Uvwerhe 3:32 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³² ẹkẹvuọvo, owene ọ vwẹ oja riọ dede o ji ni arodọvwẹ kirobo rẹ ẹguọnọ rọye ro jẹrhẹriẹ na bute.

Uvwerhe 3:32 Referans Kwoze

Une rẹ Ejiro 78:38

Dede na, rọ vwọ dia ọgba rẹ ehrọre na, o da vwẹ orukuruku rayen vwo rhovwe ayen, ọ gbe ghwọrọ aye-en, ọ da da ophu rọye ji ọke ejobi, o rhe jẹ ivuemiovwo rọye kparọ-ọ.

Une rẹ Ejiro 103:11

Kidie kirobo re odjuvwu na kpenu nọ akpọ na, ọtiọye ẹguọnọ wẹn ro jẹ rhẹriẹ na epha kpahe otu re djẹ oshọ rọye;

Une rẹ Ejiro 30:5

Kidie ophu rọye dia ọmọke kren, aroesiri rọye o ri rhiri. Oviẹ sa dia kẹ ọke rhie, ẹkẹvuọvo aghọghọ cha vwẹ urhiọke.

Hosia 11:8

Mavọ mi se vwo siobọ nu we, E Ifrem! Mavọ mi se vwo sibọ nu we, E Izrẹl! Mavọ mi se ru we kerẹ Admah! Mavọ mi se ru we kerẹ Zeboim! Udu mẹ djẹgo, ehrọre mẹ kọ rhua phihọ .

Iguẹdjọ 10:16

Ọtiọye na ayen da kua edjọ erhorha na nẹ oma rayen kufia ayen da ga Ọrovwohwo na; ophu de muo fiki rẹ omẹnaghọ rẹ Izrẹl

Ẹyano 3:7

Etiyin Ọrovwohwo da ta, “Me mrẹ oma ẹlaghọ rẹ ihwo mẹ re hẹ obo Ijipt, mi nyo oviẹ rayen fiki rẹ ilori rẹ iruo re vwẹ ayen wian owian; me riẹn oja rayen.

Iyẹnrẹ Esiri ri Luk 15:20

O de ghine vrẹn o de bru ọsẹ rọye ra. Ẹkẹvuọvo rọ vwọ cha vwe ogboko re; ọsẹ rọye da mrẹ ehrọre rọye da riọ, ọ da djẹ ra gbanọ ọ da fiọnfiọn unu.

Jerimaya 31:20

Ifrem ọmọ ọghaghare mẹ na? Ọmọ rọ je vwe o ruẹ? Kidie ọke kọke me da ta ota kpahọ ejobi ye me je karọ phihọ Eriyin na udu mẹ kọ viẹ kpahọ; omuẹro mi che ni aruẹdọ roye, eriyin Ọrovwohwo tare.

Ivie rẹ Ivẹ 13:23

Ẹkẹvuọvo Ọrovwohwo da vwẹ aroesiri vwo ni ayen, o de ni aruẹdọn rayen, o de rhivwi bru ayen rhe vwi fiki rẹ ọphọ rẹ ọ vẹ Ebraham, vẹ Azik kugbe Jekọp gba re, nẹ ọye gbe ghwọrọ aye-en, ọ rha djẹ ayen nẹ oma rhiri te nonẹ na-a.

Uvwerhe 3:22

Ẹguọnọ ro jẹrhẹriẹ rẹ Ọrovwohwo na o re-e, arodọvwẹ rọye vwo oba-a.

Ẹyano 2:23

Vwẹ evun rẹ ọke buebu yena, ovie rẹ Ijipt de rhi ghwu. Emọ rẹ Izrẹl ki brenu fiki rẹ ọviẹn rẹ ayen epha na, ayen da viẹ, oviẹ rayen de bru Ọghẹnẹ rhe.

Nahum 1:12

Enẹ Ọrovwohwo tare, Owenẹ ayen ganre eyẹ ayen buru, a cha nyavwẹ ayen ghwẹ kufia. Owene mi kpokpo uwe jovwo, mi gbi kpokpo uwe ọfa-a.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.

Aizaya 54:7

Kidie ọmọke krẹ Me vwọ sen wẹ, ẹkẹvuọvo vwẹ ehrọre rode Me vwọ ghwẹ wẹ koko.