Zẹfanaya 1:7 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁷ Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Zẹfanaya 1:7 Referans Kwoze

Habakọk 2:20

Ẹkẹvuọvo yẹ Ọrovwohwo hẹ evun rẹ uwevwi ọfuanfon rọye e jẹn akpọ na ejobi fọ riẹi vwẹ obaro rọye.

Zekaraya 2:13

Ihwo ejobi, fọ gbiẹi vwẹ obaro rẹ Ọrovwohwo; kidie ọ kpare oma rọye nẹ ẹdia ọfuanfọn rọye rhire.

Zẹfanaya 1:14

Ẹdẹ rode rẹ Ọrovwohwo na si kẹri re ọ kẹrire ọ cha vẹ ọkpakpa; edọ rẹ ẹdẹ rẹ Ọrovwohwo o muenu korokoro, ọgba rode na kperẹ phia vwẹ etiyin.

Jerimaya 46:10

Ẹdẹ yena ẹdẹ rẹ Ọrovwohwo Ọghẹnẹ rẹ otuofovwi, ẹdẹ rẹ ihriẹriọ rọ vwọ reihri rẹ ivwighrẹ rọye. Ọlọkọ cha ghwọrọ rọ da bẹn tunu, rọ da da ọbara rayen vọn evun. Kidie Ọrovwohwo Ọghẹnẹ rẹ otuofovwi ze izobo vwẹ orere rẹ obọrhe ọnre rọ kẹrẹ urhie ri Yufretis.

Aizaya 34:6

Ọrovwohwo na vwo ọlọko ọvo, ọbara ghwoiri yanka, ivwri ranmuo koi, ve ọbara rẹ imigodẹ kugbe ẹvwe, vẹ ivwri re ibiehun re egbo. Kidie Ọrovwohwo vwo izobo vwi Bozra, ihwehwe rode vwe otọ re Idọm

Aizaya 13:6

Beroma, kidie ẹdẹ rẹ Ọrovwohwo na kẹrire, kerẹ ẹghwọrọ ro nẹ obọ rẹ Ọrovwoẹgba rhe eriyin ọ cha rhe!

Matiu 22:4

Ọ da rhoma ji idibo efa re se ayen nẹ, Ta ke ihwo ri mi seri jovwo na nẹ, Nighe, Mi chere emu vọn otọ nure; erhuẹn mẹ kugbe egbo mẹ rode na e hwe ayen, emu na ejobi gba nure; Wa yanrhe asan ra da cha rẹ orẹ rẹ opha na.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Aizaya 2:12

Kidie Ọrovwohwo rẹ ofovwi na vwẹ ẹdẹ kẹ ihwo ri herẹ kugbe iri phuoma, kẹ ihwo ri mu oma kpenu,

1 Samuẹl 16:5

Ọ da ta, Arherha; mi rhi ze izobo kẹ Ọrovwohwo; we phorho oma rẹ ovwan, ru we nene uvwe kpo obo izobo na. ọ de phorho Jesse vẹ emọ rọye oma, o de se ayen kpo obo izobo na.

Malakae 4:1

Gbe nighe, ẹdẹ cha, ọ tuabọ kerẹ enyerhanre, ọke yena ihwo ri herẹ vẹ i ri ruẹ umwemwu ejobi ke cha dia kerẹ ehẹbẹ; ẹdẹ ro cha na kọ cha torhẹ ayen ejobi, eriyin Ọrovwohwo rẹ otuofovwi na tare, ọtiọye na o gbi che jẹ o vwo owọ eyẹrẹ eghọ-ọn.

Emọs 6:10

Ọke rẹ omoni rẹ ohwo na, ohwo rọ torhẹ na, de muo kpenu rere ọ ghwẹ ibeku rọye nẹ evun rẹ uwevwi na rhe, rọ da ta kẹ ohwo rọ obẹtan rẹ uwevwi na nẹ, Ohwo ọfa ji kugbe uwe? Kọ ta nẹ, Ẹjo, kọ cha ta Rhurhu unu! E jẹn avwanre se odẹ rẹ Ọrovwohwo-o.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

Izikiẹl 7:10

Nighe, ẹdẹ na! Nighe, ọ cha! Ughwu wẹn rhire, orhiẹn rẹ eku ghwẹ ẹbe phihọ re, eheri kpa ipho re.

