Uvwerhe 5:5 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵ Ọghrọrọn rẹ ohọre rẹ avwanre kọye e vwo si avwanre, oma rẹ avwanre gbi vwo omaerovwo-o.

Uvwerhe 5:5 Referans Kwoze

Uvwerhe 1:14

Ogbeku mẹ da họhọ urhekpe ra gba mu vwe, obọ rọye a vwọ gba koko; e de mu ayen nyẹ ohọre mẹ; Ọ da nẹrhẹ ogangan mẹ lọhọ, Ọrovwohwo phi vwe hẹ abọ rẹ otu re gan nọ vwẹ.

Jerimaya 28:14

Kidie enẹ Ọrovwohwo rẹ otuofovwi, Ọghẹnẹ rẹ Izrẹl, tare: Mi phi ahwa rẹ utehru rẹ ọviẹn phihọ ohọre rẹ ẹgborho nana re ayen dia eviẹn ri Nebukadneza ovie ri Babilọn, ayen cha ga, kidie me je kẹ eranvwe rẹ aghwa dede.

Jerimaya 27:8

Ẹkẹvuọvo ọ da dianẹ uvie ọvo gbe rhọvwe ga Nebukadreza nana rẹ ovie ri Babilọn na-a, ro gbi ji phi ohọre rọye phihọ otọ rẹ urhekpe rẹ ovie ri Babilọn na-a, me vwẹ ọlọkọ kugbe owẹvwe vẹ emiavwe ru ẹgborho yena gangan, bẹsiẹye me vwọ wan obọ rọye ghwọrọ ẹgborho yena nu, eriyin Ọrovwohwo na tare.

Urhi Rivẹ 28:48

ku wa cha ga ivwighrẹ rẹ ovwan rẹ Ọrovwohwo che ji nẹ i mu kpahe ovwan, vwẹ owẹvwe vẹ urhuru rẹ ame, vwẹ ẹbẹba, vẹ ọkarovwe ri kemu kemu ejobi, ko che phi urhekpe rẹ utehru phihọ ohọre rẹ ovwan, bẹsiẹ rọ vwọ ghwọrọ ovwan nu.

Iruo rẹ Iyinkọn na 15:10

Asakiephana kidie ovwan vwọ davwẹ Ọghẹnẹ nẹ rẹ ovwan vwo kru oghwa nyẹ ohore rẹ idibo na rẹ esẹ rẹ avwonre eyẹ okpuyovwi rẹ avwanre sa ghwa-a?

Matiu 11:29

Mu urhekpe mẹ ghwa re wo yono uruemu mẹ; kidie me pha vworovworo fuefu vwẹ udu mẹ, kẹ wo mrẹ ufuoma vwọ kẹ erhi wẹn.

Uvwerhe 4:19

E re vwọ tua avwanre na djẹ phẹre nọ avwanre, nọ ekala re hẹ obenu e vwọ tua avwanre vwẹ enu rẹ igbenu; ayen fiọnko hẹrhẹ avwanre vwẹ evun rẹ aghwa.

Jerimaya 27:2

Enẹ Ọrovwohwo ta kẹ vwẹ: Ku ugbudia vẹ urhekpe kẹ oma wẹn, re wọ gba ayen mu ohọre wẹn.

Jerimaya 51:58

Enẹ Ọrovwohwo rẹ otuofovwi tare. Igbẹhẹ rode ri Babilọn na e che kporo te otọ riẹriẹriẹ inurhoro rọye ri kpenu na cha tua vwẹ erhanre. Ihwo na wian kufia, omẹrhọ rẹ ẹghorho na kọ rẹ erhanre.

Maika 2:3

Eriyin na, enẹ Ọrovwohwo na tare: nighe Me herọ jẹ iroro umwemwu vwọ kpahe orua nana, we se si ọhọre rẹ ovwan no-o; ovwan sa yan phuoma-a fikiridie ọke yena cha dia ọke ọbrabra .

Uvwerhe 1:3

Juda kpo imu fiki re oma ẹlaghọ vẹ owian ọgangan, ohri rẹ ẹgborho na kọye ọ dia, ẹkẹvuọvo ọ sa mrẹ ẹdia rẹ omaerovwo-o, otu re vwọ tua djẹrẹ mu vwẹ evun rẹ uvwerhe rọye.