61 “Wo nyo ọjẹfia rayen E Ọrovwohwo, iroro rayen je kpahe ovwẹ.
Karophihọ E Ọrovwohwo, obo re phia kẹ avwanre, gbe ni ophọphọvwe rẹ avwanre!
Mi nyọ ehwẹjẹ ri Moab kugbe ẹghwọ rẹ ihwo rẹ Ammon, obo rẹ ayen vwẹ ihwo mẹ jehwẹ rẹ ayen da yeyan kpahe ubrotọ rayen.
Karohọ, E Ọrovwohwo, obo ra vwẹ odibo wẹn jehwẹ te, obo re me mrẹ osọnọ te fiki rẹ ihwo na,
Karohọ ọnana, E Ọrovwohwo, obo re ọvweghrẹ na jehwẹ te, rẹ ihwo ri jẹfuọn vwọ harhe odẹ wẹn
Jẹn ọ reyọ ọhwa rọye vwọ kẹ ọrọ teyọ na, rere ọ vọn vẹ isọn-ẹriọ.
Ẹkẹvuọvo E Ọrovwohwo, wọwẹ re riẹn iroro rẹ ayen vwọ guọnọ ovwẹ hwe. Wọ vwẹ orukuruku rayen vwo ghovwo aye-en, wo ji phoro umwemwu rayen nẹ obaro wẹ-ẹ. Jẹn ayen she ghwiotọ vwẹ obaro wẹn, ru ayen gangan vwẹ ọke rẹ ophu wẹn na.