Zẹfanaya 1:11 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹¹ Beroma, E ihwo re dia obo Maktesh! Kidie ineki na ejobi gbe herọ-ọ; ihwo re vwanvwẹ idọnọ efuanfon ejobi a nyavwẹ ayen kufia.

Zẹfanaya 1:11 Referans Kwoze

Jems 5:1

Edafe na, ovwan mọ, wa viẹ we bunu vwọ kẹ ukpokpogho ro bru ovwan cha na.

Izikiẹl 21:12

Viẹ wo beroma, ọmọ rẹ ohwo, kidie ihwo mẹ a ta kpaha na; a ta kpahe isun rẹ Izrẹl, a vwẹ ayen vẹ ihwo mẹ vwọ kẹ ọlọkọ hwe. Gba ghwiẹ ekpoghowọ wẹn.

Jerimaya 25:34

Viẹ, ovwan isuigegede, re we kperi, gbunie vwẹ iwurhie, ovwan ilori rẹ igegede na, Kidie ẹdẹ rẹ ehwe vẹ ọ rẹ ohra rẹ ovwan rhire wo che she kerẹ egbo yoyovwi

Iyẹnrẹ Esiri ri Jọn 2:16

Ọ da ta kẹ otu re shẹ ilekuku na, Si imu nana nẹ etinẹ; wo vwẹ uwevwi rẹ Ọsẹ mẹ vwo ruẹ uwevwi rẹ eki-i.

Joẹl 1:13

Vwẹ esiso rhuo re wọ viẹ, E irherẹn na berọma, E otu ri gbe odibo vwẹ enu rẹ agbada na Ro uwevwi, vwẹ esiso rhuo shevwerhẹ. E otu ri gbe odibo kẹ Ọghẹnẹ mẹ! Fikiridie izobo rẹ ọka vẹ izobo rẹ udi e si ayen nẹ uwevwi rẹ Ọghẹnẹ wẹn re.

Joẹl 1:5

Vrẹn, ovwan igbaudu, re wa viẹ; we beroma, ovwan ihwo ejobi re da udi, fiki rẹ udi rọ miẹmiẹ, kidie e kuro kufia nẹ unu wẹn.

Hosia 9:6

Kidie gbe nighe, ayen ra yanran kpo Asiria; Ijipt cha ghwẹ ayen koko, Mẹmfis kọye che shi ayen. Ekuakua esiri vẹ idọnọ rayen ejobi odi ko di rhurhu ayen inwe ke djẹ phihọ itughẹ rayen.

Jerimaya 4:8

Fiki rẹ ọnana, gba vwẹ esiso rhuo, viẹ beroma; kidie ophu ọtuatua rẹ Ọrovwohwo na ji kurhẹriẹ jẹn avwanre vwo-o.

ỌBE RẸ JOB 27:16

Owenẹ ọ ghwẹ idọnọ koko kerẹ iwurhie dede, rọ da ghwẹ emwa koko kerẹ ophiẹn,

ỌBE RẸ JOB 27:17

Ọ sa ghwe ayen koko, ẹkẹvuọvo ohwo ọsoso ri che rhuo ayen, otu rẹ abọ rayen fonro cha ghare idọnọ na.

Zẹfanaya 2:5

Ekan kẹ ovwan re dia obo erhuru rẹ abadi na, ovwan ẹgborho rẹ ihwo ri Kẹrẹt. Ota rẹ Ọrovwohwo na wẹ a tarọ kpahe, E Kenan, otọ rẹ ihwo ri Filistia; ke me guọghọ owẹ bẹsiẹ rẹ a vwọ mrẹ nẹ ohwo ọvuọvo gbi chekọ-ọ.

Zekaraya 14:21

ochẹ kochẹ ri Jerusalẹm vẹ Juda cha dia fuanfon kẹ Ọrovwohwo rẹ otuofovwi na, rere ihwo re cha gọ iye ejobi vwọ reyọ ayen vwo chere emu re iye. Ọneki gbe rha dia vwẹ uwevwi rẹ Ọrovwohwo rẹ otuofovwi na vwẹ ẹdẹ yena ọfa-a.