Zẹfanaya 3:15 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁵ Ọrovwohwo si orhiẹ rẹ obruhwe we nẹ uwe oma, ọ djẹ ivwighrẹ wẹn nẹ uwe oma Ovie rẹ Izrẹl na, Ọrovwohwo na, ọ hẹ uherevie wẹn, wọ gbe djẹ oshọ rẹ umiovwo ọfa-a.

Zẹfanaya 3:15 Referans Kwoze

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Izikiẹl 39:29

Mi gbi che si opharo mẹ nu kẹ ayen ọfa-a, vwẹ ọke ri mi de ku Erhi mẹ na ku uwevwi rẹ Izrẹl, eriyin Ọrovwohwo Ọghẹnẹ tare.

Zẹfanaya 3:5

Ọrovwohwo rọ hẹ evun rọye na ọvwata o ruẹ, o ruẹ obo re chọrẹ-ẹ; kirhiọke kirhiọke o vwo dje ọsoso rọye phia, ọke rọ rhieri chọ obọ-ọ; ẹkẹvuọvo ohwo rọ dia ọsosọ-ọ riẹn omaẹvuọ-ọ.

Emọs 9:15

Ke Me kọn ayen phihọ otọ rẹ obọ rayen, a gbe cha sa kọrọ ayen kufia-a vwẹ evun rẹ otọ re Me vwọ kẹ ayen na, eriyin Ọrovwohwo Ọghẹnẹ wẹn tare.

Iyẹnrẹ Esiri ri Jọn 1:49

Nataniẹl da kpahe kẹ, Rabbi, Wẹ hẹ Ọmọ rẹ Ọghẹnẹ na! Wẹ hẹ Ovie ri Ju na!

Zekaraya 14:11

Ka cha dia, kidie ekan gbe cha dia ọfa-a; Jerusalẹm cha dia vwẹ ofuvwegbe.

Zekaraya 12:3

Vwẹ ẹdẹ yena mi che ru Jerusalẹm oragha ọhọhọ kẹ ihwo na ejobi; ihwo re kpaerọ ejobi ke wọma rayen brabra. Ẹgborho na ejobi ki che koko oma vwọ suọ.

Aizaya 60:18

E gbi nyo umri rẹ ozighi vwẹ otọ wẹn na-a, evẹre eyẹ ẹghwọrọ vwẹ ughwru wẹ-ẹn; ku wọ se igbẹheẹ na Esivwo, anurhoro wẹn kẹ Ejiro.

Aizaya 33:22

Kidie Ọrovwohwo na oguẹdjọ re avwanre, Ọrovwohwo osun re avwanre, Ọrovwohwo na ovie re avwanre, o se sivwi avwanre

Une rẹ Ejiro 85:3

Wọwẹ ri se ivuemiovwo ejobi reyọ wọwẹ ri rhẹriẹ nẹ ophu ọtuatua wẹn.

Ẹvwọphia 12:10

Mi de nyo urhuru rode vwẹ obo odjuvwu, tanẹ, Asakiephana esivwo na kugbe egangan na kugbe uvie rẹ Ọghẹnẹ rẹ avwanre na kugbe ogangan ri Kristi rọye na rhire, kidie a djẹ ukọn rẹ imoni rẹ avwanre na wotọ re, ọ ro mu ayen vwo guẹdjọ kẹ Ọghẹnẹ te ason te uvo na.

Ẹvwọphia 7:15

Kọye ayen vwo mudia vwẹ obaro rẹ ekete rẹ Ọghẹnẹ na, ke ga te ason te uvo vwẹ evun rẹ uwevwi rẹ ẹga na; ọ ro tidia vwẹ enu rẹ ekete na kọ bẹrẹ ibekpe sa ayen.

Iyẹnrẹ Esiri ri Jọn 19:19

Pailet de ji si odova rọye rhe ọ da vwọ tamu agbagba na; e de se, Jesu ri Nazarẹt, Ovie ri Ju.

Iyẹnrẹ Esiri ri Jọn 12:15

A djẹ oshọ-ọ, ọmọtẹ ri Zayọn; nighe, ovie wẹn cha, o tidia vwẹ enu rẹ upene rẹ ekẹtẹkẹtẹ.

Zekaraya 9:9

Ghọghọ gangan, E ọmọtẹ ri Zayọn! Kperi gan, E ọmọtẹ ri Jerusalẹm! nighe, ovie wẹn bru uwe cha ohwo ro phi kparobọ rẹ omavwerha, dẹndẹn ọ gua ekẹtẹkẹtẹ, upene ọmọ rẹ ekẹtẹkẹtẹ.

Zẹfanaya 3:17

Ọrovwohwo na Ọghẹnẹ wẹn, ọ hẹ uherevie wẹn, ọgba rẹ ofovwi rọ kẹ ohwo obọẹkparọ, kọ ghọghọ aghọghọ riarie owe phihọ, kọ vwẹ ẹguọnọ rọye ru we phihọ ọkpọkpọ, kọ sọ une rẹ aghọghọ riariẹ owẹ phihọ

Habakọk 2:17

Emu ozighi re ru ki Lẹbanọn ko che shenyẹ wẹn; ẹghwọrọ rẹ eranvwe na kọ cha djẹ uguegue mu we, fiki rẹ ọbara rẹ ihwo kugbe ozighi re gbe vwẹ otọ na, ke irere kugbe ihwo re dia evun rẹ ayen.

