Zẹfanaya 1:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ẹdẹ rode rẹ Ọrovwohwo na si kẹri re ọ kẹrire ọ cha vẹ ọkpakpa; edọ rẹ ẹdẹ rẹ Ọrovwohwo o muenu korokoro, ọgba rode na kperẹ phia vwẹ etiyin.

Zẹfanaya 1:14 Referans Kwoze

Malakae 4:5

Nighere, mi che ji Elaija rẹ ọmraro na bru ovwan rhe tavwe rẹ ẹdẹ ro muoshọ rẹ Ọrovwohwo na ki rhi te.

Izikiẹl 30:3

Kidie ẹdẹ na kẹri re, ẹdẹ rẹ Ọrovwohwo na kẹri re, ẹdẹ ro che mu egho, ọke rẹ ughwu kẹ ẹghorho na.

Zẹfanaya 1:7

Rhurhu unu vwẹ obaro rẹ Ọrovwohwo Ọghẹnẹ! Kidie ẹdẹ rẹ Ọrovwohwo na te otọ re; Ọrovwohwo rhuẹrẹ izobo kpahe Ọ nabọ ru erhorha rọye fuanfon.

Joẹl 2:11

Ọrovwohwo na da kpare urhuru rọye kẹ unuofovwi na, kidie otu rọye pha buebu gbidi; ọ rọ ta ota na pha gangan. Kidie ẹdẹ rẹ Ọrovwohwo na pha rhuarho o mu oshọ gangan; kono ri se dede?

1 Tẹsalonaika 4:16

Kidie ekpuyovwi rẹ Ọrovwohwo dẹn che wotọ nẹ odjuvwu rhe vẹ edo, kugbe urhuru rẹ onotu rẹ emakashe, kugbe edo rẹ ọgban rẹ Ọghẹnẹ. Irivwi ri ghwuru vwẹ evun ri Kristi ki ke vrẹn.

Izikiẹl 7:12

Ọke na rhire, ẹdẹ na si kẹrire. E jẹn ohwo rọ de ghọghọ-ọ eyẹ ohwo rọ shẹ muomahọ-ọ, kidie ivuemiovwo ọ hẹ enu rẹ ẹgbotu rayen ejobi.

Aizaya 33:7

Kighe ihwo ri yivwaro re bunu vwe obo otafe, iyinkọn rẹ ufuoma ra viẹ gangan.

Aizaya 15:4

Họshbọn kugbe Elealeh viẹ phia, e de nyo urhuru rayen vwẹ asan kerẹ ọtiẹ Jahaz; eriyin na egba ofovwi ri Moab kperi phia, erhi rọye rọ kpogho.

Jems 5:9

Imoni mẹ, ovwan guẹ ohwohwo-o, rere e vwo jẹ ovwan eguo; nighe, obrorhiẹn mudia vwẹ anurhoro re.

Iruo rẹ Iyinkọn na 2:20

ọnre na ko che mu ebri emeranvwe na ko che hirhe phihọ ọbara, kẹsiẹye ẹdẹ rẹ Ọrovwohwo na ki rhi te, ẹdẹ rode na kọ vwẹ oma phia.

Joẹl 1:15

Eghwo kẹ ẹdẹ na! Kidie ẹdẹ rẹ Ọrovwohwo na kerire, kerẹ ẹghwọrọ ro nẹ obọ rẹ Ọrovwoẹgba cha– eriyin ọ cha rhe.

2 Pita 2:3

Fiki rẹ urhuru kugbe ọphiẹvwe rayen ke cha vwẹ ovwan chueki; nẹ awanre rhe ọye obruhwe rayen vwọ hẹ otọ, o vwo ovwerhẹ vwẹ ọke rẹ ẹghwọrọ raye-en.

Emọs 8:2

Ọ ke ta, Emọs, die wọ mrẹre? Me da ta, obere re emamọ rẹ ọkeuvo. Etiyin Ọrovwohwo da ta kẹ vwẹ, Oba na teri kẹ ihwo mẹ Izrẹl nure, Me gbe rha cha wanvrẹn aye-en.

