Uvwerhe 3:25 - BAIBOL ỌFUANFON NA RẸ ỌPHỌ RẸ AWANRE KUGBE ỌPHỌ ỌKPOKPỌ

²⁵ Ọrovwohwo yoma kẹ otu re sa hẹrhẹ, vwọ kẹ erhi rọ guọnerọ.

Uvwerhe 3:25 Referans Kwoze

Aizaya 40:31

ẹkẹvuọvo ihwo re hẹrhẹ Ọrovwohwo cha rhiọ ogangan rayen, ke cha tan ibekpe kerẹ ugo, ayen cha dje oma ghwọrọ aye-en, ayen cha yan oma che ro aye-en

Une rẹ Ejiro 37:34

Hẹrhẹ Ọrovwohwo, rere wọ sẹro rẹ idjerhe rọye, kọ kpare owẹ kpenu ra re ughwẹ re otọ na; ẹro wẹn kọ cha mrẹ ẹghwọrọ rẹ oruimwemwu.

Aizaya 25:9

Ka cha ta vwẹ ẹdẹ yena, nẹ, Nighe, Ọnana Ọghẹnẹ rẹ avwanre, avwanre hẹrherẹ, rere o rhi sivwi avwanre. Ọnana Ọrovwohwo na; avwanre hẹrherẹ, e gbe jẹn avwanre ghọghọ vwẹ esivwo rọye.

Uvwerhe 3:26

Oyoma rere ohwo hwe oma mu hẹrhẹ esivwo rẹ Ọrovwohwo na.

Une rẹ Ejiro 27:14

Hẹrhẹ Ọrovwohwo na; gan oma, re wo jẹn udu wẹn yivwaro, uyota, hẹrhẹ Ọrovwohwo na.

Une rẹ Ejiro 37:7

Hwe oma mu kẹ Ọrovwohwo, re wo vwe erhiori hẹrhẹ, wọ phariẹ fiki rẹ ohwo ọfa rẹ idjerhe rọye yovwi kẹ-ẹ, eyẹ vwẹ enu rẹ ohwo rọ jẹ iroro umwemwu.

Aizaya 30:18

Fiki rẹ ọtiọye na Ọrovwohwo vwọ hẹrhẹ rọ vwọ ni arodọvwẹ wẹ kọye ọ da vwẹ oma rọye kpenu ro vwo dje aruẹdọn rọye kẹ wẹ. Kidie Ọrovwohwo ọye Ọghẹnẹ rẹ ọsoso ebruba kẹ ayen ihwo re hẹrhereẹ.

2 Ikun rẹ Ivie 31:21

Kugbe kiruo kiruo ro ruru vwẹ evun rẹ ẹga rẹ uwevwi rẹ Ọghẹnẹ kirobo rẹ urhi kugbe iji rọye wanre, ọ guọnọ Ọghẹnẹ rọye, ọ vwẹ udu rọye ejobi guọnọ, o de yovwi kẹ.

Jems 5:7

Imoni mẹ, ovwan gba vwẹ erhiori hẹrhẹ, bẹsiẹ rẹ Ọrovwohwo cha vwọ rhe. Nighe ọghwẹrẹ vwẹ erhiori hẹrhẹ emamọ rọ kọnre, bẹsiẹ rẹ osio ke rhe rhọ, re emamọ na cha vwọ ghwo.

Hosia 10:12

Kọn ọvwata kẹ oma wẹn, ru wo vun ẹguọnọ ro jẹ re, she otọ ọgangan wẹn na kidie o te ọke ra vwọ guọnọ Ọrovwohwo re, rere Ọ rhe rhọ esivwo phihọ enu rẹ ovwan.

Aizaya 64:4

Nẹ awanre rhe ohwo ọvo ji nyo-o eyẹ vwẹ erhọn nyo-ọ, ẹro je mrẹ Ọghẹnẹ ọfa chọ wẹ ra-a, ro ru iruo kẹ ihwo re hẹrhẹ owẹ.

2 Ikun rẹ Ivie 15:2

Ọ da yanran ra vwa Asa, ọ da ta kẹ, kerhọn mẹ, Asa, kugbe Juda vi Bẹnjamin ejobi; Ọrovwohwo na vẹ owẹ herọ, vwẹ ọke ro wọ vẹ ọye da herọ. Wọ da guọnọ, ku wọ mrẹ, ẹkẹvuọvo wọ da siọn, kọ sen wẹ.

Aizaya 55:6

Guọnọ Ọrovwohwo bẹsiẹ ra vwọ mrẹ, se vwẹ ọke ro vwo si kẹre na;

Une rẹ Ejiro 61:5

Kidie wẹ, E Ọghẹnẹ, ri nyo ive mẹ, we re kẹ vwẹ ughwẹ rẹ ihwo re djẹ oshọ wẹn.

