Uvwerhe 5:20 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁰ Die avwanre vwo chọrọ owẹ ẹro bẹdẹ, die wọ vwọ siẹn avwanre kri te enẹ?

Uvwerhe 5:20 Referans Kwoze

Une rẹ Ejiro 44:24

Die wo vwo si opharo wẹn nẹ? Diẹ osọnọ vẹ oshẹnyẹ rẹ avwanre vwọ chọrọ owẹ ẹro?

Une rẹ Ejiro 13:1

Mavọ okrite, E Ọrovwohwo? Re Me vwọ chọrọ owẹ ẹro bẹdẹ? Mavọ okrite ru wo vwo si opharo wẹn nu kẹ vwẹ bẹdẹ?

Une rẹ Ejiro 89:46

Mavọ okrite, E Ọrovwohwo, ru wo vwo si oma wẹn nu bẹdẹ? Mavọ ophu wẹn torhẹ kerẹ erhanre krite?

Une rẹ Ejiro 85:5

Ku wo mu ophu rẹ avwanre bẹdẹ? ku wo mu ophu wẹn na rhiri re te uvwiẹ rọ cha?

Une rẹ Ejiro 79:5

Mavọ o krite, E Ọrovwohwo? Rẹ ivun vwo miovwo uwe bẹdẹ? Ophu rẹ omẹriọ wẹn kọ ton kerẹ erhanre?

Une rẹ Ejiro 74:1

E Ọghẹnẹ, die wọ vwọ djẹ avwanre kufia bẹdẹ? Die ophu wẹn vwọ teye igodẹ re egbri wẹn?

Aizaya 62:6

Vwẹ enu rẹ igbẹhẹ wẹn, E Jerusalẹm, Mi phi erhẹrotọ phihọ; vwẹ uvo ejobi kugbe ason ejobi ayen che fotovwi-i. Ovwan re karohọ Ọrovwohwo na, we rovwoma-a,

Une rẹ Ejiro 13:2

Mavọ mi chirako rẹ odjadja vwẹ erhi mẹ krite, ri mi de vwo ọdavwe vwẹ udu mẹ vwe ọke ejobi? Mavọ okrite rẹ ivwighrẹ mẹ vwo mu oma kpenu vwẹ enu mẹ?

Une rẹ Ejiro 42:10

Kerẹsiẹ re okpora da dia oma mẹ, ukọn mẹ na ke vwẹ ovwẹ jehwẹ, ye ayen ta kẹ vwẹ kọke kọke nẹ Tivọ Ọghẹnẹ wẹn epha?

Aizaya 49:14

Ẹkẹvuọvo Zayọn da ta, Ọrovwohwo sen vwẹ, Ọrovwovwe gbe karohọ ovwẹ-ẹ.

Jerimaya 14:9

Die nẹrhẹ wọ họhọ ohwo gedegede kẹrẹ ogba ro se sivwẹ-ẹ? ye wẹ, E Ọrovwohwo, wọ hẹ ohri rẹ avwanre, a vwẹ odẹ wẹn se avwanre, wo jẹ avwanre vwo-o.