:3

Vwẹ ọke yena Tattenai osun rẹ ubrakpọ rẹ Obovrẹn rẹ Urhie na vi Shetarbozenai kugbe irivẹ rayen de bru ayen rhe re ta ota ọtiọna kẹ ayen nẹ, Ono ke ovwan urhi nẹ ovwan bọn uwevwi na kugbe rere ovwan ruo re?

1 Ivie 22:11

Zẹdikaya ọmọ ri Chenaanah de duvwu lghoro rẹ utehru kẹ oma rọye, ọ da ta, E nẹ Ọrovwohwo tare, Ighoro nana we che vwo dje ihwo ri Siria bẹsiẹ rẹ ayen vwọ ghwọrọ.

Une rẹ Ejiro 75:4

Me da ta kẹ ọyeyan, Wọ gbe yeya-an, kẹ ohwo umwemwu, wọ gbe kpare ighoro wẹn kpenu-u,

Une rẹ Ejiro 75:5

Wọ gbe kpare ighoro wẹn kpenu-u, wọ rha ta ota re arueyivwọ phi ohọre-e.

Jerimaya 48:25

Ighoro ri Moab e bru ayen kufia, ugbobọ rọye vwirhiri, eriyin Ọrovwohwo na tare.

Daniẹl 7:16

Mi de sikẹrẹ ohwo ọvo vwẹ usun rẹ ihwo ri mudia vwẹ etiyin na me da nọ kpahe uyota rẹ emu nana ejobi. Etiyin ọ da ta kẹ vwẹ, ọ da vwẹ otọ rẹ emu na ejobi vwọ nẹ vwẹ.

Zekaraya 1:18

Me kparo me da mrẹ, gbe nighe ighoro ẹne!