Zẹfanaya 3:10 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁰ Nẹ abọ oboyi rẹ irhie rẹ Itiọpia ihwo re rẹ vwẹ na, ọmọtẹ rẹ ihwo mẹ re hrabọ na, ke cha vwẹ ẹkpẹvwẹ rhe vwe.

Zẹfanaya 3:10 Referans Kwoze

Aizaya 11:11

Vwẹ edẹ yena Ọrovwohwo kọ cha riẹn obọ rọye vwẹ obọ rivẹ rhe vwọ ghwẹ umuku rẹ ihwo rọye ri chekọ, nẹ Asiria rhe, nẹ Ijipt, nẹ Patios, nẹ Itiopia, nẹ Elam, nẹ Shinar, nẹ Hamat, kugbe irere re hẹ obo oma rẹ urhie.

Une rẹ Ejiro 68:31

Jẹn a ghwe erọvwọ nẹ Ijipt rhe; jẹn Itiopia bru okpakpa riẹn abọ rọye bru Ọghẹnẹ.

Aizaya 18:1

E, otọ rẹ ibekpe ri kiẹriariẹ vwẹ abọ oboyi rẹ irhie rẹ Itiopia,

1 Pita 1:1

Ọbe ri Pita, oyinkọn ri Jesu Kristi, si rhe otu re hẹ imu re hra ro Pọntus, Galesha, kepadosia, Esha, kugbe Bitinia,

Ọbe ri Pọl si rhe Ihwo ri Rom 15:16

nẹ a vwo vwẹ ru ọyinkọn ri Kristi Jesu vwọ kẹ otu ri Keferi vwẹ ẹga rẹ orherẹn rẹ iyẹnrẹ rẹ Ọghẹnẹ na, rere a vwọ mrasan reyọ izobo rẹ otu ri Keferi na, rẹ Erhi Ọfuanfon na ru fon na.

Iruo rẹ Iyinkọn na 24:17

Asakiephana rẹ ikpe evo vwọ wan nu ke me ghwa ọko kugbe okẹ vwo rhe ẹgborho mẹ.

Iruo rẹ Iyinkọn na 8:27

Ọ de vrẹn ọ da yanran. Nighe, ọghwara ọvo ohwo rẹ Etiopia, onotu rẹ Kandase ovie aye rẹ ihwo rẹ Etiopia, kọye vwẹ ẹro te efe rọye. Ọ rhe Jerusalẹm jovwo rhe ẹga,

Malakae 1:11

Kidie nẹ evacha rẹ ọnre re te eshe kpotọ rọye odẹ mẹ re cha rho vwẹ ohri rẹ ẹgborho na ejobi, vwi kasan kasan ejobi ọye a da torhẹ insẹns kẹ odẹ mẹ, kugbe omamọ rẹ ẹkpẹvwẹ rọ fonrọ; kidie odẹ mẹ ọrhuarho vwẹ ohri rẹ ẹgborho na, eriyin Ọrovwohwo rẹ otuofovwi na tare.

Aizaya 18:7

Vwẹ ọke yena ke che ru ẹse kẹ Ọrovwohwo rẹ otuofovwi na nẹ obọ rẹ ihwo ri grori re pha bọbọ bọbọ, nẹ obọ re ihwo ra djẹ oshọ rayen re kerẹ kugbe ri sheri, ẹgborho ro vwo ẹgba ro vwo phiẹ kparobọ re irhie ghare otọ rọye, vwo kpo Ugbenu ri Zayọn, ẹdia rẹ odẹ rẹ Ọrovwohwo rẹ otuofovwi na.

Iyẹnrẹ Esiri ri Jọn 7:35

Ihwo ri Ju na da ta kẹ ohwohwo, Tivọ ohwo nana guọnọ ra rẹ avwanre de jẹ mrẹ? Kọ guọnọ bru otu re hrabọ ro ohri rẹ ihwo ri Grik na re yono ihwo ri Grik?

Aizaya 11:12

Kọ kpare aphiana kpenu kẹ irere na, ko si ihwo rẹ Izrẹl ra djẹ kufia koko, ihwo ri Juda re hrare ko bi koko nẹ igogo ẹne rẹ akpọ na rhe.