Uvwerhe 3:26 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁶ Oyoma rere ohwo hwe oma mu hẹrhẹ esivwo rẹ Ọrovwohwo na.

Uvwerhe 3:26 Referans Kwoze

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Une rẹ Ejiro 130:5

Me hẹrhẹ Ọrovwohwo, ẹnwẹ mẹ hẹrhẹ, vwẹ evun rẹ ota rọye me vwe ẹro so,

Hibru 10:35

Vwẹ eriyin na we rhe ku aroeyivwo rẹ ovwan kuẹfia-a, ro vwo osa rhuarho.

Jẹnẹsis 49:18

Me hẹrhẹ esivwo wẹn, E Ọrovwohwo.

1 Pita 1:13

Vwe ọtiọye na gba vwẹ umuamwa mu udu wẹn, vwẹ ẹro te otọ, gbe phiẹrohọ ẹserọphẹ ro bru ovwan cha na vwẹ ẹdẹ rẹ ẹvwọphia ri Jesu Kristi na.

Hibru 3:14

Kidie avwanre ji vwo ẹkẹn vwẹ evun ri Kristi, ọ da dianẹ avwanre yọnre ẹroẹvwọsuọ rẹ avwanre rẹsosuọ na rhi te oba.

Aizaya 30:15

Kidie enẹ Ọrovwohwo rẹ Ọghẹnẹ tare, Ọfuanfon Ọvuọvo rẹ Izrẹl na, Vwẹ omaẹrha kugbe omaerovwo ọye ovwan da rhọ, vwẹ oma ehwemuẹ kugbe ẹro ẹvwọ suọ ọye ogangan rẹ ovwan epha. Yẹ ovwan rhọvwa-a,

Une rẹ Ejiro 119:166

Mi phiẹrohọ esivwo wẹn, E Ọrovwohwo, Me sẹro rẹ irhi wẹn.

Une rẹ Ejiro 119:174

Urhuru rẹ esivwo wẹn si vwe, E Ọrovwohwo, urhi wẹn ọye omavwerhe mẹ.

2 Ikun rẹ Ivie 20:17

Wọ rha lagha oma họnra vwẹ ofovwi nana-a, wa gbro phihọ, we hwe oma mu, re wọ mrẹ ẹkparọ obọ rẹ Ọrovwohwo cha vwọ kẹ wẹ, E Juda vi Jerusalẹm. Wọ djẹ oshọ-ọ, wo jẹ ofu dje we-e; odẹ rọ cha na kpare ofovwi bru ayen, Ọrovwohwo nene uwe dia.

Une rẹ Ejiro 54:6

Izobo rẹ evun esiri kọye mi ze kẹ wẹ; Me vwẹ ẹkpẹvwẹ kẹ odẹ wẹn, E Ọrovwohwo, kidie oyoma.

Une rẹ Ejiro 52:9

Me sa kpẹvwẹ owẹ bẹvwẹdẹ, fikiridie we ri ruro. Mi ghwoghwo odẹ wẹn, kidie o yovwiri, vwe irharo rẹ ihwo esiri.

Une rẹ Ejiro 73:28

Ẹkẹvuọvo vwọ kẹ vwẹ o yoma mi vwo si kẹre Ọghẹnẹ, Me vwẹ Ọrovwohwo Ọghẹnẹ ru asan odjahọ mẹ, rere mi se vwo gbe ikun rẹ iruo wẹn ejobi.

Galesha 4:18

Kidie, o fori rere a vwọ phariẹ oma kpahe emu esiri vwẹ ọke ejobi, ọ dianẹ ọke re me da hẹ ohri re ovwan ọvo-o.

Aizaya 30:7

Kidie ọchuko rẹ Ijipt fi emuovo-o, odiodi gheghe, kọye mi vwo mu odẹ kẹ nẹ Rahab ro di tidia gbiẹi.

Une rẹ Ejiro 92:1

Oyoma ra vwọ vwẹ ẹkpẹvwẹ kẹ Ọrovwohwo, ra vwọ so ejiro kẹ odẹ wẹn, ọ ro Me Kpenu,

Ẹyano 14:13

Mosis da ta kẹ ihwo na, Wa djoshọ-ọ, we mudia gan, re wa mrẹ esivwo rẹ Ọrovwohwo na, ro che ru kẹ ovwan nonẹ na, kidie ihwo rẹ Ijipt re wa mrẹ nonẹ na, wa gbe cha mrẹ ayen ọfa-a.

Aizaya 7:4

re wọ ta kẹ, Kẹnẹ oma, wo hwe oma mu wọ djẹ oshọ-ọ, wo je udu bru uwe fiki rẹ uchuku rẹ utuerhanre ive nana-a, fiki rẹ ophu ọtuatua rẹ Rezin kugbe Siria kugbe ọmọ ri Remeliah.

Jerimaya 14:22

O vwo ẹdjọ ọvo vwẹ usun rẹ edjọ rẹ efian na rọ sa rhọ osio phihọ otọ na? eyẹ kẹ odjuvwu na sa rhọ eghwẹghwẹ? O dia wọwẹ E Ọrovwohwo Ọghẹnẹ rẹ avwanrẹ na-a? Ma vwẹ ẹro so owẹ, kidie wẹ ri ru imu nana ejobi.

Uvwerhe 3:27

Oyoma rere ohwo vwọ ghwa urhekpe rọye vwẹ ọke rẹ emoha rọye.

Ẹyano 14:14

Ọrovwohwo na cha họnre kẹ wẹ, oma ọvo we hwemu.

Une rẹ Ejiro 62:2

Ọye ọvo oragha mẹ kugbe esivwo mẹ, egbe mẹ; mi gbi se yeghe kaka-a.

Habakọk 2:3

Kidie emramrẹ na je hẹrhẹ ọke rọye; o re broma kpo obo oba, ọ cha vwọrọn efia-an. Ọ da dianẹ o gbẹ egherẹ, hẹrhẹ; o che jẹ ẹcha-a, o che krinọ-ọ.