Izikiẹl 7:7

Ughwu wẹn bru we rhire, E ihwo re dia otọ na; ọke na rhire ẹdẹ na kẹrire, ẹdẹ rẹ edo, ọ dia ẹdẹ re vwo kperi ukperi rẹ aghọghọ vwẹ obenu rẹ ugbenu-u.

Aizaya 6:5

Etiyin me da ta Ekan kẹ vwẹ! Fikiridie mi ghwruru, fikiridie mẹvwẹ ohwo rẹ ẹbẹrunu rọye jẹ ẹfuọn, me ke rha dia ohri rẹ ihwo rẹ ẹbẹrunu rayen jẹ ẹfuọn, fikiridie ẹro mẹ mrẹ Ovie na, Ọrovwohwo rẹ otuofovwi na!

Kolose 1:12

Wa mia vwẹ ekpẹvwẹ kẹ Ọsẹ na, ro ru avwanre fo ihwo re vẹ irherẹn rẹ Urhukpe na gbe koko reuku na.

Filipae 4:5

E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

Ọbe ri Pọl si rhe Ihwo ri Rom 9:20

Ẹkẹvuọvo, kono hẹ owẹ, e ohwo, ru wọ vwọ kpaha kẹ Ọghẹnẹ? Obo ra mare vwo unu rọ vwọ ta kẹ ọ rọ marọ nẹ, Die wọ vwọ ma vwẹ ọtiọna?

Ọbe ri Pọl si rhe Ihwo ri Rom 3:19

Asakiephana avwanre riẹnre nẹ kemu kemu rẹ urhi tare ọ tarọ kẹ ayen otu re hẹ otọ rẹ urhi, rere unu ri kohwo kohwo rọ phraphro vwo rhurhu, rere ihwo rẹ akpọ ejobi vwọ hẹrhẹ orhiebro ro nẹ obọ rẹ Ọghẹnẹ rhe.

Une rẹ Ejiro 46:10

Fọ gbiẹi, wọ riẹn nẹ Mẹvwẹ Ọghẹnẹ. Mẹvwẹ a kpare kpenu vwẹ ohri rẹ ẹgborho na, Mẹvwẹ a kparẹ kpenu vwẹ akpọ na!

1 Samuẹl 20:26

Yi Sọl ta ota ọvuọvo vwẹ ẹdẹ yena-a; kidie o rori nẹ emu phia kẹ; ọ fonro-on, omuẹro ọ fonro-on.

ỌBE RẸ JOB 24:1

Die sorọ rẹ Ọrovwoẹgba rhe bru ọke rẹ orhiebro-o, die jabọ rẹ ihwo re riẹnrẹ rha mrẹ ẹdẹ rọye-e?

Aizaya 13:3

Ekpuyovwi mẹ ji urhi kẹ ihwo efuanfon mẹ nure, mi se egba mẹ nẹ e ra reihri rẹ ophu mẹ, ihwo mẹ ri herẹ mu oma kpenu na.

Aizaya 29:2

Dede na oma cha rhọ Ariẹl, e che beroma a cha viẹ vwọ, kọ cha họhọ Ariẹl kẹ vwẹ.

Aizaya 34:5

Kidie ọlọkọ Me da evun vọn vwẹ obo Idjuvwu, nighere, o wotọ rhe ri gu ẹdjọ kpahe Idọm, vwọ kpahe ihwo ri mi brorhiẹ re ughwu hwe nure

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

Emọs 8:3

Ine rẹ uwevwi rẹ Ọghẹnẹ na, ko che hirhe phihọ oviẹ vwẹ ẹdẹ yena, eriyin Ọrovwohwo Ọghẹnẹ na tare, irivwi na ke cha dia buebu, vwi kasan kasan ke che mu aycn kufia runrun.

Zekaraya 14:1

Gbe nighe, ẹdẹ rẹ Ọrovwohwo cha re, ra cha vwọ ghare emu ra ghwẹ mie ovwan vwẹ ohri rẹ ovwan.