Uvwerhe 5:14 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

¹⁴ Ekpako na yan jẹ unu ra wa rua orere vwo; imighene je yan jẹ ihwehworo vwo.

Uvwerhe 5:14 Referans Kwoze

Jerimaya 7:34

Ki mi fue urhuru rẹ aghọghọ vẹ omavwerhovwẹ nẹ irere ri Juda kugbe Jerusalẹm ejobi, urhuru rẹ opha vẹ ọshare rọye, kidie otọ na cha dia ofefe.

Izikiẹl 26:13

Ihwehworo vẹ ine wẹn ke me da ayen ji, edo rẹ isorogun wẹn e gbi nyo ọfa-a.

Ẹvwọphia 18:22

e gbi nyo edo rẹ isorogun kugbe eboine, e rẹ otu ri hworo urephe kugbe owanre, ọfa vwẹ evun wẹ-ẹ; kugbe ọwena rẹ ona kona a gbe mrẹ vwẹ evun wẹn ọfa-a; kugbe edo rẹ uwuye e gbi nyo vwẹ evun wẹ ọfa-a;

Uvwerhe 2:10

Ekpako rẹ ọmọtẹ ri Zayọn tidia tẹ otọ fọ gbiei. Ayen tuẹ iwurhie ku iyovwi rayẹn, ayen da vwẹ isisio rhuo; Emetẹ ri Jerusalẹm gbe iyovwi rayen phihọ otọ.

Uvwerhe 1:19

Mi se esen mẹ ẹkẹvuọvo ayen phiẹn vwẹ, irherẹn mẹ kugbe ekpako mẹ ghwọrọ phihọ evun rẹ orere na, re ayen vwọ guọnọ emuọre re ayen vwo vwo ẹgba.

Uvwerhe 1:4

Idjerhe ra wan kpo Zayọn muomaphihọ kidie ohwo ọvuọvo sa rhe ẹdorẹ re bruru na-a, inurhoro rọye ejobi kẹ ifefe, irherẹn rọye herọ guan, e kpono emete rọye yanran, vwẹ evun rẹ uvwerhe rọye.

Jerimaya 25:10

Ọ rọ ma rho, mi che si urhuru rẹ omavwerhovwẹ vẹ urhuru rẹ aghọghọ, urhuru rẹ oshare rẹ ọpha vẹ urhuru rẹ ọpha nẹ ayen obọ, ẹnọ rẹ elanọ vẹ elo rẹ urhukpẹ.

Jerimaya 16:9

Kidie enẹ Ọrovwohwo rẹ otuofovwi na tare, Ọghẹnẹ rẹ Izrẹl na, Nighe, mi che ru rere urhuru rẹ omavwerhovwẹ vẹ urhuru rẹ aghọghọ, urhuru rẹ ọshare rẹ ọpha kugbe urhuru rẹ ọpha de ghwru nẹ etine na, vwẹ aro rẹ ovwan na ejobi.

ỌBE RẸ JOB 30:31

Isorogun mẹ hirhe phihọ omemuohọ, urephe mẹ de hirhe phihọ urhuru rẹ otu re viẹ.

ỌBE RẸ JOB 30:1

Ẹkẹvuọvo asakiephana ayen ke vwẹ ovwẹ jehwẹ, ihwo re boba nọ vwẹ, ihwo re mia vwẹ esẹ rayen jehwẹ re de phi ayen ba erankọ rẹ uchuru mẹ.

Urhi Rivẹ 16:18

Ovwan Me vwẹ iguẹdjọ vẹ ilori mu vwẹ irere rẹ Ọrovwohwo rẹ Ọghẹnẹ rẹ ovwan kẹ ovwan na, a vwẹ ayen mu kirobo rẹ uvwiẹ rẹ ovwan epha; kẹ ayen brorhiẹ rẹ ọvwata kẹ ihwo na.

Hosia 2:13

Ki mi vwẹ oja riọ fiki rẹ ẹdorẹ ri Baal ọke rọ vwọ torhẹ insens kẹ ayen rọ vwọ vwẹ Isa vẹ ejọnrọn vwọ rhuẹro oma rọye, ro de nenesi rẹ esen rọye, Me da chọrọ ẹro, ọtiọye Ọrovwohwo tare,