Zekaraya 1:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ẹgborho re hẹ ofuvwegbe na ivun rayen miovwo uvwe gangan, kidie ọke re ivun de ghwe miovwo uvwe emerha ẹgborho efa ki di hwe ayen.

Zekaraya 1:15 Referans Kwoze

Jerimaya 51:24

Me cha reihri ri Babilọn vẹ ihwo ri Kaldia ejobi vwẹ irharo wẹn koko na vwi fiki rẹ umiovwo rẹ ayen ruru vwi Zayọn, eriyin Ọrovwohwo tare.

Aizaya 54:8

Vwẹ ophu mẹ rọ mwavwa hwẹ vwẹ ọmọke Mi de si opharo nu kẹ wẹ, ẹkẹvuọvo vwẹ ẹguọnọ ri bẹdẹ ke Me re ehrọre wẹ, eriyin Ọrovwohwo tare, Ọtan wẹn.

Zekaraya 1:11

Ayen ke kpahe kẹ amakashe rẹ Ọrovwohwo ro mudia vwẹ ohri rẹ irhe na, Avwanre ki akpọ na nure, gbe nighe, akpọ na ejobi epha riẹi.

Zekaraya 1:2

Ọrovwohwo mu ophu rẹ ese rẹ ovwan gangan

Une rẹ Ejiro 69:26

Kidie ayen kpokpo ohwo ro wọ ghwiẹ nure, ohwo ru wọ woma nure, kọye ayen kpokpo phihọ.

Emọs 6:1

Eka kẹ otu rẹ oma furu vwi Zayọn, kugbe ayen ihwo re hẹ egbemọphẹ vwẹ enu rẹ ugbenu ri Sameria, ihwo ride re dia ihwo rẹ ẹsosuọ vwẹ egborho na, ihwo rẹ uwevwi rẹ Izrẹl bru rhe!

Izikiẹl 26:2

Ọmọ rẹ ohwo, fikiridie Taya ta ota kpahe Jerusalẹm nẹ, E nẹ, anurhoro rẹ ihwo na tuegheri, o rhiephihọ ghwroro kẹ vwẹ; kẹ oyovwi kẹvwẹ, vwẹ asakiephana a ghwọrọ te otọ na re,

Une rẹ Ejiro 137:7

Karohọ, E Ọrovwohwo, ẹ vwọ suọ rẹ ihwo rẹ Idọm vwẹ ẹdẹ ri Jerusalẹm, obo rẹ ayen tare, Ghwọrọ muotọ, ghwọrọ muotọ! Kpotọ re te esiri rẹ uchivwo rọye!

Une rẹ Ejiro 123:4

O krinọ erhi rẹ avwanre vọn mwavwihwẹ re vẹ ehwẹjẹ rẹ otu rẹ omafuru, ehwẹjẹ rẹ otu ri herẹ.

Zekaraya 6:8

Etiyin o de kperi se vwe, nighe, e re yan hirhe aro ku orho rẹ obọhwẹre ọnre na nẹrhẹ oma fu Erhi Mẹ vwẹ orho rọ hẹ obọhwẹre ọnre na.

ỌBE RẸ JOB 30:13

Ayen de kporo idjerhe mẹ, ayen rhuọba okpetu mẹ, ohwo ọvuovo da ayen ji-i.

Jerimaya 30:16

Ọtiọye na ihwo ri mu ovwan rọ ejobi ke ji mu ayen rọ ivwighrẹ rẹ ovwan ejobi, ọvuọvo rayen, ki kpo imu, otu re ghwa ovwan reyọ ejobi ka je ghwa ayen reyọ, iri shenyẹ ovwan ejobi ke ji shenyẹ ayen rhe.

Jerimaya 50:33

Enẹ Ọrovwohwo rẹ otuofovwi na tare: E shenyẹ ihwo rẹ Izrẹl, ihwo ri Juda ji kugbe ayen rhe, otu ri mu ayen imu yọnrọn ayen kokoroko, ayen rhọvwe siobọ nẹ aye-en.

Habakọk 3:12

Wẹ re zagha otọ na vwẹ ivuemiovwo wẹn, wọ da vwẹ ọphu wẹn chiyi ẹgborho na muotọ.

Zekaraya 14:12

Ọnana emiavwe rẹ Ọrovwohwo che vwo hwe ihwo re vwẹ ofovwi so Jerusalẹm oma rayen che gbo yẹ ayen vwẹ awọ rayen mudia, ẹro rayen che gbo phihọ evun ẹrevwe rayen ji gbo vwe unu rayen.