Uvwerhe 3:31 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

³¹ Kidie Ọrovwohwo sa djẹ kufia bẹdẹ-ẹ,

Uvwerhe 3:31 Referans Kwoze

Une rẹ Ejiro 94:14

Kidie Ọrovwohwo cha sen ihwo rọye-e ọ cha djẹ je ireuku rọye vwọ-ọ,

Une rẹ Ejiro 77:7

Kẹ Ọrovwohwo ghwe ku aro fia bẹdẹ, ọ rha rhoma vwo ẹroesiri-i?

Jerimaya 32:40

Ke me vẹ ayen cha re ọphọ ri bẹdẹ bẹdẹ, iroro esiri re me jẹn kpahe ayen jovwo mi gbi siobọ nọ-ọ, ki mi phi oshoẹdjẹ mẹ phihọ udu rayen re ayen ju vwe ẹdjẹ jovwo.

Aizaya 57:16

Kidie mi dje ẹghwọ ẹghwọ bẹdẹ-ẹ, eyẹ ivunvun ri miovwo uvwe bẹdẹ-ẹ; kidie obọ Mẹ erhi nẹ cha, Mẹvwẹ re ma ẹnwen rẹ arhọ na.

1 Samuẹl 12:22

Kidie Ọrovwohwo cha sa djẹ ihwo rọye kufia-a, fiki rẹ odẹ rọye rode, fikiridie o je Ọrovwohwo rọ vwọ vwẹ ovwan ru ihwo kẹ oma rọye.

Maika 7:18

Ono Ọghẹnẹ rọ họhọ owẹ, rọ vwẹ orukuruku vwọ ghovwo ro mi gbobọnye ogbeku vwi fiki rẹ umuku rẹ ihwo rọye ri chekọ? O phiẹ ophu rọye phihọ evun bẹdẹ-ẹ fikiridie ẹguọnọ ro jẹrhẹriẹ ri je.

Jerimaya 33:24

Wọ nabo ni obo rẹ ihwo nana ta na mu, Ọrovwohwo siẹn erua ivẹ rọ sanọre na? Ọtiọna ayen jẹn ihwo mẹ fia rere ayen vwo jẹn ẹgborho ẹdia vwẹ obaro rayen ọfa.

Jerimaya 31:37

Enẹ Ọrovwohwo na tare: A da sa vwanvwẹ idjuvwu rẹ enu na, ya je sa guọnọ uchivwo rẹ obotọ rẹ akpọ na phia, kẹsiẹye mi ki che ku uvwiẹ rẹ Izrẹl fia vwi fiki rẹ obo rẹ ayen ruru, eriyin Ọrovwohwo tare.

Nahum 1:12

Enẹ Ọrovwohwo tare, Owenẹ ayen ganre eyẹ ayen buru, a cha nyavwẹ ayen ghwẹ kufia. Owene mi kpokpo uwe jovwo, mi gbi kpokpo uwe ọfa-a.

2 Samuẹl 14:14

Avwanre ejobi che ghwu, avwanre họhọ ame re ku phihọ otọ, a gbe sa banọ koko ọfa-a, Ẹkẹvuọvo Ọghẹnẹ nẹ ohwo ruẹ-ẹ; jẹ Ọghẹnẹ gbi se hwe ohwo rọ gbẹn idjerhe ọfa, rere ọmọ ro djere mrasan bro rhe-e.

1 Ivie 11:39

Ki mi vwi fiki rẹ ọnana kpokpo uvwiẹ ri Devid, ẹkẹvuọvo ọ dia ọ re bẹdẹ-ẹ.

Aizaya 27:8

Ovwanvwọn vẹ ovwanvwọn, vwẹ oma rẹ ighuvwu emuo wo vwo nene ayen pharhe; o de ghwie ayen kufia vwẹ ophu ọgangan rọye vwẹ ẹdẹ rẹ odju ro nẹ obaro ọnre cha.