Une rẹ Ejiro 39:7

Asakiephana, Ọrovwohwo, kidie me hẹrhẹ? Iphiẹrohọ mẹ he evun wẹ

Une rẹ Ejiro 27:8

We re tare, Guọnọ opharo mẹ Udu mẹ da ta kẹ wẹ, Opharo wẹn Ọrovwohwo, ọye me guọnọ.

Une rẹ Ejiro 25:8

Ọrovwohwo na ohwo esiri vẹ ọsoso; kọye o vwo yono iruimwemwu phihọ idjerhe na.

1 Ikun rẹ Ivie 28:9

Wẹ, Solomọn rẹ ọmọ mẹ, riẹn Ọghẹnẹ rẹ esẹ wẹn, rere wọ ga vwẹ udu wẹn ejobi vẹ udu rẹ ẹguọnọ; kidie Ọrovwohwo re hiẹn ubiudu, ọ me rha riẹn iroro kiroro vẹ ona ejobi. Wọ da guọnọ, ku wọ mrẹ, ẹkẹvuọvo wọ da siọn, kọ djẹ wẹ kufia bẹdẹ.

Une rẹ Ejiro 119:2

Ebruphihọ kẹ ayen otu re yọnrọn iseri rọye, re vwẹ udu rayen ejobi guọnọ,

Jẹnẹsis 49:18

Me hẹrhẹ esivwo wẹn, E Ọrovwohwo.

1 Tẹsalonaika 1:10

rere a hẹrhẹ Ọmọ rọye ro che nẹ odjuvwu rhe, rọ kpare nẹ ughwu rhe, Jesu ro sivwi avwanre nẹ ophu rọ cha.

Une rẹ Ejiro 22:26

Ohwo rọ hẹ ukpokpogho cha re, evun me vọn; otu re guọnerọ ki jiri Ọrovwohwo! E jẹn udu wẹn dia bẹdẹ!

Zẹfanaya 3:8

Fiki rẹ ọtiọye na gba hẹrhẹ ovwẹ, eriyin Ọrovwohwo na tare, vwẹ ẹdẹ ri mi de che vrẹn rhe kerẹ oseri. Kidie orhiẹbro mẹ na mi se ẹgborho na koko, me me ghwẹ uvie na koko, ki mi che ku ivuemiovwo mẹ ku ayen, ọrhorho rẹ ophu mẹ na, kidie vwẹ evun rẹ erhanre rẹ omeriọ rẹ ophu mẹ na akpọ na ejobi kọ cha tọrhe re.

Aizaya 26:9

Urhuru wẹn re si ẹnwẹn mẹ vwẹ ason, ẹnwẹn mẹ nabọ vwẹ oma kpotọ guọnọ owẹ Kidie ọke rẹ ọrhiebro da hẹ evun rẹ akpọ na re, ihwo rẹ akpọ na ki yono ọvwata.

Une rẹ Ejiro 105:3

Urinrin vwe evun re odẹ ọfuanfọn rọye, jẹn udu rẹ guọnọ Ọrovwohwo ghọghọ!

Une rẹ Ejiro 61:1

Nyo oviẹ mẹ, E Ọghẹnẹ, kerhọn re ẹrhovwo mẹ;

Une rẹ Ejiro 69:32

Jẹn ohwo re shenyẹ mrẹ rọ ghọghọ, wẹ rọ guọnọ Ọghẹnẹ, jẹn udu wẹn sasa.

2 Ikun rẹ Ivie 30:19

vwo ghovwo kohwo kohwo rọ vwẹ udu rọye ejobi vwọ guọnọ Ọghẹnẹ, Ọrovwohwo na Ọghẹnẹ rẹ esẹ rọye, owenẹ ọ yọnrọn urhi rẹ ẹfuọn rẹ ẹshẹ eyẹ o jovwo.

2 Ikun rẹ Ivie 19:3

Ẹkẹvuọvo a mrẹ ememu esiri vwẹ oma wẹ, kidie wẹ re guọghọ oghriki nẹ otọ na, wọ da rha vwẹ udu wẹn vwọ guọnọ Ọghẹnẹ.

Ezra 8:22

Fikiridie oma vo vwẹ re me vwọ ta kẹ ovie nẹ ọ vwẹ otuofovwi vẹ otu re gua iyesi ri nene avwanre je chọ avwanre nẹ obọ rẹ ivwighrẹn rẹ avwanre vwẹ idjerhe, kirobo rẹ avwanre ta kẹ ovie jovwo nẹ, Obọ rẹ Ọghẹnẹ rẹ avwanre yovwi kẹ ihwo ejobi re guọnerọ, ogangan rẹ ophu rọye herọ kpahe ihwo ejobi re senrọ.

Une rẹ Ejiro 71:14

Ẹkẹvuọvo mi phiẹrohọ kọke kọke, ke me rhoma jiri uwe phihọ