Uvwerhe 5:2 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

² A rhẹriẹ uku rẹ avwanre vwọ kẹ erhorha, iwevwi rẹ avwanre kẹ ihwo rẹ isiorho.

Uvwerhe 5:2 Referans Kwoze

Zẹfanaya 1:13

E che gborho ekuakua rayen reyọ, ka kua iwevwi rẹ ayen fiotọ. Owene ayen bọn iwevwi dede, ayen cha sa dia aye-en; owenẹ ayen kọn ogba ri vain, ayen cha sa da udi ro hwẹ no rhe-e.

Aizaya 1:7

Orere wẹn kua fiotọ, orho wẹn erhanre torhẹ ayen, vwẹ irharo wẹn kokoko na erhorha ra kua otọ wẹn reyọ, ọ kuare, erhọrha guọgherọ totọ.

Izikiẹl 7:24

Me vwẹ ihwo re ma bra vwẹ ẹgborho na ejobi rhe reyọ iwevwi rayen, eheri rẹ egba rayen na ejobi ki vwo oba, asan efuanfon rayen ejobi ke gbe ayen ẹgua.

Izikiẹl 7:21

Ki mi phio phihọ obọ rẹ erhorha rẹ dia emuọre rayen, rọ dia ugborho kẹ ihwo umwemwu rẹ akpọ na, ayen ki gbe ẹgua.

Jerimaya 6:12

A cha vwẹ uwevwi rayen kẹ ihwo efa, te udju vẹ eya rayen ejobi, kidie me cha riẹn obọ mẹ kpahọ kpahe ihwo rẹ otọ na eriyin, Ọrovwohwo na tare.

Aizaya 63:18

Ihwo efuanfon wẹn vwo ẹshẹ wẹn na ọmọke, ivwighrẹ rẹ avwanre de chiyo wan.

Aizaya 5:17

Ọke yena imigodẹ na ke cha re odi rayen, te ọghwara te ẹmẹvwe ke cha re kugbe vwẹ ohri rẹ iwevwi ri sheri na.

Une rẹ Ejiro 109:11

Jẹn ohwo rẹ ayen re osa gborho obo rẹ ayen vwori ejobi; jẹn erhorha kọrọ emamọ rẹ owian rọye!

Jerimaya 17:4

Wa cha rhan obọ rẹ ovwan nẹ ukuẹriọ re me vwọ kẹ ovwan, ki mi che ru ovwan vwọ ga ivwighrẹ rẹ ovwan vwẹ otọ re wa riẹnre-e, kidie vwẹ evun rẹ ophu mẹ ki mi koko erhanre ro cha la bẹdẹ phiyọ.

Hosia 8:7

Kidie ayen kọn odju, ayen ki che vun ogiribo. Eka ri mudia na mu emọ phihọ uko-o, ayen gbe cha mọ-ọ e da tobọ mọ erhorha ke riọ nu.

Hosia 8:8

A rọ Izrẹl nure, uherevie rẹ ẹgborho efa kọye ayen epha fafarhiẹ kirẹ ekuakua ra kpare kufia.