Maika 7:10

Etiyin ọvweghrẹ mẹ kọ mrẹ, oma kọ vo ohwo rọ ta kẹ vwẹ Tivọ Ọrovwohwo re Ọghẹnẹ wẹn epha? Ki mi ghorie ẹro no, asakiephana ke chiyo te otọ kerẹ ibehre rẹ urhuvwu.

Joẹl 3:17

Ọtiọye ku wa cha riẹn nẹ Mẹvwẹ Ọrovwohwo Ọghẹnẹ wẹn, rọ dia Zayọn, ugbenu ọfuanfon mẹ na. Jerusalẹm kọ cha fon erhorha gbe cha wanvrẹn bẹdẹ-ẹ.

Izikiẹl 48:35

Okiriarie rẹ orere na kọ dia kubit uriorin ihwe gbẹ ẹrenre. Odẹ rẹ orere na kẹ etinẹ yanran kọ dia, Ọrovwohwo na hẹ etiyin.

Aizaya 65:19

Me ghọghọ vwẹ oma ri Jerusalẹm, oma rẹ ihwo Mẹ ke vwerhe ovwẹ, e gbi nyo umri rẹ ovie vwẹ evun rọye-e kugbe ekpere rẹ enu ebro-o.

Aizaya 54:14

Vwe evun rẹ ọvwata owọ wẹn de muotọ, ku wọ tephe kẹ oshenyẹ, kidie wọ gbe djẹ oshọ-ọ; vwo nẹ abọ rẹ uguegue, kidie o gbi si kẹre owẹ-ẹ.

Aizaya 25:8

Ko mu ughwu rọ bẹdẹ, Ọrovwohwo rẹ Ọghẹnẹ kọ ririe oviẹ nẹ opharo rayen, ehwẹjẹ rẹ ihwo rọye ko sio nẹ akpọ na ejobi, kidie Ọrovwohwo tarọ nure.

Jẹnẹsis 30:23

Ọ da mrevun o de vwiẹ ọmọshare, ọ da ta, Ọghẹnẹ si vwe nẹ ehwẹjẹ;

Ẹvwọphia 19:16

E de si odẹ tamu ewun rọye kugbe ekpoghowọ rọye, Ovie rẹ ivie kugbe Ọrovwohwo ro vwo ihwo.

Habakọk 2:8

Fikiridie wo gborho ẹgborho buebu, umuku rẹ ihwo ri chekọ ki che gborho uwe, fiki rẹ ọbara rẹ ihwo kugbe ozighi wo gbe vwẹ otọ na, ru wọ gbe vwẹ irere kugbe ihwo re dia evun rayen.

Aizaya 35:10

Ihwo ra tan hirhe rẹ Ọrovwohwo ọvo ri che rhivwi, rhe Zayọn vẹ ine ẹsuọ, vẹ aghọghọ ri bẹdẹ na vwẹ uyovwi rayen, kẹ ayen vwo aghọghọ vẹ omavwerhe, oja vẹ unuẹfiọn ke dje ghwru.

Iyẹnrẹ Esiri ri Jọn 5:30

Me sa vwẹ ogangan ru emuọvo-o; kirobo ri mi nyori, ọye mi guẹ nene; yẹ ẹdjọeguo mẹ ọ rẹ ọsoso, fikiridie mi ruẹ ọhọrobọ mẹ-ẹ ẹkẹvuọvo ọhore rẹ ọ ro ji vwe rhe.

Ẹvwọphia 18:20

Ghọghọ vwẹ enu rọye, E odjuvwu, E ihwo efuanfon kugbe iyinkọn kugbe emraro, kidie Ọghẹnẹ brorhiẹ hwe kẹ wẹ!

Une rẹ Ejiro 19:9

Oshọ ẹdjẹ rẹ Ọrovwohwo ọfuanfon ọ ri rhiri; orhiebro rẹ Ọrovwohwo uyota, e rẹ esiri kakare.

Aizaya 12:6

Kperi, so ine rẹ aghọghọ, E emotọ ri Zayọn, kidie Ọfuanfon Ọvuọvo rẹ Izrẹl na rọ uherevie rẹ ovwan na vwa rhurarho.

Izikiẹl 35:10

Fikiridie wọ tare, Ẹgborho nana ivẹ na kugbe irho nana ivẹ na ke dia emẹ, avwanre ke kua ro ayen, –owenẹ Ọrovwohwo vwo dia etiyin–

Une rẹ Ejiro 149:2

Jẹn Izrẹl ghọghọ vwẹ oma rẹ ọ rọ Mamerọ, jẹn emọ ri Zayọn ghọghọ vwẹ Ovie rayen!

Aizaya 52:9

We koko va so ine, ovwan asan ifefe ri Jerusalẹm, kidie Ọrovwohwo bru ihwo rọye uche, ọ tan Jerusalẹm hirhe.

Jerimaya 8:19

Kerhọn, rẹ ovie rẹ ọmọtẹ re ihwo mẹ nẹ ugrogro te ohẹhẹre rẹ otọ na, Ọrovwohwo hẹ zayọn vwẹ etiyin na? Ovie rọye tobọ herọ? Die ayen vwọ vwẹ ema rayen vwọ kparẹ ovwẹ ophu? kugbe edjọ erhorha rayen?

Izikiẹl 36:15

mi gbi ji che ju we nyo ehwẹjẹ rẹ ẹgborho na ọfa-a, wọ gbe cha mrẹ omavovwẹ rẹ ihwo na ọfa-a, ayen gbi che ru ẹgborho wẹn she ọfa-a, eriyin Ọrovwohwo Ọghẹnẹ tare.