Zekaraya 1:17 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁷ Rhoma kperi, E nẹ Ọrovwohwo rẹ otuofovwi tare, irere mẹ cha rhoma vọn vẹ oyouvwe, Ọrovwohwo cha rhoma vwẹ uchebro kẹ Zayọn ọ je cha rhoma je Jerusalẹm reyọ.

Zekaraya 1:17 Referans Kwoze

Aizaya 51:3

Kidie Ọrovwohwo se bru Zayọn uche, ko bru asan ra ghwọre ejobi na uche, ko ru aghwa rọye kerẹ Idẹn, aghọghọ vẹ omavwerhe keye a mrẹ vwọ, ẹkpẹvwẹ kugbe urhuru rẹ ine.

Zekaraya 2:12

Ọrovwohwo na kọ vwẹ Juda reuku kerẹ ẹkẹn rọye vwẹ otọ ọfuanfon na, kọ rhoma jẹ Jerusalẹm reyọ.

Aizaya 14:1

Ọrovwohwo ko ni ehrọre ri Jekọp kọ rhoma jẹn Izrẹl reyọ, kọ rhoma vwẹ ayen kpo otọ rẹ obọ rayen, erhorha ki kuomagbe ayen, kẹ ayen churu oma mu uwevwi ri Jekọp.

Ọbe rẹ Ọmraro Ọbadaya Obadaya 1:20

Otu re mu kpo Halah re dia ihwo rẹ Izrẹl keye ri che vwo Fonisha rhiri re te Zerafat; ihwo ri Jerusalẹm re muru re obẹ Sefarad ki che vwo irere re obẹ Negẹb.

Izikiẹl 36:33

E nẹ Ọrovwohwo Ọghẹnẹ tare: Vwẹ ẹdẹ re me da cha hworhẹ owẹ nẹ orukuruku wẹn, ke me cha nẹrhẹ ihwo rhe dia evun rẹ irere wẹn, asan re guọghọ te otọ jovwo ka rhoma bọn ayen.

Aizaya 66:13

Kerẹ ohwo rẹ oni rọye bruche, eriyin Mi bru we uche; ke bru we uche vwi Jerusalẹm.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Aizaya 44:26

Ono ri ru ota rẹ odibo rọye gan, ro ru iroro rẹ iyinkọn rọye, ono re ta kpahe Jerusalẹm, nẹ, A cha rhoma dia kugbe irere ri Juda nẹ, A cha rhoma bọn ayen, ke me kpare igbẹhẹ ri sheri na vrẹn mudia;

Une rẹ Ejiro 69:35

Kidie Ọghẹnẹ se sivwi Zayọn ọ me rhoma bọn irere ri Juda; idibo rọye ke dia etiyin kẹ ayen vwo,

Nehemaya 11:20

Izrẹl ri chekọ, kugbe irherẹn na kugbe ihwo ri Livae na, da hẹ evun rẹ irho ri Juda ejobi, dohwo devun re uku rọye.

2 Ikun rẹ Ivie 6:6

ẹkẹvuọvo me jẹ Jerusalẹm reyọ rere odẹ mẹ vwọ dia etiyin me da rha jẹ Devid reyọ nọ dia enu rẹ ihwo mẹ Izrẹl.

Ẹfesọs 1:4

mrẹmrẹ kirobo rọ jẹ avwanre reyọ vwẹ evun rọye nẹ ẹtuọhọ rẹ akpọ na rhe, nẹ avwanre fon rere avwanre vwo jẹ abe ẹriọ vwẹ obaro rọye.

Zekaraya 3:2

Ọrovwohwo da ta kẹ Idẹbono, Ọrovwohwo ghwọ ku uwe, E Idẹbono! Ọrovwohwo rọ jẹ Jerusalẹm reyọ nure na ghwọ ku uwe! Ọnana dia utuerhanre re si nẹ erhanre rhe-e?

Emọs 9:14

Ke Me cha rhoma reyọ ughwẹ rẹ ihwo mẹ Izrẹl rhivwi rhe ayen, irere ri sheri na ka rhoma bọn ayen ka dia ayen; kẹ ayen kọn ogba ri vain, kẹ ayen da udi rọye, kẹ ayen kọn ogba ayen ke re ibi rọye.

Jerimaya 33:13

Vwẹ irere rẹ obenu rẹ ugbenu na, vwẹ irere ri Shefela na, vẹ evun rẹ irere ri Nẹgẹb na, vwẹ otọ ri Benjamin na, vwẹ asan rẹ yariẹ Jerusalẹm, kugbe evun rẹ irere ri Juda, igegede je cha rhoma yan nẹ obọ rẹ ohwo ro kere ayen, eriyin Ọrovwohwo tare.

Jerimaya 31:13

Kẹsiẹye emete na ke cha ghọghọ vwẹ ehegbe, oma je cha vwerhe imighene re eshare vẹ ekpako na. Me rhẹriẹ uvweri rayen phihọ aghọghọ, me sasa ayen oma, ukpe rẹ uvweri ke me kẹ ayen omavwerhovwẹ.

Aizaya 51:12

Mẹvwẹ, Mẹvwẹ he ohwo ro bru we uche, ono owẹ rọ djẹ oshọ rẹ ohwo rẹ akpọ ro ghwẹ, re ọmọ re ohwo ra mare kerẹ odi ghevweghe,

Aizaya 49:13

So ine rẹ aghọghọ, E idjuvwu, kparọ kpenu, E akpọ kperi phia, E igbenu na, re wa so ine! kidie Ọrovwohwo bru ihwo rọye uche, kọ re ehrọre rẹ otu re he ukpokpogho.

Nehemaya 11:3

Enana ke eye ehọnvwọre rẹ ubrakpọ re dia evun ri Jerusalẹm, ẹkẹvuọvo vwe irho ri Juda kohwo kohwo da dia otọ rọye vwe evun irho rayen Izrẹl, irherẹn na, ihwo ri Livae, idibo rẹ uwevwi rẹ Ọghẹnẹ na, kugbe uvwiẹ re idibo ri Solomọn.

Zekaraya 1:14

Etiyin na amakashe ro nene uvwe ta ota na da ta kẹ vwẹ, kperi phia, E nẹ Ọrovwohwo rẹ otuofovwi tare. Me reoma kpahe Jerusalẹm vẹ Zayọn gangan.

Zekaraya 1:18

Me kparo me da mrẹ, gbe nighe ighoro ẹne!

Zekaraya 2:4

ọ da ta kẹ, Djẹ, ra vuẹ emeghene yena, A cha dia Jerusalẹm kerẹ ẹko ri jẹ igbẹhẹ evwo, fiki rẹ otu rẹ ihwo vẹ uchuru re herọ.

Jerimaya 33:9

O nana kọ dia odẹ rẹ aghọghọ kẹ vwẹ, kugbe ejiro vẹ urinrin vwẹ obaro rẹ irere rẹ akpo na ri che nyo erhuvwu ri mi che ru kẹ ayen, oshọ ko mu ayen rẹ ayen de kpogho vwi fiki rẹ erhuvwu vẹ oyovwe ejobi re me rhuẹrẹ hẹrhẹ na.