Joẹl 2:31

Ọnre na ko che hirhe phihọ ebri, emeranvwe ko che hirhe phihọ ọbara, tavwe rẹ ẹdẹ rode ro mu oshọ rẹ Ọrovwohwo na ki che te.

Zẹfanaya 1:10

Vwẹ ẹdẹ yena, Eriyin Ọrovwohwo na tare, ke che nyo unuebo vwẹ obo Anurhoro rẹ Eri na, oviẹ ko che nẹ ubro rẹ orho rivẹ rhe, edo gbragada ko nẹ obo ugbenu na rhe.

Joẹl 3:16

Ọrovwohwo de do nẹ Zayọn rhe, urhuru rọye da mra nẹ Jerusalẹm rhe, odjuvwu vẹ akpọ na de mu kpogho Ẹkẹvuọvo Ọrovwohwo hẹ odjahọ kẹ ihwo rọye, ogba ọgangan kẹ ihwo rẹ Izrẹl.

Joẹl 2:1

Hworo owanre na vwi Zayọn, teye unuebo vwẹ ugbenu ọfuanfon mẹ Jẹn ihwo re dia otọ na ejobi mu phariẹ, kidie ẹdẹ rẹ Ọrovwohwo na, ọ kẹrire,

Izikiẹl 12:23

Vwẹ ọtiọye na gba ta kẹ ayen, Enẹ Ọrovwohwo Ọghẹnẹ tare: Mi che phi oba phihọ itẹ nana, ayen gbi che kpe itẹ nana vwẹ Izrẹl ọfa-a. Ẹkẹvuọvo ta kẹ ayen, Ẹdẹ na kẹre otọ re, emramrẹ na ejobi ki che ruẹ gba.

Jerimaya 48:41

a cha reyọ irere na ogba ọgangan na ke che gborho. Udu rẹ ihwo rẹ ofovwi rẹ Moab cha dia vwẹ ẹdẹ yena kerẹ udu rẹ aye rọ chuẹ uvwiẹ,

Jerimaya 30:7

Eghwo! ẹdẹ yena rhoro gangan. A mrẹ ẹdẹ re vwo dje-e; ọke rẹ okpetu kẹ Jekọp, dede na e che sivwo no.

Jerimaya 25:36

Kerhọn rẹ ekpere rẹ isuigegede na, vẹ oviẹ rẹ ilori rẹ igegede na! Kidie Ọrovwohwo che miovwẹ odi rẹ igegede na kufia,

Aizaya 66:6

Kerhọn, unuebo nẹ obo orere na cha! Urhuru nẹ uwevwi rẹ ẹga na cha! Urhuru rẹ Ọrovwohwo, rọ hwa osa kẹ ivwighrẹ rọye!

Hibru 12:26

Vwẹ ọke yena urhuru rọye ko kpogho akpọ na; ẹkẹvuọvo asakiephana o vẹri nure, Kẹ ẹsiẹvo ri chekọ o diane kẹ akpọ na ọvo mi che kpogho-o ẹkẹvuọvo ji te odjivwu rhe.

Filipae 4:5

E jẹn Ihwo riẹn akoechiro rẹ ovwan. Ẹcha rẹ Ọrovwohwo te otọ re.

Aizaya 8:22

ayen ki ni otọ na, ẹkẹvuọvo nighe, odjadja kugbe ebri hwi, omaemuohọ rẹ ivuemiovwo, ke keke ayen phihọ ebri hwi.

Izikiẹl 7:16

O da dianẹ ohwo ro ghwu chekọ vwọ da dje vabọ, ke ayen dia enu rẹ igbenu kerẹ ilekuku rẹ iyara, ayen ejobi re beroma, ọvuọvo fiki re orukuruku rọye.

Joẹl 3:14

Urogho, urogho, vwẹ evun rẹ iyara rẹ orhiebro! kidie ẹdẹ rẹ Ọrovwohwo na kẹrire vwẹ evun rẹ Iyara rẹ orhiebro.

Jerimaya 46:5

Die jabọ me vwọ mrẹ? ofu dje ayen ayen de rhivwi kpuko. E hwe egbofovwi rayen totọ, ayen da djẹ okpokpakpa, ayen gbi ni uko-o. Oshọ vwẹ asan ejobi: eriyin Ọrovwohwo na tare.