Uvwerhe 3:58 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

⁵⁸ Wọ da chọ ochọ mẹ, E Ọrovwohwo, wọ da tan arhọ mẹ hirhe.

Uvwerhe 3:58 Referans Kwoze

Une rẹ Ejiro 34:22

Ọrovwohwo sa tan arhọ rẹ idibo rọye; ohwo ọvuọvo ro si oma nu vwẹ evun rọye re che bru hwe herọ-ọ.

Jerimaya 51:36

Ọtiọye na enẹ Ọrovwohwo tare; Nighe, mi mie we unu vwo gu me reihri kẹ wẹ ki mi che se abadi rọye kpọ mi de ru ogbugbu rọye ya,

Jerimaya 50:34

Ọ rọ tan ayen hirhe na ogba ọgangan, Ọrovwọhwo rẹ otuofovwi na ọye odẹ rọye. O che mie ayen unu vwo gun, rere ọ vwọ mrasan kẹ akpo na omerovwo, ẹkẹvuọvo ọdjorho kọye dia kẹ ihwo ri Babilọn.

Une rẹ Ejiro 103:4

ọ rọ tan arhọ wẹn nẹ Ukpotọ, ọ rọ vwẹ erhu rẹ uvie rẹ ẹguọnọ ro je rhẹriẹ vẹ arodọvwẹ vwọ tughẹ uwe,

Une rẹ Ejiro 71:23

Ẹbẹrunu mẹ ko kperi ukperi rẹ aghọghọ, vwẹ ọke re me da so ejiro kẹ wẹ, te erhi mẹ rhe, ri wo yoro nẹ ughwu.

Jẹnẹsis 48:16

amakashe rọ tan vwẹ nẹ idẹbono ejobi, bruphihọ kẹ emọ nana; jẹn odẹ mẹ wan oma rayen va phia, kugbe odẹ rẹ esẹ mẹ Ebraham vẹ Aizik; jẹn ayen bu phihọ ẹgborho vwẹ enu rẹ akpọ na.

1 Samuẹl 25:39

Ọke ri Devid vwo nyo nẹ Nabal ghwuru, ọ da ta, Ebruba kẹ Ọrovwohwo rọ reihri rẹ oja ri Nabal vwọ re vwẹ rọ nẹrhẹ odibo rọye jẹ umwemwu ẹruo; Ọrovwohwo de krun umwemwu ri Nabal nyẹ uyovwi rọye. Devid de ji ikọn ra riẹriẹ Abigail, rere o vwo ru aye rọye.

ỌBE RẸ JOB 35:14

Komavọ O ju we e nyo te ru wọ da ta nẹ wọ mrẹ-ẹ, nẹ ẹdjọ wẹn ọ hẹ obaro rọye, nu wọ je hẹrhẹ.

Une rẹ Ejiro 9:5

Wẹ re ghwọ ku ẹgborho na, we re ghwọrọ iruimwemwu; we ri phoro odẹ rayen nu bẹdẹ bẹdẹ

Aizaya 51:22

E nẹ Ọrovwohwo wẹn tare, Ọrovwohwo na, Ọghẹnẹ wẹn ro mie we unu vwo guẹ kẹ ihwo rọye: Nighere, Me reyọ udjokpo rẹ egele mie we obọ; udjokpo rẹ ophu Mẹ wọ gbe cha da ọfa-a,

Jerimaya 11:20

Ẹkẹvuọvo, E Ọrovwohwo rẹ otuofovwi, ro brorhiẹ rẹ esiri, rọ davwẹ udu vẹ iroro nẹ, jẹn uvwe mrẹ ihri wẹn vwẹ enu rayen, kidie wọwẹ mi gu ẹdjọ mẹ kẹ.

Jerimaya 31:11

Kidie Ọrovwohwo tan Jekọp nure, ọ je tan nẹ abọ rẹ ọ rọ gan nọ.

Jerimaya 38:13

Ayen da vwẹ ifi na si Jerimaya kpo enu nẹ orhare na rhe. Jerimaya da dia ọguan rẹ ohẹrhẹ na.